حبي لديرتي فاق كل المحبين وحبي لك فاق ديرتي واهلها ♥️!

البارت الستوون

< عند الرجال >
بدوا المعازيم يجون وكانوا الجد فهد و عمر وفارس وفراس و ابو خالد و أبو زياد وذيب وخالد بجنب بعض وإللي  يجي يسلم عليهم
بعدها بربع ساعة جو الدقاقين وبدوا يدقون و عيال الديرة واحفاد الجد فهد يرقصون و جاء وقت السامري إللي يجيب  راس ذيب ونزل يلعب معهم بسيفه وهي :
لاعبيني ياهوى واليل سامر
لاعبيني باللحون السامرية
كيف حرفك لعثم الحناجر
من سنا الافكار حيّه
وبعد ما خلص ذيب عرضه جاه أبو خالد
أبو خالد : يا ولد الرجال خلصوا عشاء قم يلا روح خذ مرتك
ذيب : أبشرر يا يبهه
عمر : يلا يا ذيب الموكب جاهز
التفت ذيب وشاف عيال عمانه متفرقين على ثلاث سيارات
ذيب : يلا جيت
جاء ذيب و ركب سيارته و باقي العيال متفرقين بباقي السيارات
وصلوا عند الحريم و نزل ذيب ياخذ عروسته
فارس : انتظر اطلع لك اختي
ذيب : ابك عجل يولد مرتي وينها
فراس : يقول لك انتظر لا تخلينا الحين نشيلها البيت معنا
ذيب : هذا لو عاد شفتوها شيلوها معكم
جت رولا وهي لابسه عبايتها بعد ماساعدوها البنات ومعها فارس
ذيب : ارحبييي يا وجهٍ يبرد خفوقيي
عمر : لا اوصيك يا ذيب على اختي هالله هالله صونها و احفظها ولا اسمعها تتشكى منك
ذيب : تنقطع يدي وينقطع لساني لا مديت يدي ولا طولت لساني على ها الزيييننن
خالد : يلا ياولد اركبب
ركبت رولا السيارة و اخوانها وذيب يساعدونها با تدخيل الفستان
بعد مادخلوا الفستان سلمت رولا على اخوانها وتوادعتهم وهي دمعتها بعينها وخايفه من ذيب
ذيب : اخيييراااا يا رولا الذيب صرتي معه بسيارته ورايحه معه
رولا مستحيه ودها تروح مع خواتها بيتهم
ذيب : وش ها الزين المستحي
فتح ذيب المسجل و حط اغنية لمحمد عبده وهي :
"- قلت حُب الناس لو يجمع بجوف
ما يجي لو ربع احساسي بكِ
لو رمال البحر و امواجهه حروف
وصف حُبك مايعبره حكي"
رولا ساكته ومستحيه و ذيب ماسك يدها وشااد عليهاا بكل قوته
رولا: ذيب يدي كسرتها
ذيب : اخخ اخيراااا سمعتت ها الصوتت
رولا : طيب فك شوي يدي
ذيب : والله لو بيدي ما فكك كلك مو بس يدك اهه يارولا كنّي بحلم يوم اني خذيتك
رولا : لا خلاص انا حقك الحين
ذيب : و أنتِ حقي كل حيييينن
وصلوا و نزل ذيب يساعد رولا بالفستان و بعدها اخذ مفتاح غرفتهم وراوحو للغرفة
رولا بنفسها : ياربي الحين كيف ابعد ها الفستاانن لحالي
ذيب وهو عارف انها متورطه بالفستان بس ما يبي يبين لين تقول له
رولا استسلمت لأن حاولت بس ماعرفت
رولا : ذيب بالله تعال ساعدني بالفستان
ذيب : أبشريي
راح ذيب عندها يساعدها تخلع فستانها
رولا كانت مستحيه لأن لو سحب السحاب بيبان ظهرها
رولا : خلاص يكفي بس افتح لي السحاب
ذيب حاوط خصرها وحط راسه على كتفها
ذيب : لا متى بنجلس مستحين يعني متى بتستوعبين انك حلالي و عادي اشوف كل قطعة فيك
رولا هنا ودها لو الأرض تنشق وتبلعها وبلعت ريقها
ذيب فتح السحاب وبدا ينزل عنها الفستان وهي تمووتت كل مانزل الفستان شوي شوي عن جسمها
خلص ذيب من فستان رولا وابعدت رولا عنها الفستان وشالت بجامتها وراحت الحمام ( يكرم القارئ ) وبدلت بعدها جت تمسح مكياجها و تفكك تسريحتها و ذيب مقابلها يتأملها
ذيب : اهه ياربيي انا بحلم ولا بعلم رولا قداامييي وحلاليي
رولا : إيه قدامك ماتبيني يعني
ذيب : لعنبوا شيطانك مين مايبيييككك
رولا ضحكت بهدوء
خلصت رولا من مكياجها و بدت تفكك تسريحة شعرها عشان يتحرر شعرها وينزل على ظهرها
ذيب : كان خليتي هل اللوان ما حطيتها على وجهك يازينك زيناه بدونها
رولا :لازم كل عروس تحطها
ذيب : بس مو كل عروس رولا عروستي غييييررر
انفتح شعر رولا إلى واصل لأخر ظهرها ويكسيه السواد رولا وتحرر على ظهرها
ذيب : ما يموتني إلى سواد شعرك
رولا كملت تمشطه وبعدها ربطته
ذيب : ومتى ودك يعني تجين عندي
رولا بنفسها : ياربي الحين انا اصرف وذا ماينسى
رولا : بس أخلص
ذيب قام ومسك يدها النحييفه
ذيب : ريحي يدك من ها الأشغال وتعالي تعشي
رولا : ما أبي تعشيت بالبيت
ذيب : بس أنا أبيك تتعشين عندي
رولا سكتت لأنها ماتبيه يزعل او يعصب
