حبي لديرتي فاق كل المحبين وحبي لك فاق ديرتي واهلها ♥️!

البارت السادس والخمسون

< عند الحريم >
أم نايف :  يا أم خالد العيال يقولون معزومين عند واحد من عيال الديرة
أم خالد : الله يهديهم شغلتهم شغله ها العيال
أم زياد : ترا إذا ماتبون مب لازم تخلوهم يرحوا قولوا لهم لا
أم نايف : أبك يا أم نايف من متى نعي على الرجال يطلع
أم زياد : ما قلت شي غلط دامكم تعبانين ما تقدروا تسوا اشغالهم  لا تخلوهم يرحوا
أم خالد : والله عيالي ما يقصرون لو أقول أهه بس مايخلوني أقوم
أم نايف : يا حليلهم هم شغلتهم كلها كوي لا أثوابهم و شماغاتهم و الباقي من بخور وكذا شي وارد دايم
أم زياد : وبناتكم وش فايدتهم إن شاء الله
أم خالد : يا أم زياد أكذب عليك لا قلت أنا أسوي شي غير أني أحصنهم و الباقي كله على خواتهم
أم نايف : والله أنا أقوم مع أسيل ياروحي هي تتعب و معنا نايف يعاند الله يهديه
أم زياد : والله عيالي يسون لنفسهم ليش أتعب نفسي و أتعب بنتي عيالي كل واحد يشتغل لنفسه الله يعين كل واحد على شغله
أم خالد و أم نايف أنصدموا بس سكتوا لأن مايبون مشاكل معهم
سمعوا صوت صراخ البنات
أم خالد : بسم الله وشبلاهم هذولا
أم نايف : تعالوا تعالوا خلونا نشوف وش ها الصراخ
قاموا وهم خايفين إذا صار شي للبنات
أم خالد فتحت البنات وشافتهم كلهم حاضنين غدير
أم نايف بعصبيه : وش ها الصراخ أنتي وهي ها
ترف : يا عمهه ما يبي لها سؤاللل يا عمهه اليوم بصير بدورك و أصير عمه
أم نايف ما أستوعبت بس أم خالد ناظرت في غدير وهزت غدير راسها بنعم
أم خالد زغرطت من فرحتها و حضنت غدير وهي الدنيا مو سايعتها
أم نايف أستوعبت : مبروكككك يا حببيبتييي
أم خالد : مبروك يا أمي أنتي يا أجمل من بتصير أم
العنود : يمهه غديير حاملل يا يمه
أم زياد بتمثيل : مبروك ياغدير الله يطرح فيه الخير والبركة
غدير : الله يبارك فيكم اللهم أمين يارب
رولا : حركات يا يمه بتصيري جدة ( معلومة رولا الوحيدة من عيال أبو عمر تنادي أم خالد أمي لأنها متعودة عليها وتشوفها مثل أمها)
أم خالد : الله يبلغني بقدومه بخير بدون شر
تسنيم : ترا حتى أخواني و أنا و خواتي بنصير أعمام  وعمات
أم زياد با أحتقار : و أبو خالد بعد تراه بيصير جد
رولا تذكرت أبوها وهي كانت تشوف فرحتهم في غدير أكيد رح يفرحوا لها بس تذكرت إن مارح يكون لعيالها لا جد من أم ولا جدة
ترف همست لا رولا : تهوجسين بالبيبي حقك أنتي والذيب
رولا صفقت ترف بخفيف : ياللي ماتستحين تونا مملكين حتى زواج ما تزوجنا وش ها التفكير اللي مايتسحي معك
أم نايف : أحنا نخليكم لحالكم وبنروح
غدير : تكفينن ياعمه خالد لا يدري أنا بعلمه
أم خالد أبتسمت ومسحت على راس غدير بحنية : ماعليه يا بنتي مارح أعلمه لا تخافين إذا ماجت من زوجته ماهي فرحة
أبتسمت غدير وطلعوا الحريم
ترف ناظرت البنات عشان يجدولون على رولا
العنود : يا بنات البنت صارت تهوجس بولدها وهي باقي ماتزوجت
