حبي لديرتي فاق كل المحبين وحبي لك فاق ديرتي واهلها ♥️!

البارت الثلاثون

< في بيت أبو زياد >
أبو زياد : و ليش إن شاء الله ما يروح يساعد عيال عمه
أم زياد : إيه ما بيروح دامه يخاف منها ماهو كل شي غصب عندكم
لف أبو زياد على زياد : و أنت تبي تروح ولا لا
زياد : لا يا يبه با روح معهم العزبة و أساعدهم
رجع لف على أم زياد
أبو زياد : ثاني مره لا تفكرين تمنعين عيالي عن عيال عمهم كلهم و الله إن تشوفين شي عمرك ما شفتيه تفهمين ولا لا
ما ردت أم زياد و مشت و لكن هاذي الحركة زادت قهر أبو زياد
أبو زياد : لمن أكلمك تكون عينك في عيني
أم زياد لفت عليه : تراك زوجي لا أقل ولا أكثر يعني مانك من لحمي و دمي
أبو زياد طلع من البيت لأن لو جلس أكثر بتصير مشاكل كبيرة
عزيز : يلا يا زياد خلنا نروح نشوف العيال برا
زياد : يلا يلا
طلعوا زياد و عزيز عند العيال
______••________

في مكان ما قد رحنا له ولا ذكرناه
< في القصيم عند مشاري و اخوياه >
ياسر : يا عيال مشاري في السيارة يلا
فيصل : يلا يلا طالعين
راكان :انا اكثر واحد متحمس يعني ابي الديرة
ياسر : لا يا عيوني أنا كلنا نبي الديرة مين ما يحبها
راكان : و الله عبالي ما تحبوها كان با اجلدكم
فيصل : يلا خلونا نطلع الحين مشاري با يموتنا لأننا تأخرتا
طلعوا العيال لا السيارة
مشاري : كان تأخرتم شوي كنت بجيب لكم قهوه و حلا
ركب ياسر با المرتبة الأمامية جنب مشاري و المرتبة الخلفية راكان و فيصل
و حرك مشاري متوجة لا العزبة
_________••_________

< في الديرة تحديدًا بيت أبو عمر >
فارس : أنا بروح عند ذيب والبنات معي
عمر : تمام انا و فراس شوي و نلحقك
فارس : تمام يلا يا بنات عجلوا علي لا نتأخر
رولا : طالعين طالعين بس خلنا نلبس العبايات
فارس : ياربي و من اول ليه ما لبستو بس تحبون التأخير
بتول تلبس نقابها : يلا يا فارس طلعنا
فارس : يلا يلا
طلعوا فارس و أخواته بيت عمهم أبو خالد
___________••_________
< في بيت أبو خالد >
ذيب : يا يمه اليوم مارح نجي البيت بدري
أم خالد : عساه خير يا وليدي وشوله ما تجي بدري
ذيب : خير يا يمه خير بس با يجون العيال و بنسهر با الدوانيه لا تشيلين هم
أم خالد : الله يحفضكم
ترف : يمه اليوم با نروح سابع ولد الشيخ
أم خالد : أكيد يا بنتي با نروح هذا واجب علينا نروح عندهم
تسنيم : زين يا يمه
دخلت أسيل عندهم بعد ما طلع ذيب
أسيل : بناتتت تخيلوو برااا مطرر
ترف : كذابهه
أسيل : وربييي مطررر و كثيررر
ترف : يلا يلاا خلينا نطلعع برااا يلاا
طلعو أسيل و ترف و تسنيم كلهم برا لا المطر و شافوا بنات عمهم جاين عندهم
ترف : الله مطرر و كلنا سواا
رولا  : صحح بس وينن العنود
ترف : ما جت جو اخوانها عند العيال بس هي ما جت
بتول : بروح لها لازم تجي معنا
أسيل : بجي معك
بتول : يلا تعالي نجيبها و نجي لا نتأخر
راحوا بتول و أسيل لا العنود عشان تجلس معهم تحت المطر
طقو الباب و فتحت العنود
بتول : عنودتي يلا معنا سريع البسي عبايتك و تعالي بسرعه
العنود شافت المطر و راحت بدون ما تتكلم معهم حتى
أسيل : من يوم ما عرفت العنود وهي تعشق المطر
بتول : صدق تعشق المطررر
بعد ثواني جت العنود
العنود : الله يا زين مطر الديرهه تجنن لا امطرت
أسيل : صدق مرهه تجننننن
________••________

