حبي لديرتي فاق كل المحبين وحبي لك فاق ديرتي واهلها ♥️!

البارت الأربعون

< عند رولا >
وقعت رولا و هي ودها لو تصير معجزه و ما توقع و لا يتم ذا الزواج بس تم و خلاص و الكل ما يبي ها الزاوج إلى أم زياد إلي ودها تقوم ترقص من الفرح و هي ظلمت رولا
أم خالد : مبروك يا بنتي مبروك الله يكتب لك الي فيه الخير
الكل كان يبارك بس وينهم و ين رولا رولا حابسه دموعها حابسه كل شي و لاكن مجرد ما رفعت عينها شافت أم زياد تضحك عرفت إنها ورا كل شي
قامت رولا بهدوء و طلعت و هي في راسها فكرة ما جات في رأس أحد
___________••___________
< عند ذيب >
جالس و هو لو بيده راح و قتل ناصر بس ياسر كان حريص جدًا إنه ما يروح ذيب لأي مكان لأن ذيب إذا عصب معد يشوف قدامه
ذيب : يا ياسر فكني يا ياسر رولا ماهي رايحه لا أحد  تفهم و لا رولا لا ذيب
ياسر : يا ذيب ما فيه نصيب يا ذيب
ذيب : ما فيه و لا فيه بتصير لي و أنا قلتها
ياسر عارف دام ذيب جازم على هذا القرار فا محد راح يوقف في طريقه مهما صار
راح ذيب و ترك ياسر
ذيب و هو ماشي شاف بنت يعرف زولها و حافظه حفظ
من شافته راحت على طول عنده و هي ناسيه ما تتغطى و لا شي راحت له
رولا : تكفى يا الذيب لا تخليني تكفى
ذيب و هو صاد  : وشوله يا رولا فين اخليك
رولا : ذيب أنا ما أبي ناصر ما ابيه ماني موافقه
ذيب : كيف ماتبيه و الرجال جو
رولا : جدي يا ذيب جديي تكفى لا تخليني أروح لهم
ذيب و شياطين الجن و الإنس تتناقز قدامه
ذيب وعيونه حمر : أبشري يا رولا يلا روحي و خلي الباقي علي
راحت رولا و على طول راح ذيب مجلس الرجال
ذيب : شوف يا جدي و يا كل الحاضرين رولا ماهي رايحه مع أحد لو توقعون سبعين ورقه بقطعها قدامكم الحين
الجد فهد : استح على وجهك يا ولد عندنا ضيوف
ذيب : ما عندنا بنات لا الزواج و يلا لا أشوف رجال و ورقه طلاق رولا أشوفها ها اليومين
عصب أبو ناصر و ناصر ليش يطردوهم و طلعوا من المجلس مع الشيخ
الجد فهد قام و هو معصب : من متى و حنا نطرد الرجال من مجلسنا
ذيب : لا صار الزواج غصب بدون رضا الي با تزوجها
أبو خالد : الظاهر إني ما عرفت أربي ترفع صوتك على جدك و تطرد ضيوفه
ذيب : يا يبه هذولا الرجال غير مرحب فيهم
الجد فهد : لا صار المجلس مجلسك تكلم تطرد ضيوفي من مجلسي
ذيب : إيه اطردهم إن كنت أنت مخطي عمرك ما مشيت على الخطأ ليش مو المفروض أنت تكون عزوتها و سندها مو المفروض هي تتكل عليك في حياتها الجايه و أنت تبي تظلمها مع واحد بس دق الباب وافقت
عمر : و الله يا جدي حتى حنا ما حنا موافقين على ناصر و على جبرتك لا رولا على الزواج أما الحين أنا و أخواني و أخواتي ما نضمن إنكم تصونوا أمانة أبوي حنا رايحين بيتنا إلي في الرياض
الجد فهد : ماحد طالع من هنا تفهمون و لا لا
فارس : لا يا جدي با نطلع لا جبرت الحين أختي الصغيره وش يدريني وش با تسوي با الكبيرة
فراس : و يلا مع السلامة محد قدر أمانه ابوي و إن كانكم تحسونا ثقل عليكم و أحنا  عمرنا ما حسسنا أحد با ثقلنا و اليوم با نفككم مننا
و طلعوا عيال أبو عمر من المجلس
أرتفع سكر الجد فهد و اغمى عليه
عزيز : جديي جديي
خالد : رح يا عزيز شغل السيارة بسرعهه
ذيب و لا تحركت شعره منه كان كارهه بشكل مرعب طلع من الجلس و راح عند الحريم
___________••____________
< عند الحريم >
أم نايف : و الله ما توقعتها من ذيب وش جاه
أم خالد : وش سوا ذيب
أم نايف : هجم على الرجال في المجلس و طردهم و قال ورقه طلاق رولا توصل ها اليومين
ابتسمت رولا با انتصار
و لاكن أم زياد سود  وجهها و كانت با تقوم تموت ذيب