أسيل : والله ما عرفت ها الذيب لاعب با إعداداتك
غدير : إذا ما خاب ظني من أول أسبوع بتجينا رولا وهي حامل
رولا : يا حيوانات وش سويت لكم أنا عشان تجدولون علي ها
ترف : توقعي يا غدير معد بنشوفها ذيب بيخطفها
رولا : تراا بروح اعلمه عشان يوريكم
بتول : يايي يا بنات صرنا نعلمه عشان يدافعع عناا
أسيل : أقول ترف فارس وش قال لك ما عاد جاء لنا شكله أنسحب علينا
ترف تذكرت ولفت على خواته : هيه أنتم ثاني مره أنتم روحوا لا أخوكم وش ها العناد فيه يجلط لا بارك الله فيه
بتول : إلا أخوي عاد ما أسمح
ترف : وأنا بنتضرك لين تسمحين
تسنيم : الظاهر بنرجع نخلي رولا تتوسط لنا مره ثانية
رولا : قبل شوي أنتم مجدولين علي الحين تبون أتوسط صدق أن الدنيا دواره
لينا : أقول قومي بشوف خيلك ماقد شفته
رولا : لعيون لينتي بس و أنتم أذلفوا
______________••________________
<عند رولا >
لبست رولا عبايتها وشيلتها و طلعت برا تدوره
رولا : يارب ما يكون عند العيال
لفت رولا أتجاه المكان السري إللي يجلسوا فيه عمر و ذيب ومحد يعرفه ولكن  رولا تعرفه بدون محد يعرف حصلته هناك لحاله راحت متجهه لعنده
وصلت رولا وهو ما كان منتبه له كان معطيها ظهره
رولا نزلت بخفيف بدون ما يحس فيها و حضنته من ورا
ذيب فز يحسبه واحد من العيال
ذيب : أبو صقر منهوا أنت عشان تحضني كذا
رولا : افاا ماعرفتي بحق والله
ذيب : أرجعي جعل ماحدٍ يحضني غيرك يا شيخة أخيرًا جاك أحساس إن ذيبك يحتاج حضنك
رولا : ترا بس ها المره لا تاخذها حلا
ذيب : تعالي تعالي
قربت رولا منه و حطت راسها على كتفه
رولا : ذيب أبي أطلبك ولا تردني
ذيب :هاالمره الحمدلله مافيه تكفى
رولا ضحكت
ذيب : جعلني ما فقد ها الصوت ، أمريني يا حُب عمري
رولا : عاد عشان ها الرومنسية كلها نبي عند الخيل خله يشوف الحبب ذا اللي بعيونك
ذيب : وهي وقفت على الأدهم ما يشوفنا نخليه يشوفنا
ذيب تذكر العزيمة ومسك يدها : بس يا ياروحي أنا و العيال معزومين عند واحد من اخويانا بالديره
رولا : بس كذا عشر دقايق ونرجع
ذيب : أجل يلا قومي اللبسي عبايتك
رولا : بس ترانا محنا لحالنا
ذيب : يعني ما جيتي عشان الرومنسية جيتي عشان البنات رسلوك
رولا : والله ودي أكون معك بس شسوي هم يبون يروحوا ولينا تبي تشوف خيلي ماقد شافته عيب أردها أختي الكبيرة
ذيب : يا عشقي لك يا رولاي الحين اصف لك السيارات طوابير قدااامكك
رولا : صدقق أروح أكلم البنات يتجهزون
ذيب : و أنا أقدر أكذب عليك
راحت رولا وهي الدنيا مو سايعتها
رولا بنفسها : الحمدلله يارب على نعمة ذيبي ربي عوضني فيك يا أجمل عوض بالدنيا هذي
ودخلت عند البنات
رولا : بسرعههه أنتي وياهااا العيالل بالسيارة طلعهم ذيب طرق
بتول : تعلمي من أختي كيف تخليه يطلعهم مب أنتي
ترف : والله عاد إذا أخوي مخلص بحبه ما هو ذنبي هذا أخوك اللي يجيب الهم والغم
