حبي لديرتي فاق كل المحبين وحبي لك فاق ديرتي واهلها ♥️!

البارت الثاني و الثلاثون

< عند ذيب >
كان يشوف بنت شعرها طويل و فانته في الجمال و حاول يصد
بس قلبه يعيه و بعد محاولات صد و دق على عمته
ذيب : يا عمه طلعي لي وحده من البنات تشيل العصيرات
أم نايف: يا ذيب رولا طلعت ما حصلتك فين انت
ذيب : ما شفتها خليها تطلع مره ثانية
أم نايف : زين يلا الحين تجيك
ذيب : أنا برا أنتظرها
طلعت رولا و الطامة الكبرى أن البنت الي شافها ذيب هي رولا
ذيب : ياويل حالي وش ها الجمال كله
رولا : وين العصيرات يا ذيب
ذيب انتبه : هلا هلا تعالي شيليها
رولا : طيب ابعد عن السيارة
ذيب بعد عن السيارة و شالت رولا العصيرات و دخلت داخل با العصيرات
و راح ذيب لا العيال
__________••___________
< عند البنات >
أسيل : يا بنات حبيت هذيك البنت خلوها تجي معنا
العنود : ماشاءالله عليك يا أسيل إجتماعية بزيادة
ترف : عاد حتى أنا حبيتها معك تجنن
رولا : طيب منهي الجريئة إلي بتروح تخليها تجي معنا
ترف : أنا و أسيل نروح و نشوفها إذا بتجي معنا
أسيل : تممم يلا
تسنيم : ماشاءالله اتفقوا ذولي الثنتين
طنشوها ترف و أسيل و راحوا عند البنت
ترف : السلام عليكم
غدير : هلا و عليكم السلام
أسيل : يا حلوه  وش أسمك
غدير : أنتِ الحلوة أسمي غدير
ترف : عاشت الأسامي يا غدير
غدير : ما عرفتوني وش أسمكم
أسيل : أنا أسمي أسيل
و أشرت على ترف و ذي أسمها ترف
غدير : يا حلوكم أنتم و أساميكم
ترف : شرايك تجين معنا عند البنات و تجلسين معنا
غدير : تم أبشري
أسيل : يا زينكك لا انتي على جونا خلاص با أسرقك
غدير : حبيبتي
ترف : يلا يلا خلونا نروح عند باقي البنات
أسيل : يلا
راحوا البنات مع غدير لا البنات
رولا : يا هلا با صديقتنا الجديدة
ترف : عاد هاذي با تصير أعز الأخوياء عندي
العنود : بس ما عرفتينا عليها
أسيل : أسمها غدير
بتول : عاشت الأسامي
غدير : عاشت أيامك
تسنيم : تعالي أجلسي يا غدير
غدير : معليش بس ممكن أعرف مين أنتم
رولا : انا رولا
غدير : ماشاءالله أسم على مسمى جميله حيلل
رولا : يا روحي أنتي الجميلة
بتول : و أنا أخت رولا بتول
و أشرت على لينا : و هاذي اختي الكبيرة لينا
و أشرت على تسنيم : و هاذي أخت ترف تسنيم
و رجعت أشرت على العنود : و هاذي بنت عمي العنود
غدير : ماشاءالله كلكم حلوين و علاقتكم با بعض تجنن كنت اتمنى عندي بنات عم مثل كذا
ترف : ليه وش فيهم بنات عمك
غدير أشرت على ريوف : هاذي بنت عمي و مره تكرهني و تشمت فيني و بنات عمي الباقي مره يحبوها لأنهم نفس جوها بس أنا ماتي نفسهم عشان كذا
أسيل : تصدقين لو أنا بدالك كان صليت شكر لله إني ما احتك فيهم مرهه لا
رولا : يا غدير أنتي ساكنة في الديرة
غدير : إيه ساكنة هنا و هذا سبب لا كرههم لي لأنهم ما ينزلون إلا في العزايم و هم من الرياض يعني يا الله تشوفيهم
تسنيم : ماشاءالله شكلك قريبة مننا
غدير : ما علمتوني فين بيتكم
بتول : حنا حفيدات فهد آل صقر
غدير : ماشاءالله جدكم مشهور في الديرة الكل يعرفه بيتنا جنب بيتكم
