حبي لديرتي فاق كل المحبين وحبي لك فاق ديرتي واهلها ♥️!

البارت الثامن و الثلاثون

فجر اليوم الثاني
< في بيت أبو عمر >
كان عمر و أخوانه و أخواته مجتمعين في صالة بيتهم
عمر : يا رولا جدي يسأل إذا موافقه و لا لا يبي يرد لا الرجال
فراس : و لا تخافين محد راح يجبرك على شي
رولا با توتر و تذكرت عيون ذيب و كيف تحب ذيب و تروح لا أحد ثاني: لا ماني موافقة
فارس : أكيد يا رولا با نعطي الرجال كلمة
رولا : أكيد
عمر : أجل جهزوا الفطور و بنروح نفطر عند جدي و نكلمه
لينا : يلا الفطور باقي شوي و يجهز
بتول : الفطاير أنا خلصتها
لينا : و الباقي الحين تجهز و نروح
___________••____________
< عند الجد فهد >
جالس كا أي صباح عادي و يشرب حليبه و دخل عليه
ولده أبو زياد
أبو زياد : صبحك الله با الخير يا أبوي
الجد فهد : صبحك الله با الرضا
أبو زياد : يا يبه ودي أكلمك في هرجه
الجد فهد : هات إلي عندك
أبو زياد : يا يبه أنا كلمتني أم زياد تقول تعرف أم الولد أخلاق و أدب و ذوق و أم زياد مثل أم رولا يعني مثل أي أم تبي الخير لا بنتها و قلت نوافق على ناصر دامه ولد حلال و كلنا نعرفه و نعرف اهله الي متزينين با الأخلاق الزينة
الجد فهد : بس يا وليدي الشور شور البنت
أبو زياد : البنت ما تعرف شي في الزواج با تصدق الي يقولون لها و تبعد ناس طيبة
الجد فهد : أجل الله يكتب إلي فيه الخير خلها تجي و نشوف
أبو زياد : عاد يا يبه لا تخدعك البنت با كلمتين
الجد فهد : على خير يلا قم شوف الحريم جهزوا الفطور
راح أبو زياد عند الحريم يشوف خلصوا و لا باقي
أبو زياد : يا ولد
العنود : هلا يبه وش بغيت
أبو زياد : يلا يا بنتي الفطور جهز و لا باقي
العنود : إيه جاهز بس باقي عيال عمي سعود يجيبون
أبو زياد : يلا حنا ننتظركم في الحوش
جو بنات أبو خالد و معهم بنت عمتهم  يسلمون على عمهم
تسنيم : كيفك يا عم إن شاء الله طيب
أبو زياد : طيب يا بنتي الله يسلمك
ترف با مزح: ماشاءالله يا عمي مزيون تبي ندور لك الثانيه
الكل ضحك لأنهم يعرفون ترف و مزحها
أبو زياد با نفس المزح : يا ليت يا ترف إذا عندك وحده هاتيها
أسيل : هيه أنتي ترا أغار على خالي
العنود : يا سلام با تزوجون أبوي قدامي أقول طسوا
أم زياد كانت با تموت ليش ترف تقول كذا
أم زياد : إذا عندك وحدة ماشاءالله أخوانك ثلاث و أبوك الرابع وشلون ما تزوجيهم خلصوا الرجال
ترف وهي تبي تزيد غيضها : بس عمي أبو زياد مزيون حيل ماشاءالله يعني صالح لا الزواج
أم زياد : مين مشغلك خطابة مالك شغل في زوجي
أم خالد أشرت لا ترف تسكت و تحضر الأكل مع الباقي
و ماهي إلا دقايق و دخلوا بنات عمهم أبو عمر و حطوا الأكل و بدأ الكل يفطر من رجال و حريم و بعد ما خلصوا فطور راحوا البنات غرفة ترف و تسنيم
ترف : رولا وش قلتي على ناصر
