< عند عمر وخواته >
هنا فارس كان قريببب من رولا من كل خواتها و أخوانها بشكل حتى ماحب راسها بس حب خدها
فراس : تعايب على ذيب و أنت تسوي مثله
فارس : ومين يقدر يشوف خواتي وما يذوب من هالجمال
لينا : الله يخليكم لنا ذخر وسند
عمر : اللهم أمين
ولف عمر على رولا : وأنتي ماودك تبخرين أخوك
رولا : أفاا أنا ما أبخرك عيب ذي
جت رولا وبخرته
رولا : مافيه حب راس ولا خد مثل اخوانك
عمر : شكلك ادمنتي
رولا : يمكن
جاء عمر بيحب راسها بس دق الباب بسرعهه
بتول : بسم الله مين ذاا
فارس : اصبروا خلوني أشوف مين ذا
فارس : بجي معك
راحوا فارس وفراس يفتحوا الباب ويشوفوا مين يدق الباب
وعمر عند خواته
فارس : مين مين
حمد : أنا ياولد متى ناوي تطلعون
فراس : لا بارك الله فيك وش ها الدق كله خرشتنا
زياد : عشان تفتحوا اعلجلوا العيال كلهم طلعوا مابقى إلا أنتم
فارس : ماجونا إلا المهابيل
حمد : يااااا فاررسس اطلعواا صلبنا وحنا واقفيينن اطلعوا
فراس : اصبر أنت وياه بننادي عمر ونجي
راحوا زياد و حمد و راحوا فراس وفارس يكلمون عمر
فارس : هذولا زياد و حمد
عمر : وش يبون
فارس : أبد يقولوا صلبوا وهم واقفين
رولا : عمر والله لا تحب راسي وتروح
ضحكوا كلهم عليها
عمر : أبشري بعزك أحب راسك وراس كل البيت
رولا : يلا عجل وحرام العيال برا طولتم عليهم
فراس : إلى قولي طولنا على رهيف القلب
فارس : ياولد لو تقوله الحين رولا تقول طولنا عليك معاد بيخلينا نروح
رولا : و أنا صادقة أطلعوا يلا
بتول وهي جاية من غرفتهم : اصبروا اصبروااا
عمر : عسى ماشر وشوله لابسه عبايتك
بتول : ودوني عند البنات
فارس : و أنا أقول لكم من اول خلونا نطلع قبل ذي تجي بس مافيكم رجا
بتول : أقول حدك عاد ويلا تراني جاهزة
رولا : و أنا بعد معها كيف كذا اختي تروح لحالها لازم أخاويها
عمر : أهه ياربي وش مسوي أنا بحياتي عشان يجوني اخوات مهابيل
راحت رولا ولينا راحت معها ولبسوا عبايتهم
حمد يدق الباب : يا ولددد أنتت وياههه أطلعوا طلعت روحكمم
فراس : يا بنات يلاااا العياللل تأخرنا عليهم
طلعوا البنات و معهم أخوانهم
زياد : كان طولتم أبد حنا تحت أمركم الوقت إللى تبوه نمشي فيه
بتول : إذا على كذا خلوني أرجع أسوي كيكة
حمد : أنتِ أطلعي وفكينا أنا متأكد التأخر كله بسببك
بتول : أقول طس عني هناك وعلمي وين نقطة التجمع
زياد : نقطة التجمع يا الثقيلة بمكانكم البنات شابين النار ومتجمعين
رولا : وغدير معهم
خالد بصراخ : ياولد اخلصنا أنت وياااهه
عمر : يا خالددد بودي خواتي عند البنات وبجي
عزيز : ياولد ما صارت عزيمة ذي وش ها العزيمة الساعة سبع اليل
فارس : يلا الحين يوديهم ويجي ياعمر لا تتأخر
راح عمر مع خواته يوصلهم وبعد ماوصلهم رجع عند العيال
ذيب : أبك وش بلاكم لنا ساعة نحتريكم
فراس : أبد الأنسة رولا تبي ساعة عشان نحب راسها و تطلع
ذيب : لا تقول لي ماحبيتم راسها
عمر : وهو فيه حد يقدر يردها لسانها طويل
ذيب : ياولد خلها تاخذ راحتها شعليكم منها أنتم
خالد : أبشركم ياعيال