العنود : أقول قوموا البسوا عبياتكم قبل يكنسلون
قاموا البنات يلبسوا العبايات
___________••____________
< عند العيال >
زياد : يا فراس أختك شالت ذيب ومعد رجع
فراس : زوجته خلهم وش حارق رزك أنت
( معلومة من عادات الجد فهد و أحفاده من بعد الملكة خلاص تصير حلاله وين ماوده يروح بها يروح )
حمد : أخوي خلاص أنتهى أطالب با إرجاع ذيب الأولي
عمر : و الله أختي محدٍ مثلها تقلب موازينه بكلمه
ذيب : أنشهد
عزيز : أخيرًا مابغينا نشوفك
خالد : و أنت بتشوفه و هو مع رولاه
نايف : أنت أخر واحد تتكلم ما شفت نفسك من بعد ما عرست
خالد : يا ولد أنا ثقيل مب زيه
ذيب : وهو يبقى ثقل قدام عيونها
زياد : ليتك تتغزل فيني كثر ما تتغزل فيها
فراس : يا ذيب معي سؤال شاغلني
ذيب : أسلم
فراس : قصايدك الأوليه في مين معي فضول
ذيب : و الإجابة ما وضحت لك للحين يا فراس وفي غيرها يا فراس
فارس : ايهه حسبناا تخون أختنا
ذيب : و أنا أبو صقر تحرم علي كل بنتٍ من بعدها
سكت ذيب بعدها تذكر البنات
ذيب : اييهه يا عيال البنات عند السيارات ينتظرون قروشوني
زياد : اهوه لا يكون يبون الإسطبل 
فارس : ذكرتني والله جتني ترف قبل ساعة تقول يبون العزبه بس أنا نسيت
حمد : وليه ماجت لنا
فارس : لاقيتها بالطريق وهي جايه هنا وقالت لي
ذيب : اييه يبون الإسطبل يلا عجلواا
خالد : ياولد الرجال منتظر
ذيب : مارح نطول نعطيهم ربع ساعة ونرجع يلا
طلعوا العيال وحصلوا البنات عند السيارة
زياد : قُل أعوذ برب الفلق جن مو أنس
أسيل : الحمدلله طلعت تعرف ربك حسبتك ماتذكره
زياد بتقليد : نينيني أنتي بالذات مافيك إلا لسانك مانتي فالحه إلا به
عمر : خف علينا يا المؤدب اللي ما تطول لسانك و تحلطمك
عزيز : يلا يلا يا بنات أركبوا مع خالد بسيارته وحنا الباقي بسيارة عمر
رولا تكلم ترف : وليه ما يجي ذيب معنا شمعنا خالد
ترف : والله يا عيوني ذيبك الحين يطيح سوقه لين تعرسون لا أعرستم ترحون بالسيارة وحدكم الحين خالد معه مرته يروح بها وبنا
رولا : اههه بس
رفعت نظرها و حصلته يناظر فيها
العنود أنتبهت للنظرات و قربت من رولا
العنود : رولا يا حرام الولد زعلان يبي يوديك هو بس خالد أخذه مكانه
رولا : أسكتي أنتي حتى أنا زعلانه
ضحكت العنود وبعدها طلعوا البنات مع خالد و العيال مع عمر وحركوا
__________••___________
< في سيارة العيال >
حمد : ياولد شغل لنا وش ها الهدوء المخيف
ذيب : جوكم بيض والله مع البنات ياهي سوالف
زياد : بيض مسلوق ولا مقلي
ذيب : مرههه مرهه تضحكك أقول أهجد أحسن لك
نايف : عمر شغل شغل
ذيب : شغلوا فلاح المسردي يا عيال
عمر : عطني أسم الشيله
عطاه ذيب و شغلها عمر و بدت آلحان فلاح المسردي و صوته العذب
كان ذيب ماهو مركز بالشيلة لين وصل فلاحح المسردي ها البارت :
~والله انه تربع بقلبي من إلى
و المشّاعر بحبه متيييييينه
         ___
كل ماغاب عني يجي فيني بلا
وفي حضوره تجيني سكينه ~