حبي لديرتي فاق كل المحبين وحبي لك فاق ديرتي واهلها ♥️!

البارت السادس و الأربعون

< في بيت أبو غدير >
أم غدير : يا أبو غدير الباب يطق قوم أفتح
أبو غدير : أبشري
قام أبو غدير و فتح الباب
أبو غدير : يا هلا يا هلا تو ما نور بيتي حياكم حياكم
الجد فهد : البيت منور بهله الله يحيك
دخلوا المجلس و جلسوا
أبو غدير قام يجيب القهوه
و بعد ما جاء أبو غدير فز خالد با يصب القهوه 
أبو غدير : لا يا خالد استريح
خالد : لا و الله يا عمي ما يصبها إلا أنا
أبو غدير : بارك الله فيك يا وليدي
قام خالد يصب القهوه على كل الموجودين و بعد ما خلص قعد
الجد فهد : يا أبو غدير مالك با الطويله  حنا جيناك طامعين في نسبك و نبي القرب منكم
أبو غدير : هاذي الساعه المباركه و من يبي يخطب
خالد : أنا يا عمي
أبو غدير : و الله و جانا خير الرياجيل و النعم فيكم و في ولدكم
أبو خالد : ما عليك زود يا أبو غدير
أبو غدير : يا هلا فيكم بس الشور شور البنت بناخد شورها و نجيكم عن إذنكم
الجد فهد : خذ راحتك
راح أبو غدير عند غدير و أمها
أبو غدير : يا ولد
أم غدير : لا تدخل فيه حريم
أبو غدير : تعالي أنتي و غدير بسرعه
راحوا غدير و أمها عند أبوها
و أم خالد  و بناتها عارفين وش يبي أبو غدير منهم
أم غدير : أمر يا أبو غدير وش بغيت
أبو غدير : ما يأمر عليك ظالم
غدير : عساه خير يا أبوي
أبو غدير : خير خير بس فيه واحدٍ جاي يبي يخطب غدير
فز قلب غدير و أرتبكت لاكن سيطرت على نفسها
أم غدير : ما شاء الله  و مين إلي خطبها
أبو غدير با إبتسامه : خالد ولد أبو خالد
غدير تجمدت مكانها معقولهه معقولهه خالد خالد ما غيره
أم غدير : و الله خالد ما فيه قصور رجال أفعاله تسبق أقوله وش قلتي يا غدير
أبو غدير : الشور الأول و الأخير لك يا بنتي كانك تبينه هاذي الساعه المباركه و كانك ما تبيه نصيب و انقطع
غدير : يبه أنا موافقه
أم غدير حضنت بنتها  و سلم أبو غدير على غدير و راح عند الرجال يقول رد بنته
___________••______________
             < عند الحريم >
جتهم أم غدير و إبتسامتها تبشر با الخير
أم خالد : الظاهر عرفتي با الي ودي أقوله لك
أم غدير : إييه عرفت عرفت
تسنيم : بشريني يا غدير وافقتي و لا
غدير و هي ماهي مستوعبه الخبر  للحين
غدير : و الله خالد رجال و النعم فيه ما ينرد
ترف : يعني موافقه
هزت غدير راسها با معنى إيه
صرخت ترف بحماس و فرح
ترف : أخيرااا يا غدير  بتصيرينن منا و فينا
قامت أم خالد و سلمت على غدير
أم خالد : ألف مبروك يا بنتي و حياك الله عندنا أنتي با عيوننا قبل قلب خالد
أستحت غدير زياده من كلمت قلب خالد
غدير : ما فيكم قصور يا خالتي أنتي أمي قبل خالتي
أم غدير : دامك بتاخذين خالد و أبوه صقر و أمه هُدى أنا في راحه و خواتك ترف و تسنيم مستأمنه بك عندهم
تسنيم : غدير معزتها من معزة أختي ترف و أكثر و الحين بنصير لا أمي ثلاث بنات
أبتسمت أم غدير و أم خالد
_____________••_____________
                < عند الرجال >
الجد فهد : ها بشر وش العلم نتوكل على الله
أبو غدير : توكلوا على الله
أبتسم الجد فهد
الجد فهد : ما شاء الله مبروك يا وليدي يا خالد مبروك
أبو زياد : مبروك يا خالد الله يتمم لكم على خير
أبو خالد بفرحه لا ولده الكبير
أبو خالد : الف مبروك يا خالد الله يرزقكم الذريه الصالحه و يتمم لكم على خير
خالد قام يحب راس جده و أبوه و عمه
