حبي لديرتي فاق كل المحبين وحبي لك فاق ديرتي واهلها ♥️!

البارت الثاني و الأربعون

< عند العيال و البنات في السوق >
زياد : قل أعوذ بكلمات الله التامات أنتم جن في كل مكان تطلعون
أسيل : أقول أنت أذكر ربك و بعدين جينا نقول لك
إنه خلصنا
حمد : دامكم خلصتم جت منكم يلا خلونا نطلع ورانا نروح المزرعه
زياد : تكفون خلاص من ها المزرعة و بعد خالد معنا
راكان يقلد الجد فهد : أبك أنت وياه الشنب خاط وجهك و ماتبي تستقيم على رجولك
زياد : با الله يا راكان أسكت ها الديره ما فيها نوم أبدًا
حمد : أنس النوم هنا خلاص هنا تشتغل و تكرف
ترف با عصبيه : و النهايه معك أنت وياه يعني ما عرفتم التعب إلا الحين
العنود : و ترا بعلم جدي عليكم أخليه يزيدكم كرف
زياد حب راس العنود: لا تكفين طالبك إلا جدي لا تعلميه بشي
الكل ضحك على زياد
راكان : يلا يلا خلونا نرجع
طلع الكل من السوق و غدير من أول روحت قبل البنات يجون مع العيال
و كانوا طالعين متوجهين لا بيتهم بس كان فيه كلب وراهم و جا من جهة البنات و البنات هنا ماتوا رعب
أسيل من كثر الخرعة و الخوف راحت حضنت زياد تستنجد فيه
أسيل : زياد تكفى بعده عنا  تكفى
ضحك زياد عليها و هو من دخله مشاعر متلخبطه بسبب حضنها له
زياد : مارح يجيك لا تخافين
ترف و تسنيم ورا حمد و العنود راحت ورا أخوها زياد و طرد زياد الكلب
أسيل بعدت عنه شوي :اهه كنت بموت من كثر الخرعه
زياد بصوت واطي بس كانت أسيل شوي قريبه منه
زياد : أنا الي كنت بموت من حضنك
حمر وجه أسيل و أنتبه زياد و عرف إنه جاب العيد
حمد: ما توقعتك يا أسيل كذا خوافه
أسيل : عاد تحداني في كل شي الكلب
زياد : يلا الحمدلله جت على كذا
حمد كان قافط زياد و عارف وش يفكر فيه و الا زياد من متى ما يتحلطم على شي
وصلوا بيتهم و دخلوا البنات يشربون مويا و هدوا شوي
أم خالد : و أنتي وياها وشوله ترحون السوق
تسنيم : يا يمه ما أحنا لحالنا العيال معنا بس الكلاب ما تعرفنا
ام نايف : و أنتي يا أم لسان أشوفكم ساكته لا يكون هجم عليك
أسيل : لا يمه ما هجم علي ولا شي بس عشان الخوف
العنود : و الله يا عمتي لو هجم عليها كان ما شفتيها عندك
___________••_____________
< عند الجد فهد و عياله >
الجد فهد : يا عيال أنا و شيبان الديره في الدكه  الي مقابلة السوق
أبو خالد : بغيتنا نجي معك
الجد فهد : لا لا أقعدوا هنا و كلموا العيال يرحون المزرعة و العزبة
أم زياد : أبشر يا يبه
أبو نايف ( طبعًا أخذ له أجازه اسبوع و جاء عند أم نايف و عياله )
أبو نايف : بحفظ الله يا عمي
الجد فهد : سلمت سلمت
راح الجد فهد و جلسوا الرجال يسولفون
______________••______________
< عند ذيب >
يفكر و يفكر يبي يشوفها يبي يسمع صوتها مشتاق لها حيللل
ذيب : ياربي الحين كيف أتصل عليها
تذكر ذيب ترف تساعده في خطته
ذيب : و الله ما كنت أبي أحد يدري بس هي خربانه خربانة
قام ذيب و على طول راح بيتهم عشان يبي ترف
ذيب من ورا الباب عشان إذا البنات فيه
ذيب : يا ولد
أم خالد : تعال تعال يا وليدي ما من غريب
ذيب سلم على عمته أم نايف و حرمة عمه أم زياد
أم خالد : هلا يا ذيب وش بغيت
ذيب : بغيب يا يمه ترف
أم خالد : شوفهم في السطح فوق
ذيب : أبشري توصون على شي