لينا : حلو يعني كل يوم نقط عندك و تقطين عندنا
ترف : إيه لازم تكون منا و فينا يعني تنظم لنا مره حبيتها
غدير : و الله حتى أنا حبيتكم ما أعرف احد با الديرة يعني ما أخرج كثير هذا اول مناسبة أحضرها في الديرة رغم إني من يوم ولدت و أنا هنا با الديرة
أسيل : لا يا عيوني الحين انتي عند خواتك تعالي في أي وقت
بتول : غدير شرايك بعد العزيمة تجين عندنا و نسهر سوا
رولا : ايهه تكفين و الله بيكون فله معك تكفين تعالي
غدير : تم أشوف أمي و أرد لكم خبر
أم سلطان وقفت با النص : يا حريم و يا بنات تعالوا لا العشاء تفضلوا
أم خالد : تسلمين يا أم سلطان خيرك سابق
قاموا الحريم و البنات يتعشون
_________••________
< عند العيال >
عمر : يا عيال تبون نرجع و نسهر في الدوانيه
راكان : إيه با الله من زمان عن الدوانيه
ذيب : لا عيونك يا راكان با نسهر فيها لين تقول خلاص روحنا
راكان : يا حبيبي يا ذيب
أبو سلطان: يا رجال يلا تفضلوا على العشاء
قام الكل لا العشاء و جلسوا يتعشون
__________••___________
كانت تمشي متوجهه لا الحمام (يكرم القارئ)
بما أن الحمام (يكرم القارئ) خارج البيت و ما كانت تدري إن فيه شخص يشوفها و هي تعدل روجها و تنثر شعرها الحرير
______••_______
< عند ناصر >
ناصر : لعنبو ابوها وش ها الجمال كله و بعد لابسة أحمر يا لبيه يا الجمال هاذي عروستي خلاص
لفت رولا و شافت رجال يناظرها و ما صد عنها تغطت و دخلت البيت على طول
ناصر : يا ويلي على الجمال الحين وش عرفني با أسمها مالي إلى ريوف تجيبها لي
دق على أخته ريوف و بعد محاولات ردت
ريوف : خير يا ناصر وش تبي
ناصر : يا حبيبتي يا ريوفي تعالي برا أبيك
ريوف : دام فيها حبيبتي فا تبي مصلحة وش تبي أخلص
ناصر : طيب طيب تعالي برا و تعرفين
طلعت ريوف له
ريوف : نعم وش تبي
ناصر : شفتي بنت لابسة أحمر و شعرها طويل
ريوف تذكرت رولا بس ما تعرف أسمها : إيه شفت ليه وش تبي فيها
ناصر : قولي لا أمي تخطبها لي
ريوف : وش ما بقى إلا هي تخطب لك هذيك مستحيلل
ناصر :  ريوف نادي لي أمي بسرعه
ريوف : تمام أكيد أمي با ترفض
ناصر : ناديها و مالك شغل في الباقي تفهمين و لا لا
راحت ريوف و نادت أمها لا ناصر
ريوف : ماما ناصر برا يبيك
أم ناصر : ليش وش يبي فيني
ريوف : ما أدري اطلعي شوفيه
طلعت أم ناصر عشان تشوف ولدها وش يبي فيها
ناصر : يا هلا با أمي تعالي تعالي
أم ناصر : هلا وش بغيت ناديتني
ناصر : يمه شفتي ينت لابسة أحمر و شعرها طويل
أم ناصر شهقت : و أنت وش عرفك فيها يالي ما تستحي
ناصر : يا يمه شفتها برا و حبيتها و أبيك تخطبيها لي
أم ناصر : ما بقى إلا هي أخطب لك من حفيدات فهد
ناصر بصدمه : يمه ذي حفيدة فهد آل صقر
أم ناصر : إيه و بعد بنت سعود الله يرحمه
ناصر : الله يرحمه يعني أخت عمر
أم ناصر : إيه نعم و ش تبي الحين أخلصني
ناصر : يا يمه أبيها تكفين لا تردني طلبتك
أم ناصر : زين زين بشوف يصير خير
راح ناصر عند الرجال و هو يرسم أحلامه مع البنت إلي شافها و صورتها في عقله
زياد : أبك هذا وش فيه يناظر عمر و يبتسم له وش عنده
