حبي لديرتي فاق كل المحبين وحبي لك فاق ديرتي واهلها ♥️!

البارت الرابع و الأربعون

< في المزرعة >
خالد : و الله يا حمد إن ما تشتغل مثل الناس ما تشوف خير
راكان : شوف يا خالد أنا أحسن منه
خالد : اشتغلوا و اعتقوني منكم
حمد: أبشر أبشر
و بدوا يشتغلون و حمد ينطط فوق النخل حق العزبة
خالد : أنا استاهل إلي وافقت أروح معكم
حمد : يا ولد الحياء مره وحده عيشها با حلوها و مرها
خالد وصل حده من حمد و شال سعفه في النخل وجلد فيها حمد
حمد : يا رجل أتقني الله تبي تموتني أنت با هذا السعف
خالد : لو بيدي بس
راكان : يلا يا خلودي خلنا نطلع من هاذي المزرعة الكئيبة
خالد كمل الباقي في راكان من الضرب
راكان و هو ينطط من الضرب إلي يجيه
راكان : يا خالد حرام عليك جلدت أبو أبونا
خالد : أحسن لو بيدي زوتكم
و بعد معاناه خلصوا بعد ما موتو خالد غبنة
_______••_______
< في السوق >
مشاري : ماشاءالله سوقكم صاير محلو
نايف : إيه با الله صار لي أكثر من شهر ما قد دخلته
عزيز : حتى أنا من يوم سكنا في الخبر و أنا ما قد دخلته
مشاري : تصدق عاد حبيت السوق أكثر لأن ناس ناشبة في المزرعة و ناس في العزبة الله يكون فب عونهم
عزيز : و الله ماني شايل إلا هم خالد راح مع أكثر أثنين مجانين
نايف : يا مشاري فيصل معد شفته
مشاري: إيه و الله راح معه شغل مهم في القصيم
عزيز : ما علمنا و الله بس الله يوفقه
مشاري : اللهم أمين حتى حنا با نرجع بعد يومين
نايف : مو كأنه بدري
مشاري : بدري و لاكن شنسوي ورانا أشغال
عزيز : إيه با الله محد يخلص من أشغال ها الدنيا الله يعين و بس
نايف : يلا يلا الحين العيال جو
مشاري : يلا تعالوا
وراحوا العيال متوجهين لا بيتهم
_________••___________
< في العزبة >
ذيب : أخلصني يا زياد بسرعه
زياد : خلاص يا ذيب خلاص راضي أسوي كل شي بس ما احلبها كلها
ياسر : يا زياد الناس روحوا و أنت عادك
ذيب : أحسن لك يا زياد تراني عطيتك كل النياق إلا النايفه بجيبها لك
زياد : ها لا لا خلاص بروح احلبها و راح ذيب و هو خايف و لاكن يحاول ما يبين
ياسر : إيه النايف•
ما كمل كلامه ياسر إلا و النايفه تركض ورا زياد
ذيب : زياد وراااك زيادد
زياد ناظر وراه و شاف النايفه و طيح الحليب كله وصار يركض با كل ما أعطاه ربي من قوه
ذيب : لا يا البقره لا لا تركضض
زياد و هو يركض: يا ناااسس يا عربب ادعولي با الرحمة اليوم يومي و ابنوا لي مسجد و تصدقوا عني
ياسر : يا ولد أنت تكتب وصيتك ولا كيف مانت ميت
ذيب طايح ضحك على زياد و شكله و كلامه
ذيب : أبشر أبشر بس وقف
زياد : إيهه تبيهاا تتعشى علي اعرفك انا
ياسر من كثر الضحك فقد توازنه و صار يضحك بشكل هستيري
ياسر : و الله ما تاكلك أنت وقف بس
وقف زياد و راحت النايفه عنه
زياد : وش يضحك أنت وياه تبوني أموت صح انا أعرفكم تبوني أموت
ذيب : ياسر رح جيب له مويا لا يموت صدق
ياسر : أبشر أبشر
زياد : توبه عاد أجي العزبة الخايسة حقتكم ذي توبهه
و جاب له ياسر المويا و شرب زياد و هدي شويه و كمل ذيب الاشغال الباقيه إلي في المزرعة و رجعوا بيتهم
________••_________
< عند البنات >
أسيل : بنات تكفون خلونا نروح عند غدير مره طفش
تسنيم: هي قالت با تجي عندنا هنا هي و أمها بس نسيت أعلم أمهاتنا
ترف : الله عاد هي تقول تبي تشوف جلسة السطح و اليوم حظها مبتسم لها الجو يجنن
العنود : على كذا خلونا نقوم نعلم الأمهات و ننظف البيت