عزيز : قُل
خالد : بتصيرون أعمّام قريب إن شاء الله
حمد : حلفتك بالله تقولها صادق أنت
خالد : إي بالله صادق
حضنه حمد : ماشاءالله جعله يجي بخيره ويكفينا شره
زياد : تراه مب سيارة
خالد : أنت ماتعرف تهرج زين
عمر : مبروك يا خوي الله يجيبه لكم بخير
خالد : الله يبارك فيك اللهم أمين
وقف الكل يبارك لخالد والفرحة فيهم لا ولد عمهم و أخوهم
وماهي إلى نص ساعة ووصلوا المشب اللي يجتمعوا فيه كل عيال الديرة
خالد بمَ أنه أكبرهم : السلام عليكم
صالح : أرحبببب ووعليكم السلامم
ذيب : أشوفكم ما أشتقتم
سعيد : أكذب عليك عاد إذا قلت ما أشتقت ياولد وينك مختفي من الديرة لا حس ولا خبر
ذيب :يا سعيد أشغال الدنيا
صالح: إلى كيفكم عساكم بخير
عمر : الحمدلله با أحسن حال
سراج : يا حمد وزياد بشروني عنكم أشوفكم متخلين
نايف : أجتمعوا أدج خلق الله
حمد قام وحضن سراج وقام معه زياد
حمد : أفاااا وأنا أتركك أخوييي أفااا والله
سراج بهمس : ياولد لي مدري كم شهر ماسويت مصيبه
زياد : ترا جالس أفكر وش أسوي
حمد : لا تفكر أبد أزهلها
سراج : كفووو وش معكك
حمد : أنا بروح ورا خالد وبحط وراه عصا صغيره
زياد : يا ولد خلنا من خالد تكفى غير
سراج : طيب وش رح تسوي با العصا
حمد : بحطها وبجي و أنتم قولوا وراك يا خالد عقرب والعصا بتدق فيه
زياد : يا حمد خالد با يقلتنا
حمد قام وجاب عصا صغيرة و حطها ورا خالد وثبتها ورجع مكانه
سراج : يا خـاااالددد ورااااككك عقرببب
خالد فز : وأنا ولد أبوووييي وينهه
مع فزت خالد العصا دقته برجله وخالد تجننن يحسبه العقرب
ذيب : يا خالد قرصك
خالد: ايه ايه بس مافيها الظاهر سم
عمر قام : يا خالد ورني ورني
رفع خالد رجله وشاف طرف العصا برجله
الكل هنا طاح ضحكك على خالد والعصا
صالح وهو جايب معه عصا : وينه وينه
عزيز : أسترح يا ولد مابه ولا عقرب هذي عصا
صالح : و أنا متعب نفسي أدور لي عصا
نايف ناظر بالعيال وشافهم كلهم منصدمين و بنفس الوقت يطقطقون
ماعدا حمد وزياد وسراج
نايف بهمس لهم : أجل أنتم ورا ذا كله
سراج : أسكت أنت أريح لك
حمد : نايف لو تعلمهم ياويلك ترا بسوي فيك العجائب
ضحك عليهم نايف وكملوا العيال سهرتهم
_________••____________
< عند البنات >
غدير : السلاامم عليكمم
تسنيم : يا هلا أرحبّي
غدير : تسلمين ياعيوني
ترف : غديروه تراك مضيعة خالد هذي تسنيم
غدير : إلا على طاري خالد تعالوا اعلممكككممم
تسنيم : وش وش تكلميييي
غدير : خلوني أسكت لين يجون بنات الباقيات
ترف : و ليش تحمسينا ياللي ماتستحي
تسنيم : يا بنات تكفون خلونا نروح مكاننا هذاك اللي فيه المشب
غدير : وينه ذا ما أعرفه طلع عندكم مكان ما أعرفه طيب طيب أوريكم
ترف : أجللل قوميييي
قاموا البنات بيروحوا مكانهم ويضبطوه
ترف : بنات خلونا ننادي البنات وبعدها نرتب كل شي عشان يساعدونا
تسنيم : هذولا بنات عمي سعود الله يرحمه جو
ترف : الله يرحمه
غدير : الله يرحمه
رولا : جيتكمممم ولأني أدري إني وحشتكم
بتول : وش معاكمم أشوفكم جاين كلكم هنا
