حبي لديرتي فاق كل المحبين وحبي لك فاق ديرتي واهلها ♥️!

البارت الثامن والخمسون

حمد : ترف يلا أكتبي
ترف : كم عددتكم
بدا حمد يعد كلنا ١٧
نايف : ماشاءالله يا كثرنا يدها بتنكسر
ترف : يعني واحد ولد وحده عجوز و واحد حاكم و واحد جلاد و الباقي ١٣ كلهم بنات
حمد : حلو يلا أجل اكتبي
كتبت ترف وساعدوها البنات اللي تقطع و اللي تطوي لين ماخلصوا وحطوها بصحن
فارس : يا حمد حنا محنا عارفين
حمد : أسمع مثلاً هنا عندنا بنت وولد و عجوز و جلاد وحاكم مثلًا أنت جاك ولد و فراس جاته بنت رح تغمز لفراس فراس يقول أنخطبت و أي واحد مننا عنده العجوز رح يقول كشفتك يعني العجوز تكشف الولد إذا كشفته الولد ينجلد با الحكم اللي يحمكه عليه الحاكم و بعد عادي الولد لو غمز للحاكم و الجلاد برضوا بنخطبوا إذا خطب كل الاعبين و العجوز ما كشفته يفوز و العجوز تنجلد  إذا كشفته يخسر وينجلد الولد والعجوز تفوز فهمت؟
فراس : وأنا ولد أبوي لو طلع لي بنت يخطبني
حمد : أقول يلا ترف أبدي
بدت ترف ترج الصحن وكل واحد شال ورقه كان كل واحد يفتح ويقرا اللي فيها بنفسه
ذيب فتح ورقته و أنصدم لمَ شاف اللي مكتوب
حمد : يلا أبدوا لعب ويا ولد عجل واخطب
ذيب توهق لأنه كان الولد وماكان يبي يخطب غير رولا
تلفت ذيب وشاف كل واحد يناظر الثاني وهو وده لو رولا تناظره ويخبطها ويسكت لين تخلص اللعبه
ترف : ياولد تراني مزيونهه بالحييللل اخطبني
فارس : صدقيني بيستخير مليون مره
زياد : ياولد طولت تراك بسرعه أخطب وخلصنا
رولا ناظرت ذيب وحصلته يناظرها وبحركة سريعة من ذيب غمز لها وبعدها رجع مثل وضعه العادي
رولا انصدمت وخافت إنه يخطب غيرها وبعد مستحيه تتكلم وتقول أنخطبت
أسيل : معقوله ولا وحده أنخطبت وش ها الولد الثقيل
رولا : أنخطبت
حمد : قل أعوذ برب الفلق ها الولد مخلينا كلنا وخاطبك أنتي
رولا : لا يمكن بيمشي الدور أنتظر
كان نايف العجوز ويحسّب فارس هو الولد لأنه كان جنب رولا بالضبط فشك فيه
نايف : أنا العجوز و فارس الولد
فارس : خطأ وربي مب أنا الولد
زياد : يا ولد أطلع طلعت روحك
ذيب : سم وش تبي؟
خالد : عشاانن كذا ماخطب غير حبيبت القلب
ذيب : وهل يعقل أن أخطب غير حبيت القلب
رولا أستحت وقالت بنرجسية : ما ظنتي رجل عاقل يفكر مجرد تفكير
ذيب : أنشهدد
ترف : ترااكمم نسيتم اللعبة و جالسين تتغزلون قدامنا
حمد : يا خالد الساعة كم
خالد شاف ساعته : الساعة ٢:٥٤ليلًا
نايف : صدق ليلًا كنت أحسبها ظهرًا
الكل طاح ضحك على خالد وفهاوته
غدير : هيه أنتم ما أرضاها تضحكون على خالد هذي من الفرحة على ولده
حمد : والله وطلع لك لسان بعد
بتول : أسكت بس أنت لا تجدول الحين على غدورتي
