حبي لديرتي فاق كل المحبين وحبي لك فاق ديرتي واهلها ♥️!

البارت الثامن عشر

< العزبة >
ذيب: يلا أنزلوا بسرعة العيال بيجون
ترف: ياولد طيب لا تقلقني ترا حتى أحنا بنروح نساعد أمي وعماتي
رولا: ذيب وش تبي هنا
ذيب: تعالوا معي بس
مشى ذيب ومشوا وراه فارس وترف ورولا
انصدموا فارس ورولا بالخيول الثنتين الزيادة
فارس: لمين يا ذيب هالخيول
ذيب: لك ولا رولا
فارس: والله وسويتها يا الذيب
ذيب: وأنا أقدر أردك
طلع فارس مبلغ مالي من جيبه ومده لذيب: خذ يا ذيب هذا حقك خذه
ذيب: حقي ولا مو حقي ماني بماخذها تفهم ولا لا
فارس: يا ذيب الخيول غالية خذها وأعتبرها هدية
ذيب: هديتك وصلت خلاص
رولا: الله مرههه شكرًا ذيببب لونه يجننن
ترف: تستاهلين ياروحي
رولا: أنتي تعرفين ؟؟
ترف: إيه أعرف
رولا: يا حيوانه وماعلمتني
ذيب: حبيت أخليها مفاجأة وقلت لها لا تعليميهم
فارس: والله حقك علينا بس نردها بالأفراح إن شاء الله
ذيب: لعد أسمعك تقول كذا يا ويلك تفهم ولا لا
فارس: أفهم أفهم
رولا ركضت لخيلها وحضنته : يجنننن مشكورين ذيب وترفف
ترف: لا داعي لا داعي
ذيب: يلا خلوني أرجعكم عشان العيال بيجون وأنتم تروحون تساعدون أمي
ترف: إيه إيه يلا لا نتأخر عليهم بتموتنا وتذبحنا أسيل
ركبوا السيارة وتوجه ذيب للبيت وبعد وقت وصلوا للبيت ونزلوا البنات ونزل ذيب وفارس للعيال

< عند العيال >
زياد: وين راحوا ها الساحبين
خالد: راح ذيب با فارس ورولا يشوفون خيولهم
حمد: وحنا مزهريات عندهم صح
عمر: جا المغرب وهم عادهم وحنا ماقد ذبحنا
عزيز: ماهم متأخرين الحين بيجون
سمعوا صوت ذيب يناديهم
ذيب: يا عياللل يا عيالل
فراس: هااااا هاااا
نايف: هلا وش بغيت
ذيب: يلا تعالوا نروح للعزبة بسرعة مافي وقت
قاموا العيال وركبوا سيارة ذيب عمر وحمد وزياد وفارس
وفي سيارة نايف عزيز وخالد وفراس في سيارة نايف
حركوا للعزبة وبعد دقايق وصلوا للعزبة ونزلوا
زياد: يا حمد تكفى أعتقنا من الناقة ذي
حمد: أساسًا جيتي كلها عشانها مو عشان وجهك
زياد: لولا وجهي ماجيت أنت هنا
حمد : ياربي يا الثقة الزايدة إلي مالها داعي
خالد بعصبية: وبعدين أنت وياه اخلصوني بلا كلام زايد
حمد: أبشر أبشر
أخذوا الحلال وراحوا يسلخوه وبعد ماخلصوا توجوه لبيتهم عشان يعطون الحريم

< في بيت أبو خالد عند الحريم والبنات>
ترف: يا يمه وش هذا كله ترا حريم الديرة بس بيجون
أم خالد: يا ترف وش هالكلام عيب
رولا: الله يهديك يا جدي تعبتنا
العنود: يلا هانت هانت باقي الذبيحة وخلاص
أسيل: وش هانت أنتي والذبيحة يعني سهله الذبيحة هي أصعب من حياتي
أم نايف: عيب عليك يا بنت إلي استحوا ماتوا
بتول: يلا يا بنات اخلصونا خلونا نروح نتجهر
لينا: يا بنات عمر كلمني وقال أنهم جابوا الذبيحة خلونا نطلع لها
طلعوا للذبيحة ودخلوها
أم خالد: يلا يا بناتي قومن تعاونوا وماذلوا يلا جا الوقت
تسنيم: يلا يلا
بعد وقت وجهد مُتعب خلصوا
رولا: اهه يا ضهري بموت متكسره
ترف: أسكتي بس وش متكسرة وأنتي قطعتي البصل بس
أسيل: كلنا متكسرين خلونا نروح نتجهز أحسن من الهرج الفاضي
العنود: أول مره أسيلوه تقول كلام صحيح
تسنيم: هيا يا بنات خلونا نخلص ورانا قهوة وحلا وشاهي
لينا: يارب أنك تعدي هاليوم على خير
بتول : اللهم أمين
راحوا يتجهزون وكانت كل وحدة طلتها احلا من الثانية
ترف: تكفيننن رولا تجننين
أسيل: صراحة بدون كذب بس والله صدق إنك تجننين
رولا: بنات لا تحرجوني
لينا: تحصنوا يا بنات ماشاءالله جميلات
بتول : مو اجمل منك
تحصنوا البنات وطلعوا للحريم لأن بدو حريم الديرة يجون
أم نايف: يا هلا يا هلا حياكم الله نورتنا
أم سلطان : توها تنور الدريرة بجيتكم
أم نايف: ماتقصرين يا حبيبتي

< في جهة البنات >
ترف: يعع ذي شجابها
تسنيم: ترف فكينا ماحنا بناقصين مشاكل
العنود: إيه فكونا منهم
أسيل : ياربي حركاتها ماتتغير ماتسوي تحديث
ترف: كله دلع وتصنع
سمعوا صوت خالد ينادي تسنيم
تسنيم: هلا طيب طيب جاية
راحت تسنيم لخالد وسمعته ريوف( البنت إلي تتدلع ) وجلست تتقرب من الباب
ترف: يا حبيبي أنتي تراه خاطب
أنقلب وجه ريوف وقالت ..

معليش يا حبايبي على التأخير بس عندي أختبارات بس الدعم مره طايح مايستاهل والله وأوعدكم أعوضك ببارتات حلوه بس بعد الأختبارات لعيونكم نزلت هذا البارت عشان ماتزعلون 🤍🤍