خالد : الله يبارك فيكم و اللهم أمين يارب
و راح خالد يسلم على أخوانه
ذيب : مبروك منك المال و منها العيال
حمد با مزح  : حركات يا خلودي با تتزوج و أنت كنت رافض الزواج ما علينا مبروك و الله يتمم لكم على خير و يحرمنا منكم
خالد صفقه با خفيف
خالد : يا اللي ما تستحي على وجهك وش ها الكلام دامك قلت ها الكلام بقعد على كبدك ليل و نهار عند راسك
حمد : أنت متزوجني ولا متزوج غدير لا رح عند زوجتك أحسن
خالد : لا تقول أسم محارمنا يا ولد
ذيب : وش ها المحارم إلي الكل يعرف أسمها و أصلًا عاجلًا غير أجلًا با نعرف أسمها يعني علمتنا و لا ما علمتنا
خالد : أسألك يارب صبر أيوب على ها الأثنين
حمد : و باقي العيال با البيت للتذكر فقط
خالد : و أنت مين مشغلك منبه عند راسي قل لي
حمد : اوهه لو تدري بس إن دجاجتي توها والده بربي ولدها على صوت معين و توقيت معين و بحطها عند راسك عشان توريك المنبه
أبو خالد : يا أبو غدير ودنا الملكه بعد أسبوع
أبو غدير : و أنا ما عندي مانع
الجد فهد : و الزواج متى ودكم فيه
أبو غدير : الزواج نبيه بعد ثلاثه أسابع يكون أخوي أبو ناصر راجع من سفره
أبو خالد : على خير إن شاء الله و المهر يجيكم مع الملكه
أبو غدير : حياكم الله في كل وقت
تنحنح الجد فهد و قام
الجد فهد : يلا يلا أخلصو علينا و قومو يلا
أبو خالد : يلا يلا
أبو غدير : أبك ما طولتو أجلسوا كملوا قهوتكم
أبو زياد : ما عليه الجايات أكثر
الجد فهد التفت على خالد بمعنى قم ناد الحريم
فهمه خالد و راح يناديهم
خالد من ورا الباب
خالد : يمه يا يمه
أم خالد : هلا يا يمه هلا
خالد : يلا يلا
طلعت أم غدير و حب راسها خالد
أم غدير : الله يتمم لكم على خير و يجمعكم با الحلال يارب
خالد : اللهم أمين يا عمه
ترف : و الله يا خلودي و صرت معرس
خالد : إيه و بعد معرس على احلا  البنات
ترف و تسنيم و من ورا خالد  ذيب و حمد بقوه مع بعض : اوههه وش ها التصريح القوي يا خالد
غدير من سمعته من ورا الباب و حمر وجهها مو الحياء
تسنيم شافتها : عاد أحلا البنات أستحت
أم خالد : يلا يلا فمان الله يا أم غدير و يا بنتي غدير
حمد : اففف صارت بنتك من الحين يا يمه
أم خالد : اوهه غدير بنتي من زمان من قبل ما أنت تكون ولدي
ذيب : اف يا الوالده ما عاد ندري وين نحصل الحين جبهه حمد
أم خالد : أفا يا يمه أنا أصغر عيالك كذا تقولين لي
ترف : أقول أنت انا الصغيره و الدلع كله لي
حمد : اسكتي انتي ولا كلمه
بعد ما خرجوا متجهين لا بيتهم دخلت أم غدير و أبو غدير بعد ما ودعوهم و جلسوا يباركون لبنتهم
_________••___________
< في الرياض في بيت أبو عمر >
بتول : و الله يا فراس أنا الأولى أخذتها
فراس : أقول أنا إلي شريتها و بفلوسي بعد
بتول :يا ليل يعني الوضع مذله بفلوسي و مدري وش أقول جيب مارح ياخذها غيري تفهم ولا لا
فراس : ما أفهم وش بتسوين يعني
بتول : يا فراس عطني إياها بدون مشاكل لو سمحت
فراس : لا يعني لا مرح ياخذها إلى أنا
جت لينا على صراخهم
لينا : وش تسون أنتم من ها الصباح و أنتي ما وراك جامعه و أنت ما وراك دوام جالسين تتحاربون على شوكلت
فراس : إيه نتحارب على شوكلت وش المشكله يعني
لينا : المشكله لا جا عمر و شافكم كذا وش با يسوي أخلصوني و بسرعه روحوا تجهزوا لدوامتكم
بتول : أنا مرح أطلع من المطبخ لين أشيلها
فراس : و أنا مرح أعتب باب المطبخ لين أشيلها
