<و في صباح اليوم الثاني عند خالد و غدير >
خالد : صباح الخير
غدير با هدوء : صباح النور
خالد : و ها الزين من ها الصباح
غدير أبتسمت با خجل و راحت تاخد لها دش
بعدها طلعت و شعرها المتوسط مبلول و على ضهرها الي يغطيه روب الحمام ( يكرم القارئ )
و راحت تطلع ملابسها و لبست و بعدها راحت عند التسريحه تضبط شكلها
و هي تمشط شعرها الحرير المتسلسل على ضهرها
جاها خالد من وراها و نزل رأسه لا عند خدها و مسك خصرها و قربها منه بهدوء
خالد : اههه وش ها الجمال كله ارفقي بقلبٍ يحبك
غدير بخجل احمر وجهها و احتر جسمها
خالد : يا حلوه البنات قولي لي متى ودك تفطرين
غدير : ما ودي ماني مشتهيه
خالد : عاد أزعل لو عاد سمعتها تراك أمس ما تعشيتي زين با تاكلين ولا مرح نروح أي مكان
غدير : زين بس أمشط شعري
خالد : يلا عجلي قبل يجون ياخذونه
غدير : تمام
مشطت غدير شعرها و راح خالد يحضر الفطور على الطاولة
و جت غدير و بدوا يفطرون و خالد كان يحاول يخفف من توتر و خوف غدير
خالد : وين ودك نسافر
غدير : الصدق ما ودي
خالد : وشوله ما ودك يا غدير با نروح مكه و بعدها المكان إلي تبينه
غدير : على خير بس ودي أروح عند أهلي
خالد : أبشري ما طلبتي شي
أبتسمت غدير
خالد : يلا قومي البسي عبايتك عشان نروح عند أهلك و بعدها نروح عند أهلي
غدير قامت تلبس عبايتها و طلعوا هي و خالد لا السيارة متوجهين لا بيت أبو غدير
__________••___________
< في الحوش عند الجد فهد >
عزيز : أشتقنا لا خالد والله
نايف : وش أشتقت له تراه با يجي يسكن هنا و يرجع يغثنا با وجهه
ذيب : تراا ما أرضاها على أخوي
حمد : على أساس أخوك الحين شايل همك أخوك الحين مع حلوه البنات
الجد فهد : خلوه يستانس وش عليكم فيه أنتم
عمر : يا عمي أبو خالد بغيت أكلمك في موضوع يخص ذيب
ذيب عرف إنه با يكلمه بخصوص الوظيفه و شبه عارف رد أبوه
أبو خالد : عسى ماشر ياوليدي وش بغيت
عمر : يا عمي ودي لو تسمح لا ذيب يجي يشتغل في شركة أبوي
أبو خالد : بس يا عمر بعيد و تعب و ما ودي يروح لحاله
عمر : أفا يا عمي لحاله ذيب لحاله مع عمر ما توقعت ها الكلمة منك بس يا عمي لولا الضروف ما خذيته
الجد فهد با استحقار : و ليش ذيب با الذات
أخذ نفس عمر و تكلم بهدوء : لأني واثق فيه رح يصون الأمانه و يحفظ حق عمه قبل عيال عمه
الجد فهد : بس برأي تخلي أخوانك هم أولى بحق أبوهم
فارس : معليش يا جدي بس أنا عن نفسي ماودي أشتغل في الشركة و فراس ربي رازقه با وظيفه و أنا إن شاء الله قريب أتوظف
عمر ناظر عمه أبو خالد : يا عمي فكر في الموضوع ها اليومين و إن شاء الله بعد يومين نطلع على الرياض
زياد : وشوله راجعين ما طولتم
عمر : جينا و الله من معزة خالد عندنا جينا لا عرسه و راجعين بتول معها دوام و أنا و فراس أجازتنا قربت تخلص
__________••___________
< عند البنات في بيت أبو خالد >
أسيل : متخيلينن يا بنات غدير با تجي تسكن عندنا