عمر : وسرا اليل وحنا ماسرينا كل واحد بيدافع عن الثاني
عزيز فز : ياعيااللل
عمر : وش بلاك أنت
ذيب بجدية : أنطّق ياولد علامك
عزيز : يا عيال جدي قال قبل زواج ذيب ورولا بيوم روحوا المزرعة و رتبوها وشوفوا وش ناقصها ويبينا نروح الصبح على الساعة ٦:٣٠ وحنا مانمنا للحين
رولا ارتجفت من كلمة : " زواج ذيب ورولا "
ذيب : أبك علامي نسيت إن بعد بكرا زواجي صدقوني البلا بالشاهي هذا
تسنيم : عاد البلا جاء من زوجتك ماهو من غيرها
ذيب : ويازينه زيناه من بلا دامه من يدها
خالد : يلا يا عيال خلاص كل واحد بيته يكفي سهر ورانا زواج و شغل كثيييرر
حمد : يا عيال كلكم تعالوا ننام بغرفتنا
فراس : أوهه عاد ها النومه ماتتفوت
عمر : بس مايصير أخلي خواتي لحالهم بالبيت
عزيز : جيبهم عند البنات كلنا بننام في بيت عمي صقر بنتخلنا عن بيوتنا
العنود : أجل خلونا كل واحد يروح بيته ياخذ اغراضه إللي يبيها ويروح بيت عمي صقر
بتول : تممم
ترف : واقوى تممم من عندييي
ذيب : يا رولا تعالي
رولا خافت بس مابينت وقامت
رولا : هلا ذيب
ذيب : تعالي معي
راحوا شوي لين بعدوا عن العيال والبنات
ذيب : رولا تبين شي ناقصك شي ؟
رولا : لا لا الحمدلله كل أغراضي جاهزة
ذيب : وشغلكم هذاك ماعرفه أنا بس سمعت أمي إن في الرياض ترحون صالونات تبين تروحين
رولا : وشوله الكلافة عادي البنات يزينوني
ذيب : رولا لا تستحين أنا بعطيك بس قولي لي وش تبين و أبشري
رولا : أبشر
ذيب : يلا تعالي أوصلك بيتكم لأن الكل راح يشيل أغراضه
رولا : يلا
راحوا ذيب ورولا لبيت أبو عمر عشان يوصل رولا تاخد اغراضها مع خواتها  ويروح بيتهم
_____________••______________
< في الصباح عند الجد فهد >
الجد فهد : يا صقر العيال وينهم فيه ما أشوفهم
أبو خالد : مدري بس بروح أشوفهم
أبو زياد : حتى عيالي مهم بالبيت الظاهر عندكم
أبو خالد مادري والله بس بشوفهم الحين وبلهطهم بالعصا لين يصحصحون
قام أبو خالد وهو ناوي عليهم نيه شقرا
كان معه العصا إللي يتكي عليها وفتح الباب بهدوء عشان مايصحون و شافهم كل واحد منبطح على الثاني وحالهم يرثى له
أبو خالد ضحك على شكلهم إللي كان رجل حمد على ظهر زياد و راس زياد على رجل فارس وكان شكلهم يضحك
أبو خالد بنفسه : طيب طيب أوريكم الحين كيف تتصلحون بالنوم وترتاحون
أبو خالد شال العصا وطق بها الباب بقوه والعيال قاموا منصدمين ومرتعبين
عمر : أبو سعود وش جانا
زياد وقف من الصدمة ويصارخ : يا عيال شكلها القيامة قامت ياعيال استشهدوا موتوا شهداء
حمد قام منخرع : أشهد أن لا إله إلا الله و أن محمد رسول الله
ذيب كان باقي في هول الصدمة بدأ يستوعب شوي شوي ولف راسه با اتجاه الباب وشاف أبوه واقف ومعصب لف عليهم ذيب و...