ترف : أبد بنسهر ونسولف
لينا : وين أسيل و العنود ماهم معكم
ترف : بنروح لهم
بتول : أنا و ترف نروح لا العنود
رولا : و أنا و لينا بنروح لا أسيل
راحوا البنات رولا و لينا لا أسيل و بتول و ترف لا العنود
بتول : أشتقت لهالجلسة
ترف : اهوه و سويت كيكة بعد
بتول : الله و أنا كنت بسوي بس أخوك أزعجني وقل راحتي
ترف : لأنه أخوي عارف إني سويت
وصلوا البنات ودقوا الباب وفتحت أم زياد
أم زياد : نعم
ترف : معليش يا خالة بس ممكن العنود تجي تسهر معنا
أم زياد : لا مب ممكن
بتول : تكفييينن ياخالة ما تجوز السهره بدونها
أم زياد : خلوني أناديها وكلموها ماني ناقصة وجع راس منكم
راحت أم زياد تنادي العنود و جتهم العنود
العنود : يا هلا أرحبوووااا
بتول : تسلمين يا عنودي بس يلا بنسهر و نبيييك معنااا
العنود : ودي بس أمي رافضه
ترف : تكفييين حااولليي فيهاااا وربي مانقدر بدونك
العنود : تم بكلمها و أشيل شيلتي و أجي أدخلوا بالصالة لين أجي
بتول : تم ننتضرك يلا
راحت العنود تكلم أمها وبعد وقت وافقت وشالت شيلتها وطلعت
العنود : يلا يا بنات
بتول : وافقت
العنود : إييه وبعد جبت معي فصفص
ترف : يوههه السهره ذي جوييي
/
-عند أسيل و البنات -
رولا : يا أسيل أخلصي
أسيل : أصبري بس أزين القهوة
لينا بهمس لا رولا : يا فشلتي وحنا ماجبنا شي أنا برجع البيت أزين شاهي
رولا : بعد ما نروح نودي أسيل بروح بيت عمي صقر وبسوي
لينا : زين زين عيب والله كلهم يجيبوا وحنا يدينا فاضية
أسيل : جيتت
رولا : مابغيتي
لينا : يلا يلا نروح لا نتأخر
رولا : يلا
أسيل : يلا
طلعوا أسيل ولينا ورولا متوجهات لا مكانهم
وبعد دقايق الكل وصل مكانهم وأبتدوا كلهم ينضفوا المكان و يرتبوه
رولا : غدير دامك جالسة كذا تعالي معي
غدير : وين تبين
رولا : بروح بيت عمي صقر معي شغلة بسويها
ترف : ترا عادي أخاويكم
رولا : لا أشتغلي أنتِ ، معليش يا ترف وتسنيم بس لو بيتنا المفتاح معنا كان ما رحت بيتكم
تسنيم : رولا لو عاد أسمعها منك يا ويلك
رولا : طيب طيب
راحوا غدير ورولا بيت أبو خالد ودخلوا المطبخ
غدير : وش تبين أنتِ
رولا : أبي أسوي شاهي
غدير : طيب عجلي يلا
رولا : طيب طيب
وبدت تسوي رولا الشاهي وهي رايقة
غدير : وش ها الروقان ها
رولا : والله مدري مفاجئ جاني
و بعد ما خلصوا طلعوا متوجهين للبنات
وجلس الكل بشكل دائري وكانت كل وحدة عليها شرشف الصلاة " هم إذا بيطلعوا بنات عادي يحطوه "
و كانوا يسولفون و يضحكون
ترف : الله ها الشاهي مين مزينة
رولا : أنا
ترف : اههه تسلم يدكك يا شيخة
العنود : صدق إنه شاهي خدير
غدير : عاد سوته وهي رايقهه
بعد نص ساعة من جلسة البنات مابين سوالف و فعاليات
جو العيال وشافوا البنات
تنحنح خالد : يا ولد
غدير : أرجع البنات فيه
خالد : تغطوا كلنا بنجي
ترف : ياليل وش تبون الحين جاين
ذيب : أقول تغطوا جايكم أنا
تغطوا البنات و بقوا مسافه للعيال و كانوا على جنب العيال و الجنب الثاني البنات
زياد : اوله وش ها الترتيب كله