بتول : إييه متخيلين يا أسيل بس مرح تسكن هنا من اليوم با تروح شهر العسل و بعدها با تجي هنا
العنود : الله با نصير ثمن بنات
ترف : الحين غدير مسكينه تعاني مع خالد
تسنيم : و مين كاذب عليك و قايل لك إنه با يعامل زوجته مثل ما يعاملك
رولا : ينات ما أتخيل شكل غدير و هي مستحيهه أبدًا
ترف : بنات شرايكم نروح الأسطبل
رولا : إيييه تكفينن يلاا
أسيل غمزت لا رولا : رولا أنتي إلي تكفيين خليننا نروحح
رولا : و أنا شدخلنيي
العنود : عاد يا رولا إذا با نروح مالنا إلا أنتي
ترف : صحح علييكممم جبتوهااا يلا يا رولا يا حبيبتي روحي و خلينا نروح
رولا : بنااات ترا أنا ما أسووق
بتول : و مين قال لك نبيك تسوقين
رولا : أجل ليه تقولون خلينا نروحح
ترف : أنتي ما تفهمينن يعنييي
رولا : لا ما أفهم وش دخلني أناا
العنود : دخلك تروحين تقولين لا الذيب يخلينا نروح
رولا : مستحييلل تراا ترف و تسنيم خواته أنا مين
أسيل : رولا خلاص بلا دلاخهه تبيناا نروح ولا لا
رولا : أنتمم إلي بلا دلاخهه تروحح ترفف
ترف : يابنت أفهمي مستحيل يوافق لي انتي على طول با يقول أبشريي
العنود : أخلصي يا بتروحين ولا لا
رولا : بروح بس يا ويلكم يصير شي
ترف : روحي بس
راحت رولا و هي مستحيه و خايفه
رولا : الله يقلعكم كل شي يخص ذيب يخلوه لي شدخلني أنا
ذيب من وراها : أكيدد يخلوك انتي لأنك زوجة الذيب
تجمدت رولا في مكانه من سمعت صوته
و لفت له بصدمة
رولا : أنت وش جابك هنا
ذيب : حسيت إنك تبيني جيتك بس قولي لي وش إلي خلوه لك
رولا : ودنا نروح الإسطبل نغير جو شوي و أبي خيلي
ذيب وده يحبطها : معليش ما أقدر مشغول
رولا : تكفى يا الذيب تكفى أشتقت لا الخيلل تكفى
ذيب : اههه من تكفى إلي تدخليها في كل شي لاكن من يقدر يردك يا رولا
رولا : يعني با تروح بناا
ذيب : أروح بكم ليش لا بس أصبري شوي أكلم العيال و نروح كلنا بس شوي و نرجع عشان خالد با يجي هو و مرته
رولا : أبشرر عشر دقائق بس
رولا كانت با تتهور و تقول له أحبكك بس لحقت نفسها
رولا راحت على طول عند البنات
رولا : يا بناااتت بسرعهه قوموااا ذيبب في السيارهه
أسيل حضنت رولا : يسعدلييي جوككك يا رولا شكرًااا مرههه أخيرًا بشوف الإسطبل
رولا : بس ترا مرحح نتأخر عشان خالد و غدير جاينن
ترف : عادي بس يلا قوموا البسوا عباياتكم
لبسوا البنات عباياتهم و راحوا السيارة شافوا بس ذيب
رولا : ذيب وين العيال
ذيب : عيوا يقولون روح بهم و تعال بسرعه لأن خالد با الطريق
ترف : بنات شرايكم نجلس و العصر نروح و غدير معنا
ذيب : يكون أحسن
رولا : تم
أسيل : تم
العنود : تم
بتول : تم
لينا : تم
تسنيم : تم
__________••___________
< في بيت أبو غدير >
نزلوا غدير و خالد و طقوا الباب
أم غدير : طيب طيب
فتحت أم غدير و أبتسمت لمَ شافت غدير و حضنتها
أم غدير : كيفك يا بنيتي
غدير : بخير يا يمه كيفك أنتي
أم غدير : زينه الحمدلله
و لف على خالد : أخبارك يا خالد
خالد : الحمدلله با أفضل حال
أم غدير : حياكم تعالوا أدخلوا حياكم
