حبي لديرتي فاق كل المحبين وحبي لك فاق ديرتي واهلها ♥️!

البارت الواحد و الثلاثون

< عند ذيب >
فتح الباب و شاف مشاري و باقي العيال
ذيب : يا هلا يا هلا توها تتور الديرة
ياسر حضن ذيب بما أنه صديقة المقرب : يا حبيبي يا ذيب منوره با أهلها
مشاري : هلا فيك و الله اننا اشتقنا لك
ذيب : مو كثري و الله مشتاق لكم و حتى العيال كلهم متحمسين يشوفوكم يلا يلا أدخلوا لا تجلسون عند الباب
دخلوا العيال و ذيب عند العيال
ذيب : يا عيال خمنوا مين جانا
زياد : يا ولد ماهو وقت تخمين قول ولا انطم
ذيب : عاد با كيفيك ما تبي تشوفهم صرف نفسك
فارس : يا ذيب أخلص مين جانا جبت لنا فضول تكلم
دخلوا مشاري و ياسر و راكان و فيصل مع بعض
عمر : يا هلاااا مرحبا
حمد : و أنا اقول ليه الديرة امطرت طلعتم جاين
فيصل : يا حبايبي انتم و الله المطر شوفتكم
عزيز : حياكم الله البيت بيتكم تفضلوا
دخلوا العيال و جلسوا في الدوانيه
راكان : يا ولد اشتقت لا هبالنا هنا قم أنت وياه وش ها الرسميه
ضحكوا العيال عليه
زياد : أبشر بي الحين نقوم و نسوي احلا هبال
خالد : و الله الهبال با يجي با العزبة
فيصل : الله يا زين العزبة اشتقت لا ناقة حمد النايفه
زياد : لا إله إلا الله ما لقيتم إلا ها النايفه ما عندكم شغله إلا هي
و بعدين يا خالد مين قال لك إني بروح معكم العزبة
حمد : با تروح و با تحلب النايفه و أنت ما تشوف الدرب
مشاري : افا  يا زياد باقي تخاف من النايفه
زياد : يا ولد طردتني لين ما عرفت إن الله حق
عزيز : و الله جدي لو يسمعك لا يسنعك با العصا لين تموت با حب النايفه
ياسر : يا ذيب الخيول باقي فيه ولا لا
ذيب : لا أبشرك موجودة و بعد سويت لها إسطبل
ياسر : حركات ما عرفتك و الله
فارس : و أبشرك يا ياسر حتى أنا أشتريت لي مع ذيب خيل
ياسر : الله الله يعني ما باقي إلا أنا
ذيب : فكرة حلوه نشتري لك ليه لا
فيصل : وش تشتري له و هو ما يجي  إلا با السنة حسنة مين با يشيل خيوله
ذيب : تقعد مع خيولنا نربيها معها
راكان : أقول لك يا ذيب استخير احسن لك لا تشقي عمرك عاد ياسر عناده يشيب با الراس كيف تبي خيله
خالد : يلا يلا يا عيال خلونا نروح العزبة يكون أحسن من ها الخيول
نايف : يلا يلا جدي لو يشوفنا ما قد رحنا موتنا
فراس : إيه و الله صدقت تأخرنا مره عاد خالد قايل له ما تجي صلاة العشاء إلا و الذبيحة جاهزه و حنا ما قد رحنا حتى
مشاري : ليه وش فيه عشان تبون تذبحون
زياد : أبد يا الطيب شفت و لد الشيخ سلطان ولد أبو سلطان جاه ولد و اليوم السابع حقه و عاد تعرف جدي لازم ذبيحة و عشاني اعترضت با يخليني انا أحلب النايفه
راكان : و الله و رحت فيها يا زياد تستاهل ثاني مره ما عاد تتكلم عليه
زياد : أقول لك توبه عاد أتكلم معه ولا أعارضه في شي الله يهديه يشخصنها على طول
الكل طاح يضحك عليه
عمر : هيا يا ذيب شغل السيارة خلنا نروح
مشاري : يلا ناس مع ذيب و ناس معي
ياسر : عاد أنا ابي مع ذيب يعني معليش
مشاري : يا الساحب حسافة جيتك معي
ذيب : يا هلابك يا حبيبي تعال معي حياك الله
ياسر : الله يحيك يلا مشينا
ركبوا السيارات متوجهين لا العزبة
________••________
< عند البنات >
ترف : يا بنات وش البس
العنود : من يوم عرفت ترف و هي لازم في كل مناسبة تقعد ساعة عشان لبسها
بتول : أنا با البس فستان كحلي
رولا : و أنا با البس فستان أحمر
أسيل : و أنا با البس فستان سماوي
تسنيم : و أنا با البس فستان اسود
لينا : و أنا با البس فستان رمادي
العنود : و أنا با البس فستان اصفر
ترف : تذكرت تم و أنا با البس فستان أخضر
أسيل : حبيتت كل وحدة أفخم من الثانية يا زينكم
رولا : يا زينك أنتي و الله
ترف : عاد رولا با تغطي علينا
رولا : افف افف شدعوة كلنا سوا
العنود : صدقت ترف ماشاءالله انتي من غير حلوه عاد با تلبسين الأحمر با تصيرين تموتين
استحت رولا و حمر وجهها
ترف : بنات شوفوا وجهها ما عرفتك يا رولا طلعتي تستحين
رولا : عفوًا يعني أنا ما أستحي
أسيل : مين قال يا عيوني أنتي اكثر وحدة تستحي بس تعالي نشوف الحريم وش يسون
رولا : يلا يلا
