حبي لديرتي فاق كل المحبين وحبي لك فاق ديرتي واهلها ♥️!

البارت العشرين

< عند رولا>
شافت حيه كبيره  متجهه لها وكان الحمام قريب من غرفة العيال وصرخت بأعلى صوتها وصنمت في مكانها وكانت ترجف بقوه

< عند العيال>
سمعوا صوت صراخ قوي وفزوا كلهم
ذيب: وش جانا يا عيال
خالد: الصوت من الحمام تعالوا نشوف
فارس : ابو عمر وش هذا يا عيال
عمر: يا عيال قوموا نشوف
ذيب: يلا يلا قوموا نروح نشوف
راخ ذيب للحمام وشاف رولا تصارخ وقدامها حيه كبيرة أرتبك وخاف وصرخ بقوه : يا عيال جيبوا العصا بسرعههه
ركض فراس يجيب العصا وعطا ذيب
ذيب: يا فراس تعال خذ رولا بسرعهه
فراس سحب رولا المتجمدة في مكانها وكانت الحيه بتجيها بس ذيب سحبها بسرعه : روحي مع فراس
ورجع قتل الحيه وتنهد بضيق وقال: الحمدالله عدت على كذا تعالوا نشوف رولا وش جاها
خالد: يا ذيب أنت دخلت على البنت وهي ماهي متغطيه
ذيب: يا خالد البنت بتموت وأنت تبيها تتغطى الحمدلله وهي عدت على كذا
خالد: إيه والله الحمدلله
عمر: مشكور يا ذيب لولاك كان أختي ماتت
عزيز: تفأل خير والحمدلله لحقنا عليها قبل يصير فيها شي

< عند رولا وفراس>
كانت رولا ترتجف وخايفه وتصيح بشهقات متكرره
فراس: رولا يا حبيبتي أنتي اهدي وها المويه اشربي
ماكانت رولا ترد وبس عينها بالارض وتصيح وتشهق وترتجف
فراس: يا رولا مايصلح كذا لازم تهدين بتتعبين كذا أهدي وجلس يقرأ عليها قرآن ويسمي عليها حتى هدت شوي وبعدها جت صلاة الفجر وصلوا ورولا هدت شوي بس باقي تصيح وترتجف
صحوا البنات وشافوا فراس ورولا في الصالة نزلت لينا: فراس وش تسوي هنا
فراس: ولا شي بس رولا دخلت عليها حيه للحمام ( يكرم القارئ) وخافت وأحاول أهديها
لينا: بسم الله عليك يا عمري حصل خير تعالي اشربي مويه
فراس: عيت تتكلم بس تصيح وترتجف عجزت فيها
لينا: خلاص روح وأنا والبنات بنتفاهم معها
فراس: يلا حاولوا تهدوها لأنها مرعوبة بس
لينا: ماعليك أنت روح بس
راح فراس ونادت لينا البنات وانفجعوا من منظر رولا
تسنيم بخوف: بسم الله وش فيها كذا
لينا: طلعت لها حيه بالحمام ( يكرم القارئ ) وانفجعت وصار فيها كذا
ترف: يا روحي أنتي تعالي تعالي
حضنتها ترف وانهارت رولا من جديد وجلسوا البنات يهددونها ويقرون عليها ويسمون
لين ما صحوا الأمهات وشافوا رولا تبكي والبنات حولها
أم خالد: سلامات وش فيكم
بتول: أبد يا عمه بس رولا طلعت لها حيه وخافت
أم نايف : بسم الله عليك يا حبيبتي
أم خالد: عسى ماجاها شي
لينا: لا لا الحمدلله ماجاها شي بس خافت
أم زياد: ومين قال لها تروح بالحمامات أخر اليالي
أسيل: أكيد بتروح عشان تقضي حاجتها
أم خالد: ماعليه حصل خير إن شاء الله
العنود: إن شاء الله
سمعوا صوت ذيب : يا رولا كيفك الحين
رولا : طيبه بس خفت شوي
ذيب: الحمدلله
الكل انصدم من رولا انها تكلمت
أسيل: أخيرًا تكلمت مابغيتي
ابتسمت رولا
ودخل الجد فهد : السلام عليكم ورحمة الله وبركاته
رد الكل بصوت واحد: وعليكم السلام ورحمة الله وبركاته
بعده دخلوا عياله وتغطوا البنات ودخلوا العيال
الجد فهد: سمعت يا بنتي كل شي ولا تخافين ماصار إلا كل خير
رولا: إن شاء الله
أبو عمر: وشلون تحسين نفسك الحين يا بنيتي
رولا ابتسمت: لا يبه بخير لا تخاف أنت اخذت ادويتك ولا لا
أبو عمر: إيه أخذتها
أم نايف: يلا خطاك السوء يا بنتي
أبو زياد: لا تخافين واقري أذكارك
أبو خالد: إيه يا حبيبتي اقري أذكارك واقري قرآن أزين لك
رولا ابتسمت باهتمامهم بها
لف أبو خالد للعيال: وأنتم ماودكم تروحون للعزبة
خالد: لا لا يا يبه بنروح الحين
قاموا العيال وركبوا السيارة وحركوا للعزبة

< في السيارة>
حمد: والله هاليومين تعب بس الله يعين
ذيب: يا ولد أنت خلصت النوم علينا وتقول تعب خاف ربك
زياد: إيه والله صادق إنه خلص النوم علينا
نايف: على أساس أنت طالع منها كلكم بالهوا سوا 
عمر: المشكلة إنهم يرقدون كثير بس يا فيهم كسل مو طبيعي
حمد: يقولون من زان نومه زان يومه أنا ما زان لا نومي ولا يومي
عزيز: تكفى أكرمنا بسكوتك
حمد: أبشر من عيوني
بعد وقت وصلوا للعزبة ونزلوا
ذيب: عاد الحين مايحتاج شرح كل واحد عارف شغله وكل يوم بيكون نفس الشي
فراس: لا ماعليك يا الذيب عارفين شغلنا رح أنت لشغلك
زياد: عارفين بس المصيبة إنه بيكون كل يوم نفس الشغله
خالد: يعني يا أستاذة زياد تبي كل يوم نحط لك شغله جديدة
زياد: تكفون حطوني بكل الشغلات إلا عند النياق تكفون
ذيب: للأسف يا زياد مكان شغلك هو هنا يعني مافيه مجال للتغير للمعلومية
نايف: يعني هو بكيفه يغير شغله مالك إلا النياق مالك مخرج منها رضيت ولا لا لك لك
زياد: ياربي وش ها الحالة أنا فيها
حمد: أقول تعال النايفه  مشتاقة لنا
زياد : ما كرهتني بحياتي إلا ها النايفه
حمد : معليش يا حبيبي بس أنت تتكلم عن اغلا مخلوق با النسبة لي يعني أحترم الفاظك
عمر: يلا يا عيال راح الوقت وحنا نتهاوش
ذيب : يلا يلا
كل واحد راح لشغله وبدوا يشتغلون
< عند زياد وحمد>
زياد: يا حمد تكفى أنت احلبها وأنا بشيل الحليب
حمد: لا يا زياد بتحلب وبتشيل الحليب 
زياد: ياربي منكم كل شي تنشبوني فيه وش من ناس أنتم
حمد: زياددد انتبه انتبه وراك
لف زياد وشاف الناقه وراه وهرب زياد و..