دخلوا غدير و خالد مع أم غدير المجلس
دخل بعدهم أبو غدير
أبو غدير : يا هلا يا هلا تو ما نور البيت
غدير قامت و سلمت على أبوها
خالد : البيت منور با هله يا عمي
أبو غدير : يا هلا با خالد يكفك و وش أخبارك
خالد : الحمدلله بخير كيفك انت كيفك
أبو غدير : الحمدلله الأخبار على ما تسرك
أم غدير : يا خالد عاد فطوركم عندنا اليوم
خالد : المعذرة يا عمه الفطور والله فطرنا في الفندق
أبو غدير : أجل الغدا عندنا
خالد : ما ودي أردك يا عم بس أبوي و جدي سبقوك
أبو غدير : زين على خير و لاكن العشا مالك مفر
خالد : أبشر يا عمي على ها الخشم
غدير : يا يمه جينا نسلم عليكم و حنا رايحين عند أهل خالد
أم غدير : في حفظ الله يا بنتي
راحوا غدير و خالد من بيت أبو غدير لا بيت أبو خالد
و بعد ما وصلوا طق خالد البوابه
و فتح له حمد
خالد سلم على حمد
حمد : يا هلا يا هلا حياكم الله تفضلوا
خالد : الله يحيك بروح با المره عند الحريم و بجيك
حمد : تمام
راح خالد با غدير عن الحريم و البنات و رجع عند الرجال
أبو خالد : يا هلا با وليدي خالد كيف حالك
خالد : أبشرك با أحسن حال
الجد فهد : إن شاء الله مبسوط يا خالد
خالد : الحمدلله
سلم خالد على العيال و الي يطقيق والي يسلم والي يدافع و تختلفت الأقوال
_____________••_____________
< في بيت أبو خالد عند الحريم و البنات>
دخلت غدير و هي شوي متوتره
أم خالد و أم نايف أرتفع صوت زغاريدهم با فرح و سلمت أم خالد على غدير و بعدها أم نايف و بعدها أم زياد و بعدها البنات
أم خالد : نورتي بيتك يا بنيتي يا غدير بين خواتك و أخوانك و أهلك
غدير : ما تقصرون يا عمتي
أم نايف : أخبارك يا غدير وش مسويه
غدير : أبد يا عمه الحمدلله بخير
ترف : حيا الله غدورتنا
غدير : الله يحيك يا روحي
رولا : غدورتيي أخيرااا جيتي عندنا
غدير أبتسمت
أسيل : اوهه الحين معنا غدير تشترك في مصايبنا
أم نايف : من أول يوم با تسون لا البنت مصايب
بتول همست لا غدير با نفس الهمس يوم عرسها
بتول : هاه حصلتي إجابة لا سؤالي
غدير : والله يا بتول لو ما تروحين عني يا ويلك
بتول : اولهه من أول يوم تهددني
ترف : عاد حرمة أخوي قوية مثل أخت رجلها
أم خالد : إلا مثل رجلها
أسيل : اوههه أقوى تصريحح يا عمههه تشبهين حرمة ولدك با ولدك
أم خالد ضحكت و همست لا تسنيم
أم خالد : تسنيم روحي جيبي العطور و باقي الأغراض
راحت تسنيم تجيبهم
و حطوها تحت رجل غدير و بدوا يسون لها
رولا : حبييت الريحيهه تجنن
ترف : عاد هاذي الغاليهه ما تجيب إلا إلي يجنن
رولا : أنا أشهد عمتي هُدى من يومها تجننن
و أخذتهم السوالف ما بين قهوه و شاهي
أنت تقرأ
حبي لديرتي فاق كل المحبين وحبي لك فاق ديرتي واهلها ♥️!
Randomالسلام عليكم انا ابنه الديرة اسرد روايتي الاولى كاتبة مبتدئة جدًا روايتنا تتكلم عن عائلة الجد فهد وأبنائه وبناته واحفاده وحفيداته ... أتمنى أن تنال إعجابكم ✍🏻🤍😢 حسابي أنستا: 3zoh.h