لينا : السالفه عناد يعني
بتول :  إيه عناد
قامت لينا الشوكلت و ركضت بسرعه عند عمر
عمر : خير خير وش فيكم أنتم و لا بعد لا لبستم ولا تجهزتم وش ها الشغل فيكم ها
لينا و هي تعبانه من الركض
لينا : يا عمر تراهم يتحاربون على شوكلت
عمر جته ضحكه بس مسكها
عمر  : لا با الله تتحاربون على شوكلت و مخلين دوامتكم أخر همكم بعدين  لا صرتم على الحديده بتعرفون الشوكلت أنت وياه
و طلع عمر و هو تعبان من المسؤوليه إلي صارت فوق راسه
عمر : أهه يا يبه ما قدرنا نعمتك و أنت عندنا و شلون بنقدرها الحين ناس همهم شوكلت و ناس همهم مصاريف البيت و ناس همهم ما نعرف به
في السياره يمشي جاه أتصال من ذيب
عمر : هلا ذيب هلا تو ما نور جوالي
ذيب : هلا با خلي كيف حالك و أخوانك عساكم طيبين
عمر : طيبين طيبين دامك طيب كيف الديره و العيال و جدي
ذيب : الحمد لله مبسوطين
عمر : أمرني يا ذيب أمرني
ذيب : جعلني ما أمرك دامني حي
عمر : أجل وش بغيت
ذيب : طلبتك ما تردني طلبتكك
عمر : و أنا ولد أبوي أنا أردك
ذيب : أبيك تحضر ملكة خالد الأسبوع الجاي أنت و أخوانك في الديره
عمر : و الله يا ذيب صعبه دوامتنا و جامعه بتول
ذيب : لا تردني لا عمر ترا إذا ما بتجي مرح أحضر أنا يالله صابر و أنت بعيد عني كل ها الشهور و أنت تقول لي ما بتحضر خل عيني تقر بك لو شوي
عمر : لجل عين تكرم مدينه أجيك لو أنت على حدود الموت
ذيب : إذا على الموت جعلني قبلك يا رفيقي
عمر : لا خلا ولا عدم منك يا الذيب
ذيب : يلا يا عمر رح شف شغلك لا اعطلك عنه
عمر : صوتك لحاله يخليني ما أبي شغلي
ذيب : افف وش ها الروقان و الرومنسيه اليوم كل يوم ما أنت طايق نفسك و اليوم صوتي ما يبيك تشتغل
عمر : و الله اليوم جاني روقان مفاجئ
ذيب : يلا يلا فمان الله أنتبه لنفسك و أنتبه لا الطريق
عمر : فمان الله
قفل عمر و هو يحس أكتمل يومه بصوت عضيده ذيب
وصل عمر الشركه و نزل من سيارته و هو وقرر يرجع لا دوامه الأول و هو الطيران
دخل الشركه و دخل مكتبه لين ما جاء شريكه إلي يثق فيه ثقه عمياء
عمر : يا عبد الرحمن أنا خلصت أجازتي من دوامي في الطيران و لازم أرجع أداوم هناك
عبد الرحمن : و مين با يدير الشركه يا عمر
عمر : با يديرها فارس أخوي
عبد الرحمن : زين زين فارس ما فيه عيب و رجال عاقل و بيكون ضابط  الشركه إن شاء الله
عمر : أنت خلك معه لين ما تشوفه يتقن كل شي و بعدين خلاص
عبد الرحمن : أبشر يا عمر ولا يهمك فارس في عيوني
عمر : تسلم
____________••______________
< في الدوانيه عند العيال >
راكان : أبركها من ساعه دامك بتتزوج
عزيز : و ليش يا ركان
راكان : من بعد الضرب إلي حصلته و أنا غاسل يدي تمامًا منه أخاف إذا قعد معي أكثر يعلقني با النخل حق المزرعه
ضحك الكل على راكان
زياد رفع يده يدعي : يارب يارب ذيب وراه يارب
ذيب : يارببب أسمع من زياد بس خلني عله على قلبه
زياد : ياربي حتى  و أنت با تتزوج بتكون عله على قلبي اللهم إن كان سحرًا فا أبطله
عزيز : مبروك يا حبيبي يا خالد
خالد : الله يبارك فيك
ياسر : مبروك يا خالد منك المال و منها العيال
حمد : عاد لا زاد المال جيبه عند أخوك يحتاجه
مشاري : يا ولد وش دخلك انت زوجته
حمد : أنا أخوه العزابي المسكين لازم يصرف علي
خالد : الله يبارك فيك يا ياسر و يا حمد طس عن وجهي أحسن لك
حمد : أبشر أبشر ما طلبت شي
بعد ما الكل بارك لا خالد كل واحد راح بيته ينام