رولا : رفضته ماني موافقه ما أبيه
أسيل : أزين ما تسوين عاد أخته ما تنبلع و أنتي حساسه
العنود : إيه و الله صدقتي أمه هذاك اليوم جت تسأل عمتي و هي تشمخ مره كريهين
رولا : رفضته بدون تفكير وقفت على أمه و أخته أنتي شوفي عمته عن قبيله ماشاءالله توديك حتى البحر و ترجعك ضامي
الكل ضحك على رولا و سبب رفضها لا ناصر
و لاكن رولا ما رفضت عشان عمته او أخته او أمه النصيب يصيب و لاكن ذبحها حب ذيب كيف تحب ذيب  و تروح لا غيره
أم نايف : يا رولا جدك يبيك برا كلمي
ترف : تكفين يا عمه با نجي معها تكفين
أم نايف : لا أبوي يبيها هي لحالها وشوله تروحين معها
ترف : ياربي طيب خلاص هونت ما أبي أروح
راحت رولا و هي واثقة إنها لو قالت لا با يتقفل الموضوع
الجد فهد شاف رولا جايه
الجد فهد: يا هلا يا هلا با بنتي رولا يا مرحبا
رولا : الله يحيك
الجد فهد : عاد يا رولا أنتي عارفه ليش ناديتك
رولا : إيه عارفه
الجد فهد : طيب يا بنتي وش ردك على الرجال
دورت رولا با عيونها على ذيب لاكن ما حصلته عورها قلبها و قالت با جمود
رولا : ما فيه نصيب يا جدي أنا ماني موافقه على ناصر
الجد فهد : وشوله الرفض وش جاك من الرجال
رولا : و الله يا جدي أنا ما أبي الرجال و الرجال ما أعرفه و على قولتكم ما فيه قصور
أبو زياد : دام ما فيه قصور وشوله ترفضين
طنشت رولا عمها و ناضرت جدها
رولا : يا جدي أنت قلت وش ردك و أنا رديت خلاص
الجد فهد با عصبية أول مره تشوفها فيه
الجد فهد : ماهو على كيفك عمرك راح و أنتي تتلعبين با تاخذينه و أنتي ما تدلين الطريق تفهمين و لا لا
دمعت عيون رولا و أنتبه لها فارس
فارس : المعذرة يا جدي بس رولا ما تبي الرجال ماهو غصب و دام أختي ما تبيه ماهي ما خذته
الجد فهد بنفس الصراخ : كلمتي و قلتها و مارح أثنيها تفهمون
سكت الكل لأنه الكبير و لاكن رولا تبي ذيب تبيه يدافع عنها لاكن وينه تركها و راح راح عشان ما يضعف قدام جوابها
راحت رولا على طول وهي تبكي بقهر  بيتهم بدون ما تقول لا البنات
________••_________
< عند رولا في بيتهم >
تبكي و تبكي بقهر أنهم جبروها على شي هي ما تبيه كانت تتمنى لو توصل لا ذيب و تعلمه بس وينها و وين ذيب ذيب سارح في همه و هي ميته من ظلمهم لها
رولا : اهه يا يبه اهه ليتك هنا و تدافع عني يا يبه أجبروني على شي ما أبيه يا يبه بنتك ماهي بخير ظلموا بنتك لأنك مانت جنبها يا يبه
فجأة سمعت صوت الباب يطق مسحت دموعها و راحت تفتح الباب
ترف : رول
من شافت عيون و وجه رولا ما كملت كلامها
بتول : رولا شفيك ليش تبكين
ترف على طول حضنت رولا لأن تعرف رولا إذا بكت ما تبكي إلا من شي مضايقها
رولا من حست با ترف حضنتها انهارت زياده  تبكي و تشاهق بقوه
أسيل : رولا عيوني وش فيك علميني
رولا كانت تبكي بس ما تتكلم
لين جلستها ترف على الكرسي