عمر : و الله من وقت راح و رجع و هو يناظر فيني أمره مشكوك فيه و الله
ذيب قلبه قارصه من وقت ما راح صقر و هو يحس وراه بلا
__________••__________

< عند البنات >
ترف : يا رولا هاذي وش فيها من أول تناظرك كذا
رولا : ما أعرف وترتني با نظراتها
جت أم ناصر و جلست عند رولا
أم ناصر : كيفك يا بنتي
رولا : الحمدلله بخير كيفك أنتي
أم ناصر : بخير دامك بخير بس يا بنتي ما قلتي لي أنتي مخطوبة و لا لا
رولا : لا يا عمه ماني مخطوبة ليش وش فيه
أم ناصر : فين امك
رولا : امي الله يرحمها و إذا تبين أمي الثانية شوفيها جالسة هناك
أشرت على عمتها أسماء
أم ناصر : الله يرحمها زين بروح أكلمها
راحت أم ناصر عند عمت رولا عشان تخطب رولا لا ولدها
العنود : حركاتت يا رولا صارو يجوك خطاب ما عرفتك و الله
رولا با توتر واضح : ما أعرفها و وش دراك أنها با تخطبني
أسيل : يا رولا واضحة و صريحة يعني ما يحتاج توضيح أكثر من كذا
__________••___________
< عند ناصر >
تشجع و راح عند عمر
ناصر : السلام عليكم
الكل : و عليكم السلام
ناصر : معليش عن إذنك عمر ممكن تجي معي برا شوي
عمر : تماما يلا
طلع عمر مع ناصر برا يشوف وش معه
عمر : هلا مين أنت و وش بغيت
ناصر : أنا ناصر و بغيت أختك
عمر : و أنت وش عرفك با أختي
ناصر : أمي خطبتها لي و أنا جيت أخطبها منك
عمر : الشور شور أختي و شور جدي تعال البيت و نتفاهم
ناصر : تمام
عمر : الوقت إلي يناسبك تعال فيه
ناصر : ما تقصر
راح ناصر و راح وراه عمر
________••_________
بعد ما خلصت العزيمة كل واحد رجع بيته
خالد : يا ذيب شيل سيارتي و أنا با أروح مع العيال
نايف : الحريم معي و العيال نص مع عمر و نص مع مشاري
ذيب : تمام يلا بروح لا البنات
راح ذيب عشان يروح با البنات
و دق على ترف عشان يطلعون له برا
ذيب : الوو ترف يلا أنا برا
ترف : يلا يلا نلبس العبايات صبر
ذيب : لا تتأخرون مالي خلق تأخير
ترف : لا تخاف ما احنا متأخرين
بعد ما لبسو و خلصوا طلعو السيارة عند ذيب
ذيب : كان رقدتم عندهم وش ها التأخير كله
ترف : ذيب أركب و أنت ساكت ماحد له خلقك
أسيل : عاد اليوم رولا بتنام طايرة من الفرحة
رولا : أسيل يا حيوانه ما تعرفين تسكتين
ذيب : ليش وش صار
ترف : و أنت حاشر نفسك في كل شي
ذيب : أقول علموني وش صار
رولا : لا ماصار ش
ما كملت رولا كلامها إلا و قاطعتها أسيل عشان تقول لا ذيب وش صار
أسيل : تخيلل يا ذيب فيه ناس جو يخطبون رولا
ذيب كأن مويه باردة انكبت عليه سكت و لا عاد نطق با حرف
رولا : كذابه يا ذيب تكذب عليك
ترف : لا صدق ليش نكذب
كان ذيب ماهو معهم قلبه كأن فيه قزاز يتكسر من قوة الغبنه إلي فيه
ذيب بصوت ضايق : مبروك يا رولا مبروك
رولا حست با ذيب و ضيقته و هي كانت با ترفض لأنها تحبه و ما تبي غيره بس ما تقدر تصرح قدام البنات فا سكتت لين وصلوا و نزلوا البنات و ذيب و راح ذيب عند العيال و البنات كل وحدة راحت بيتها تبدل و يتجمعون في جلستهم المعتادة
بعد ما بدلوا و خلصوا تجمعوا لاكن فيه شخصين ماهم معهم ..