ذيب جلسها واخذ العصير وشربها وكان يأكلها بيده
رولا : خلاص شبعت
ذيب : وش شبعتي توك ماكلتي شي
رولا : ذيب وش ما اكلت لا اكلت وشبعت خلاص
ذيب : الله يهديك ماتاكلين زين
رولا قامت وغسلت يدها و جات تشغل نفسها ترتب التسريحه والشنطة
ذيب شال العشاء ووداه للاستقبال ورجع
ذيب : الحين ما طفشتي وانتِ تشغلين نفسك
رولا : لا
ذيب : خلاص يكفي هروب تعالي
رولا هنا تذكرت كلام غدير وعمتها و قمطت ام العافيه وودها لو بيتهم قريب
ذيب ضحك على ملامح وجهها إللي تغيرت
ذيب : أفا يا رولاي ماتبين حضن ذيبك
رولا قامت وانسدحت با اخر السرير وذيب اوله
قرب منها ذيب
ذيب : مافيييه مهررببب
رولا : خلاص بنام تعبت
ذيب : بتنامين ماعليك
رولا : بس ..
قاطعها ذيب : مافيها بس ولاشي
قربت رولا منها وسحبها ذيب لعنده و🌚..
___________••____________
< عند البنات >
العنود : يا بنات الجلسة ذي تفوت رولاا
أسيل : والله محد قال لها تتزوج
بتول : خلي ذيب ينفعها ويحش معها و يعوضها على ها الجلسة
ترف : وش ها العرس إللي هد حيلي هد
لينا : والله صدق اكثر عرس تعبت فيه
غدير : يعني عرسي ماتعبكم بسم الله علي خفيفه في كل شي
بتول : عاد هذا كله بسبب رولا وذيبها كل شي سوه بعرسهم و بعد عماتي واعمامي ذبايح و طبخ وشغله
أسيل : بنات جاني فضول اشوف رولا وذيب وش يسون
غدير رمت أسيل با المخدة
غدير : ياللي ماتستحين وش تبين تشوفيهم وش بيسون يعني مثل أي عرسان
ترف : لا والله عاد الحين ذيب الوقت كله يقصد ماظنتي باقي قصيدة غزل ماقالها لها ولا مدحها
لينا : و أختي تستاهل ازين من كذا
العنود : بنات أحسني مهلوكة وفيني نوم العالم كلههه تكفون خلونا نرجع لأن خلاص عيوني بتتقفل من نفسها
غدير : إييه يلا حتى أنا بروح بيتي
قاموا البنات وشالوا أغراضهم و كل وحدة راحت بيتها
_______••__________
< عند خالد وغدير >
دخلت غدير و تعبانه من الحمل و ماودها أحد يعرف عشان ما تخوفهم عليها و بدلت ملابسها ومسحت مكياجها و كانت تفك شعرها
خالد كان يراقبها بهدوء وهي تحاول تنجز كل ذا رغم تعبها إللي واضح على ملامحها قام خالد من مكانه بدون ما يخلي غدير تحس
حاوط خصرها من ورا و قربها منّه و بدت أنفاس غدير تتسارع بتوتر من قوه قربهم من بعض
خالد بهدوء : كم مره قلت لك لا تتعبين نفسك
غدير : ما تعبتها انا
خالد حط اطراف اصابعه على خدّها الناعم
خالد : والله إن ها الوجه الشاحب ماهو بمرتاح
غدير : لا بس ساعدتهم مو حلوه أجلس و أرتاح وهم يشتغلون و يتعبون
خالد : والله إن عمي أبو غدير  عطاني زين البنات
غدير : أنشهدد
خالد : تعالي يروحي ريحي ضهرك
غدير : خالد عادي تدهنه لي لأنه مره يعورني
خالد : أبشرريي من عيونني
جلست غدير و بدا خالد يدهن لها عشان يخف عليها الألم شوي
____________••______________
< في بيت أبو عمر >
عمر : والله البيت بدون رولا طاافييي
فارس : اشتقت لها الحيوانة
بتول : وربي حتى أنا الحين مافيه أحد احارشه قبل أنام
فراس : يا ولد تراها جايتك بكره وبتعزم نفسها على الغداء
عمر : لا والله انا إللي أعزمها تستاهل فطور وغداء وعشاء بعد
بتول : قلنا دلوعه بس مو كذاااا
فراس : اوهوه يا بتول باقي ما شفتي شي كل شي إلى رولااااا خططط أحمررر عندهمم اللهم إن كان سحرًا فا أبطله
عمر : أقول رح نام أنت وياه وراكم قومة من الصبح
فارس : و أيش معنا بعد الصبح
عمر : معاك العزبة و المخيم نروح نفكه
فراس : تكفون لا حد يصحيني خلوني أنام
فارس : أول واحد يصحى أنت
فراس : الله ياخذ إبليسك مدري وش مسوي انا عشان ربي يبتليني فيكم
لينا : يلا يلا كل واحد على غرفته سرعه
فارس : تأمرين أمر ياعين أخوك
راحوا العيال غرفتهم و البنات غرفتهم و الكل نام من قوة التعب
و أنتهت ليلة تجمع عشاق ديرة نجد العذية إللي شهدت لا حب ذيب من سنيينن طواالل و قصة زواجهم إللي جاء بعد حرووببب ومصارعاتت و اختلافات ولكنه أنتصر بمعركته وهي زواجه من حبيبة روح روحه

احببكمممممممم وربييي يا أن فيني شوققق الدنيااا كلههه بسس الواتباد تبند عندي وغصب رجعته وهذاانيي رجعتت لكممم ✨💗💗💗