ترف : يا بنات سمعت ذيب يقول لا أمي اخوياه با يجون
بتول : إيه حتى فراس و حنا جاين حصلهم با الكوفي و قال له با يجي
أسيل : احسن ياليتهم ما عاد يروحون يفكوني من هذاك زياد
العنود : يا روحي أنتي ترا ما أرضى على اخوي
أسيل : من زينه أخوك ذا يخاف من ناقه مسوي رجال وهو ماعنده ما عند جدتي
ضحكوا البنات على أسيل و كرهها لا زياد
لينا : يا بنات خلونا نروح نساعدهم الحريم يلا
تسنيم : إيه يلا و الله مساكين تعبانين
راحوا البنات يساعدون الحريم با الأكل و بعد ما خلصوا جلسو يسولفون مع الحريم و بعد ما جابوا العيال الذبيحة جهزوها و راحوا يتجهزون كل وحدة جابت أغراضها و تجمعوا في بيت أبو خالد عند البنات بحيث يطلعون كلهم سوا على طول بدون ما يطولون
___________••__________
< في العزبة >
خالد : يا زياد خلاص مشكور لا تحلب بس تعال اجلس عند الذبيحة امسكها لين أحلب
زياد : العفو يا حبيبي و الله اني احبك أنقذتني من مصيبة
نايف : و الله يا زياد جدي لو يعرف با يموتك لو تدري يعني
زياد : و الله أدري بس وش أسوي ما اعرف شي
ذيب : يا ياسر أنت و فارس تعالوا أبيكم
فارس : هلا وش بغيت
ذيب : تعال معي نروح لا الإسطبل ياسر با يشوفه
ياسر : إيه با الله يا لله
راحوا فارس و ياسر و ذيب لا شاص جدهم متوجهين لا الإسطبل
فارس : يا ذيب شغل لنا شي نسمعه في الطريق
ذيب : أبشر من عيوني ما طلبت شي
شغل ذيب اغنيته المفضلة : يا عيال يلا كلنا نغنيها
ياسر : وش هي الي نغنيها
ذيب : با تعرفها بس أصبر لين تشتغل
اشتغلت الاغنية و بدا ذيب يغني و الكل عرفها و جلسوا كلهم يغنون معه :
خلي ورا العرق و الوادي .. خلي ورا العرق و الوادي
تكفون مرو بنا صوبه .. يا زين دلة و برادي
يا زين دلة و برادي ..  عند الغضي داعج عيونه
خلي على شاص عنابي .. خلي على شاص عنابي
رقم احدعش فوق طبلونه .. خلي على جمس عنابي
خلي على جمس عنابي
ذيب : الله يا زين ها الأيام يا ولد
ياسر : يا ولد ها الأغنية من يوم عرفتك و أنت تحبها
ذيب : عاد هاذي العشق كيف ما أحبها علمني
فارس : ذيب وقف وقف وصلنا
وقف ذيب و نزلوا لا الإسطبل
ياسر : ماشاءالله خابر يا ذيب عندك خيلين خيل اختك و خيلك و الحين معك فارس لاكن الرابع لا مين
ذيب : لا أخت فارس
ياسر : ماشاءالله يعني من كل عائلة اثنين حلو حلو
فارس : يلا خلونا نرجع ما بقي شي على أذان المغرب تأخرنا في العزبة
ذيب : يلا يلا
طلعوا و رجعوا لا العيال في العزبة و شالوهم وما وصلوا البيت إلا و هو يأذن مغرب صلوا مغرب و راح كل واحد يتجهز لأن يصلون عشاء و على طول يرحون لا العزيمة
_________••________
< في بيت أبو خالد >
تسنيم : يا بتول تعالي سوي لي بعدين روحي لا أسيل
بتول : طيب طيب صبر
أسيل : و ليه أنا بعدك
ترف : واهه اص وش ها الإزعاج تهاوشوا احسن
رولا : انا خلصت مين تبيني أجهزها
الكل التفت على رولا و انصدم  من جمالها الفاتن
أسيل : بسم الله حصنتك تكفين أقري على نفسك تحصني تجنين بسم الله عليك
ترف : يا لبيه لو أني ولد تزوجتك من جمالك ماشاءالله
هنا رولا ماتت من الخجل و الكل يمدحها و يمدح جمالها و شعرها الواصل لا أخر ظهرها
بتول : أنا خلصت تسنيم رولا جهزي ترف ولا أسيل
أسيل : أنا أنا تعالي يا رولا خليني اصير حلوه زيك
ضحكت رولا عليها و بدت تجهزها و بتول تجهز الباقي و بعد ما خلصوا نزلوا عند الحريم و جو العيال و شالوهم و راحو لا العزيمة
_________••_________
<في العزيمة عند العيال >
حمد : يا عيال وش ها العزيمة ما فيه احد
زياد : يا ابن الحلال جدي جا قبل الرجال طلع من المسجد على طول هنا اكيد مرح تلقى أحد يا لله يالله تلقى أحد الحين بعد شوي يجون
فيصل: صدق و الله عندنا يرحون أخر اليل
خالد : وشوله يرحون اخر اليل ينامون و يرحون روسهم
ذيب عاد هذا اهل المدن يا ولد ماهو هنا من المسجد على طول هنا
نايف : يا ذيب امي دقت تقول العصيرات في سيارتك رح اعطهم
ذيب : يوهه نسيتها صبر بروح و أجي
راح ذيب و حصل بنت شعرها طويل و كانت فاتنة في الجمال دق قلب ذيب و حاول يصد لاكن قلبه يعيه و....