ترف : بتول جيبي مويه لها بسرعهه
راحت بتول تجيب مويه لا رولا و جت
بعد ما هديت شويه رولا بدأوا البنات يسألوها
العنود : يا بنات بشوش اسألوها
ترف : رولا وشوله تبكين
رولا : يا ترف اههه يا ترفف
ترف : عيوني لك بس ليه تبكين
رولا وهي تشاهق و يالله تفهمين الكلام
رولا : جدي يبني أتزوج ناصر غصب
البنات ما فهموا لأن رولا تتكلم و هي تشاهق
سكتوا شويه لين هديت و عادت السؤال ترف
ترف : يا رولا ليش تبكين
رولا : جديي جديي يبيني أتزوج ناصر غصب
ترف : خيرر يا طيرر ماهو على كيفه يزوجك غصب
رولا : قال قلت كلمتي و ماني مثنيها
بتول : خلاص يا رولا اخواني با يحلوها
رولا : كيف يحلوها و جدي قال كلمته كيففف
تسنيم : ما عليه با تنحل أنتي أهدي
رولا : أنا ما أبي ناصر ما أبيهه
ترف : ياربي وش ها المصيبه
العنود : جدي وش غيره عمره ما جبرنا على شي
لينا : الله يستر و بس
جلسوا البنات في دوامة تفكير من جدهم و يهدون رولا
___________••___________
< عند ذيب >
كان جالس في أخر الحوش بس ما يسمع خايف يسمع كلمة موافقه خايف يتقطع قلبه فوق ماهو متقطع
ذيب : يا رولا طلبتك لا توافقين طلبتك يا رولا بموت من بعدك بموتت
بعد ما شافهم ذيب الكل افترق راح لهم
الجد فهد : وينك يا سربوت كل ما اجتمعنا هجيت
حمد بضحكة : اف اف يا جدي ذيب سربوت
زياد : عاد جدي اليوم قافله معه لاحد يتكلم معه
الجد فهد : أقول أنت وياه اليوم با نروح السوق با نشتري اغراض الغنم و العزبة
و أشر على زياد و حمد
الجد فهد : و أنتم روحوا المزرعة و سقوا الشجر
راكان : يا جدي بروح معهم

ملاحضة:( مشاري و اخوياه يقولون لا الجد فهد جدي لأن مشاري و اخوياه عيال عم و جدهم صديق الجد فهد )
أتمنى فهمتم

الجد فهد : رح معهم عاد مجانين كلكم الله يستر على مزرعتي
الجد فهد ناظر خالد
الجد فهد:  يا خالد ماشاءالله عليك أنت رجال و با تضبطهم رح معهم
خالد و هو ما يبي يروح السوق : أبشر يا جدي أروح ولا تشيل هم
الجد فهد : هذا الحشم فيك يا خالد
و ناظر ذيب
الجد فهد : ماهو بعض الناس كل ما اجتمعنا تهج
نايف: و الله يا ذيب جدي ماسكها عليك
عزيز : ما أدري وش فيه على ذيب ذيب وش سويت فيه أعترف
ذيب : و الله ما سويت شي بس جدي شكله معصب حطها فيني
الجد فهد : يلا يلا كل واحد يروح بيته حتى صلاة الظهر يلا
أبو زياد : أبشر
راحوا و كل واحد توجه لا بيته عشان ياخذ له قيلوله أو يريحون في بيتهم
_________••_________
< في بيت أبو عمر >
بعد ما هدت رولا جلسوا البنات يسولفون يطلعونها من حزنها و ترف تحاول تضحكهم
بعد ما صارت الساعة يعني ٨ و نص جو عيال عمهم أخوان رولا و طلعوا البنات
أول ما سمعت رولا صوتهم دخلت الغرفة ما تبي تحسسهم با إن عليهم الذنب و هي تدري إن ما في يدهم حيله و لاكن دخل عليها فراس و...