تسنيم : إيه و الله صدقتي لازم نقوم نتجهز
قاموا البنات يعلمون أمهاتهم
ترف : يمهه يمهه
أم خالد : يارب إنك تنزل هدايتك على ها البنت
ترف : اللهم أمين يا حبيبتي
أم خالد : نعم وش تبين
ترف : أم غدير با تجي عندكم تسير عليكم
أم نايف : حياها الله هاذي الساعة المباركة
أسيل : ماشاءالله يا ماما هي ما هي جايه تخطب
أم نايف : و تردين على أمك يا قليلة الحيا
أسيل : معليش معليش ما قصدنا
تسنيم : يمه إذا تبون مساعدة ولا شي تعالي و علميني
أم خالد : زين يا بنتي زين
راحوا البنات يتجهزون و يتهاوشون و بعد وقت خلصوا
_______••_______
< عند العيال في الحوش >
نايف : بشروا أيش صار عليكم
زياد : أسمع أنت وياه البل لو تقولون لي روح عندها مره ثانيه با هاجر يا ناس خافوا الله فيني
مشاري : وش سويتم فيه ذا
ذيب : أبد يا الطيب ماشاءالله عليه يحلب النياق و النايفه حبت تسوي تسجيل دخول و هجمت عليه تطارده و الكفو زياد طيح الحليب و هرب
خالد : لا و الله يا ولد زياد طيح الحليب أنا ربي بلاني
با حمد و الله العظيم يا أن كلام نايف صدق تخليك أنت تتحلطم إنك شليته
حمد : أحب اونس عليك بس أنت نفسيه
راكان : شوفوني أنا شاطر ما سويت شي
خالد : أسكت أنت البلا كله من راسك
عزيز : و الله واضح قد إيش خالد تعب
خالد : ما عادني عاد أروح مع ذولي الاثنين يعني الحمدلله وربي فكني من زياد
ياسر شاف زياد مفزوع و مفهي وتذكر شكله و ضحك بقوهه
خالد : شبلاك أنت بعد
زياد : خير يا طير على أيش تضحك
ياسر : ياربي شكل زياد يموت ضحكك
حمد : عاد أنا موصي النايفه عليه
خالد : أنت أخر من يتكلم تفهم و لا ما تفهم
حمد: يا ولد خلاص ما صار إلا كل خير وسعنا صدورنا و خلاص لا تاخذ الموضوع با سلبية
________••__________
< عند غدير و أمها >
غدير : يلا يا يمه لا نتأخر على الناس
أم غدير : يلا يا بنتي يلا
غدير : بروح أنادي أبوي عند عماتي و أجي
أم غدير : يلا يا بنتي بسرعه عجلي علينا
راحت غدير عند عماتها تنادي أبوها
غدير : يبه يبه
أبو غدير : هلا يا بنيتي هلا
غدير : يلا يا يبه حنا جاهزين
أبو غدير:  يلا يلا
أصايل : على وين إن شاء الله
أبو غدير : غدير و أمها يبون عند حريم عمي فهد
أصايل : وش حادكم عليهم ما فيهم خير
غدير با تنطيش لا عمتها : يلا يا يبه لا نتأخر
أبو غدير : فمان الله يا يمه
أم أبو غدير با تلعثم في الكلام لأنها تعبانه
أم أبو غدير : ف ما ن ا ل له
راح أبو غدير و غدير بيتهم و طلعت معهم أم غدير و طلعوا متوجهين لا بيت الجد فهد
و بعد ما وصلوا طقوا البوابه
__________••_________
< عند الجد فهد و عياله >
أبو خالد: يا يبه الحريم يقولون أبو غدير و عياله با يجون عندنا اليوم
الجد فهد : يا هلا و مرحبا
أبو زياد : إيه و الله الله يحيه إلا جاه ولد ولا معه هذيك البنت غدير بس
أبو خالد : لا و الله ما معه إلا غدير ربي ما رزقه
الجد فهد : إن ربي كاتب له يجيه ولد با يجيه
و سمعوا طق با الباب
الجد فهد : قم يا صقر أفتح الباب
أبو خالد : أبشر يا يبه
قام أبو خالد و فتح الباب و شاف أبو غدير
أبو خالد : يا هلا يا هلا يا الله إنك تحيه
أبو غدير : سلمت يا صقر
أبو خالد : أدخل أدخل حياك الله
أبو غدير : الله يحيك بس من فين مدخل الحريم
أبو خالد أشر على مدخل بيته : هذاك الباب مدخل الحريم
أبو غدير : مشكور يا حبيبي ما تقصر
و دخلوا أبو خالد و غدير عند الرجال و غدير و أمها عند الحريم و ....