و لاكن رولا مراقبه ردت فعلها و وجهها و عرفت إنها ورا ذا كله
ترف با فرحه : يا حبي لك يا ذيب صدق إنك ذيب
أسيل : ما توقعت أحد يقدر على جدي
تسنيم  : الله لا يوريك ذيب لا عصب يا أسيل
العنود : الحمدلله رولا ارتاحت منهم
رولا بدون استيعاب : أصدقق شي ودي اروح عند ذيب و اسلم في راسه
بتول : بهدوء يا حبيبتي وش ها الحماس كله
أم خالد : نصيب و أنقطع بخيره و شره
أم نايف : يا رولا عمر برا يقول تعالي أنت و أخواتك
قاموا رولا و خواتها و طلعوا لا أخوانهم
رولا حضنت فراس : فراسييي
فراس : اهه يا أني فرحان
بتول : و الله كلنا
عمر : يلا يا بنات جهزوا اغراضكم مالنا جلسة في ها البيت
لينا : سلامات يا عمر وش صار
فارس : مالنا جلسة عند ناس يمشونا على كيفهم
صح زعلت رولا عشان با تفارق ذيب بس فرحت لأنها بتروح و ترتاح من أم زياد
رولا : أبشر الحين ثواني بس و تكون الشنط طابور قدامك
ضحكوا عليها بس محد يلومها انظلمت كثير
راحوا عمر و أخوانه يجهزون شنطهم و يروحون الرياض
_________••___________
< في المستشفى >
عزيز : يا دكتور وش جاه جدي
الدكتور : تعرض لا زعل و أرتفع السكر عنده
خالد: إن شاء الله ما يأثر عليه
الدكتور : لا لا بس كم ساعه و يروح عندكم
أبو خالد : مشكور يا دكتور ما قصرت
الدكتور : و لو هذا واجبي
__________••___________
< في بيت أبو خالد >
ترف : و الله يا ذيب إنك كفو
ذيب : الحمدلله لحقت قبل يصير شي
تسنيم : إيه و الله مسكينه رولا تغيرت و نحفت كثير
أم خالد : الحمدلله جت على كذا
ذيب : إيه و الله أنا بروح برا شوي و بجي
ترف : تكفى يا ذيب بروح معك عند رولا تكفى
ذيب : يلا تعالي
راحت ترف مع ذيب عند رولا و بعد ما وصلت طقت الباب و فتح فارس
فارس : هلا ترف
ترف : أهلين بس أبي رولا إذا ممكن
فارس : إيه تراها داخل شوفيها
دخلت ترف و شافت البيت مقلوب فوق تحت يشيلون ذا و يحطون ذا
ترف : رولا وش تسون
رولا : با نروح الرياض
ترف با صدمة : و ش با تروحون الرياض أقول كبي الكذب حقك
رولا : وربي ما أكذب
ترف : رولا كيف با تكون الديرة بدونكم علميني
رولا : صح بشتاق لك بس شسوي عمر حلف ما يجلس هنا
ترف : لا حول و لا قوة إلا با الله الله يعين و بس يلا أستأذنك جيت اشوفك بس
راحت ترف رايحه لا بيتهم
فارس : عشى ما شر يا ترف وشوله ما جلستي
ترف : أبد جيت أشوف رولا و بروح
فارس : تبين أوصلك
ترف : لا مشكور بروح لحالي
فارس : تمام
راحت ترف لا بيتهم و هي ماهي مصدقه ان عيال عمها و بناته با يروحون
_______••________
< عند ذيب >
كان جالس لحاله في الحوش الخلفي يفكر كيف رولا با تروح و تخليه كيف با يقول لها بحبه كيف يقول لها إنه يبيها
ذيب : يا ولد خلني ساكت لين ربك يفرجها
و كان رايح لا بيتهم بس حس با يد على كتفه
رولا : ذيب
فز قلبه و كل شراينه و كل عضو فيه من صوتها
ذيب بعدم انتباه : لبيه
رولا با توتر : ذيب مشكور على وقفتك معي مرح أنساها لك
ذيب : أبد يا رولا هذا واجبي
رولا : ما قصرت و الله
ذيب : يا رولا إذا يمديك حاولي في اخوانك تجلسون هنا
رولا : يا ذيب ما يمدي خلاص مالنا جلسة عند ناس ظلمونا
ذيب : الله يعين و بس الله يحفظكم
رولا : يا ذيب الادهم عندك الادهم خيلك أنت تبي تبيعه بيعه تبي تخليه خله
ذيب : لا يا رولا الادهم حقك انتي بحفظه لك و بصونه ابشري
رولا : يلا استأذنك
ذيب : يلا مع السلامة
و راحت رولا شالت اغراضها و طلعوها السيارة و راحوا يتوادعون البنات و العيال و يروحون و هم ما يبون يشوفون جدهم و بعد ما توادعوهم ركبوا السيارة و حركوا...