أم نايف : أبد يا حبيبي سلامتك
ذيب : الله يسلمك
طلع ذيب السطح و وقف في نص الدرج و ينادي ترف با صياح
ذيب : ترففف يا ترففف
ترف تتحلطم : ياربي ها البيت كل ما جلست جو نادوك
ذيب : أقول تعالي بلا هرج فاضي
ترف : أسكت بس
ذيب : تعالي معي الحوش الخلفي
ترف : ليش وش معاك
ذيب : أبيك تعالي بس
ترف : خابرتك ما تجي إلا لا مصلحة على العموم شوي و بجي
ذيب : يلا أنا في الحوش
طلع ذيب و راحت ترف تلبس جلالها و تطلع لا ذيب
ترف : خير وش تبي قل لي
ذيب : طالبك يا ترف طالبك ما تردني
ترف : وجعع خوفتني أنطق وش معاك
ذيب : أبيك تدقين لي على رولا تكفينن لا ترديني
ترف من الصدمة طاحت تضحك على ذيب
ترف : أخيرًاا أخيرًا حبيت تعترف اللهم لك الحمد و ذيب أعترف
ذيب : اخلصيني اتصلي عليها و كلميها و بعدين قفلي
ترف با كذب تبي تشوف ذيب يعرف ولا لا
ترف : يا ذيب رولا ما معها جوال
ذيب : يا ترف أنا أعرفها في الرياض  معها جوال اتصلي عليها
ترف : هين يا الخفيف هين
ذيب عرف إنه وقع في شر ترف و با تمسكها عليه
ذيب : لا حد يعرف تفهمين ولا لا
ترف : على حسب يعني
ذيب : خلاص طيب الحين دقي
ترف : صبر أروح أجيب التلفون  و أجي
للمعلومية ( في الديره ماحد معه جوال غير عدد قليل  و جوالاتهم قديمه و البنات إذا جو الديره ما يجيبون جوالاتهم و معهم تلفون بس )
راحت ترف تجيب التلفون و ذيب يستناها في الحوش الخلفي و هو متشوق لا سماع صوت رولا اخذت عقله و قلبه و كل روحه
جت ترف با التلفون و دقت على رولا
_______________••_______________
< في الرياض في بيت أبو عمر العصر  >
فراس : اهه وربي البيت ضلمه بدون أبوي
عمر : الله يرحمه يارب
فارس : اللهم أمين
عمر : الحين روحوا رتبوا اغراضكم و بعد المغرب الكل يجيني الصالة
رولا : ليش وش فيه
عمر : أبيكم و بس
لينا : أبشر يلا با نروح  نجهز اغراضنا
راحوا البنات غرفتهم و العيال غرفتهم و كل واحد يرتب أغراضه
في غرفه البنات
كانت ترتب ملابسها و تساعد خواتها في تنضيف الغرفة و فجأه تسمع جوالها يرن
بتول : رولا ما تسمعين جوالك
رولا : إيه أسمعه شوفي مين
بتول : أنا مشغولة تعالي لا جوالك و ردي أزعجنا
راحت رولا لا جوالها و شافت الرقم غريب و رقم تلفون
رولا في نفسها : ياربي مين ها الحزه با يدق علي من تلفون
و بعد تردد كبير ردت
رولا : الوو
ترف : هلا يا رولا كيفك و أخبارك
رولا : هلا فيك حياتي الحمدلله بخير أنتي وش تسوين
ترف : أنا في قلق دامك ما أنتي هنا
ترف كانت تقصد ذيب في قلق بس رولا ما فهمتها
رولا : ما عليه تتيسر إن شاء الله
ترف : إن شاء الله إلا شلون البنات و بيتكم
رولا : البنات طيبين و أما البيت من الغبار مره تراب
ترف : اهه ليتك عندنا كان ساعدناك
ذيب نسي إن رولا تسمعه
ذيب : اوديك عندها تساعديها
رولا من سمعت صوته ارتجفت كل خليه في جسمها و قفلت على طول
ترف و هي ميته ضحك عليه : ياربي بموت البنت تخاف منك
ذيب : أحسن أنا أبيها تخاف مني
ما كانو يدرون إن فيه أحد يسمعهم و ...

اهه ما حد يوصف شوقي لكم و الله إني على أعصابي حتى خلص هذا الأسبوع و مبروك مقدمًا على النجاح للي نجح و التخرج للي تخرج و عاد دامها أجازه نبي التفاعل أكثر يا روح روحي أنتم 🫶🏻🫀♥️