< عند العيال في المطر >
فراس : الله يا زين المطر
نايف : صدقتت ريحة المطر تجيب العافية
خالد: المطرر بدا يزيد كيف با نروح العزبة
زياد : بلا عزبة تمطر يا خالد شفت مطر ربي و أنت تبي العزبة
ذيب كان يتأمل ديرته الممطره جوها الزاهي و جات بباله بيتين :
~أمطرت ديرتي و تحلت با الجمال
ريحة مطر و غيم جمّل سماها ..~
عمر : صح لسانك يا شيخخ
ذيب : صح بدنك
فارس : يا زين الديرة يوم تمطر ريحة مطرها و جوها غيرر
ذيب : عاد ذي الديرة ماهي مدنكم إلا الزين عندنا و الشين حويلنا
عزيز : يا الطيب ما عاد عندنا مدن صرنا معك في الديرة
ذيب : و هذا الشور الزين يوم إنكم تسكنون با الديرة ديرة العظماء
ضحكو العيال على حب ذيب العظيم لا ديرته و عشقه لها
_________••_________

< عند مشاري >
مشاري : يا عيال قربنا نوصل الديرة لاحد يعلمهم
راكان : الله جا مطرر
ياسر : مطر الديرة يرحب فينا
فيصل: ماشاءالله من زمان عن الديرة و مطرها با زينها الكل ينبهر من مطرها و جوها
ياسر : صدقت و الله عاد الحين ذيب في أعلى مراحل روقانه
راكان : أصدق شي شفته في حياتي مره يحب ديرته لو تغلط عليها قدامه با يتم الصلاة عليك
مشاري : عاد ما الومه و الله الديرة جوها غيررر سماها و هوها يرد الروح
فيصل : الحين تلقاه حط هذيك البيتين الي ترد الروح صدق
ياسر : يا أني اشتقت له و لا قصيده
راكان : يا مشاري شغل لنا شي نسمعه على ها الجو الزين
مشاري : و الله إن تبشر يا راكان اليوم انا مروق دامني بشوف العيال
ياسر : و الله كلنا مروقين كملي ما قد شفتهم
شغل مشاري أغنية محمد عبده :
وينك يا درب المحبة ... هل اقفلوك الحبايب
كذبوا علي الف كذبة ... و ضنوني في الحب كاذب
وأنا محسب حسابه ... ما جيت من غير بابه
و بدا الكل يغني معه
راكان : يسعدلييي جوك يا مشاري يا زين أبو نورهه
فيصل : صادق ابو نوره و بسس
و كملوا يغنون مع الاغنية
______••_______
< عند البنات >
ترف : رولااا تعاليي بسرعه
رولا : وين با تروحين
ترف : تعالي معي بس
رولا : طيب طيب وين با نروح
ترف : أقول لك تعالي ليه ما تفهمين أنتي
رولا : يلا ها أمشي ورينا وش معك ساحبتني من البنات و أصلًا المطر خلص
ترف : ما أبي المطر تعالي و بس
راحت رولا عند ترف و مسكت يدها ترف و راحوا عند مرجيحة قديمة كان كل ما يجي مطر بعد ما يخلص يرحون لها
رولا : الله تذكرتها من زمان عنها
ترف : أنا بركب أول و أنتي مرجحي بي
رولا : تم يلا
ركبت ترف المرجيحه و ما كانت متوازنة و كانت رولا تمرجح بها و يضحكون وتطيح ترف و بعدها تركب رولا و على ذا الوضع لين أذن مغرب و راحوا يصلون و يتجهزون عشان يرحون
و هم راجعين سمعوا صوت البوابه تطق و راحت ترف تنادي العيال عشان يفتحون
ترف : يا عيال البوابه تطق روحوا افتحوا الباب
ذيب : طيب طيب روحي و حنا بنروح نفتح أدخلي بسرعه
دخلت ترف و رولا البيت
و راح ذيب يفتح الباب و أنصدم لما شاف الي واقفين عند الباب ...

أعتذر على التأخير لأن ها اليومين تعبانة بحاول قد ما أقدر انزل لكم