أسيل : ها الترتيب ما يصلح لكم في ثانية تقلبون الدنيا
حمد : أقول يا ترف جيبي ورقة وقلم
ترف : وليش إن شاء الله بتقلبوها مدرسة
حمد : نلعم لعبة عجوز وولد
ترف : تمممم يلااا بس تعال معي
حمد يلا
راحت ترف تجيب ورقة وقلم ومعها حمد
ذيب : عطوني براد الشاهي
عمر عطاه
ذيب : يا لبيييهه وش ها الشاهي الزيّينن
تسنيم : لا أعلمك مين مسويته
ذيب : علميني خليني انشب لها
تسنيم : رولاا
ذيب : اوهوههه عاد الزييين من يدها
عزيز : تصدق عاد ماعمري قد ذقت شاهي كذا حلو
العنود : يا الكذوب و أنا يدي تتلسع و أنا أسوي لك ولا يبيت فيك
ذيب : أقولل يا عزيز حدك يعني عارف إنه حلو بس لا تمدح كثير
بعدها جو حمد وترف و حمد وذاق الشاهي بعد ماصبه له ذيب
ذيب : بالله ذوق و عطني رأيك
حمد : ياويلي ويلاه أبك مين مسويته
ذيب : وش بلاك ياولد
حمد : يا زينه زينااههه
رولا : شعرفكم أنتم با الأتيكيت
ذيب ضاق شوي من كلمتها بس رد عليها ببيتين شعر :
- يا بنت مانعرف نظام الأتيكيت
حنى بدو ونعشق نظام الشجاعة
••••••
نشرب حليب البل معى كل توقيت
والله رفعنا بالكرم والشجاعة -
خالد : أسلممم
ترف : حركاااتتت
زياد : أي بالله يشربون حليب البل ويخوفون به ولد عمهم من قوة الشجاعة
حمد : حدك عاد إلا النايفة
زياد : ويازين النايفه زيناه
ضحكوا كلهم على زياد
ولكن رولا حست با إحراج إن ذيب رد عليها و كأنه يبين له ضيقته من الكلمة
ذيب : أحسني حبيت الكلمة
فراس : كلمة أختي لا تسرقهااا يكفي سرقتها كلها باقي كلمتها بتسرقها وش بتبقي لنا
ذيب : لو بيدي صدق أسرقها الحين ولا بتشوفونا احمّر وجه رولا
ترف : حرام عليك البنت ذابت
حمد : ترف يلا أكتبي
ترف : كم عددتكم
بدا حمد يعد كلنا ١٧
نايف : ماشاءالله يا كثرنا يدها بتنكسر
ترف : يعني واحد ولد وحده عجوز و واحد حاكم و واحد جلاد و الباقي ١٣ كلهم بنات
حمد : حلو يلا أجل اكتبي
كتبت ترف وساعدوها البنات اللي تقطع و اللي تطوي لين ماخلصوا وحطوها بصحن
فارس : يا حمد حنا محنا عارفين
حمد : أسمع مثلًا هنا عندنا بنت وولد و عجوز و جلاد وحاكم مثلًا أنت جاك ولد و فراس جاته بنت رح تغمز لفراس فراس يقول أنخطبت و أي واحد مننا عنده العجوز رح يقول كشفتك يعني العجوز تكشف الولد إذا كشفته الولد ينجلد با الحكم اللي يحمكه عليه الحاكم و بعد عادي الولد لو غمز للحاكم و الجلاد برضوا بنخطبوا إذا خطب كل الاعبين و العجوز ما كشفته يفوز و العجوز تنجلد إذا كشفته يخسر وينجلد الولد والعجوز تفوز فهمت؟
فراس : وأنا ولد أبوي لو طلع لي بنت يخطبني
حمد : أقول يلا ترف أبدي
بدت ترف ترج الصحن وكل واحد شال ورقه كان كل واحد يفتح ويقرا اللي فيها بنفسه
ذيب فتح ورقته و أنصدم لمَ شاف اللي مكتوب .....
أنت تقرأ
حبي لديرتي فاق كل المحبين وحبي لك فاق ديرتي واهلها ♥️!
Randomالسلام عليكم انا ابنه الديرة اسرد روايتي الاولى كاتبة مبتدئة جدًا روايتنا تتكلم عن عائلة الجد فهد وأبنائه وبناته واحفاده وحفيداته ... أتمنى أن تنال إعجابكم ✍🏻🤍😢 حسابي أنستا: 3zoh.h
