حبي لديرتي فاق كل المحبين وحبي لك فاق ديرتي واهلها ♥️!

البارت الثالث والعشرون

< عند رولا>
كانت تبكي بحرقه على معاملة عمتها لها وليش هي بالذات تعاملها كذا : ياربي انا وش سويت لها في كل مره تشوفني تكرهني الثانية الي شفتها فيها والله اني احبها زي امي انا ماشفت امي بس هي المفروض تكون لي ام وش ها الكره كله يعني يوم طلعت لي الحيه من الممكن تخاف علي ما تقلب  ضدي بس الظاهر با اواجه متاعب معها الله يكون بعوني و بس وش اسوي

< في الصالة عند فراس وأبو عمر >
جا با الأدوية وانصدم لما شاف أبوه طايح على الأرض صرخ بأعلى صوته : يبهههه يبهههه يبهه وش جااااكك يا يبههه وش جاككك تكفى كلمي يا يبههه تكفى يا يبهههه تكفى كلمنييي صحصح يبههه لا تتركناااا يا يبههه تكفى يا يبههههه تكفىىىىى

ركض لأبوه وحطه بحضنه و هو يبكي و يصارخ باسم ابوه
كل إلي بالبيت صحوا من نومهم و ركضوا بسرعه للصالة بس الكل توقفت أنفاسه من مظهر فراس و أبوهم
رولا و هي اصلًا من اول تبكي بس انهارت زياده : ابوييي ابوييي تكفونن روحوا به المستشفى لا يموتتتت تكفوننن مالي غيرهههه تكفوننن ابوييي وبعدها أغمى عليها رولا ومسكها فارس على طول
عمر: بروح أشغل السيارة وفراس جيبها معك ولينا معنا وفارس يشيل رولا وبتول ويمشون ورانا بسرعهههه
لينا: يلا بجيب عبايتي وبجي
بتول: وأنا بجيب عباية رولا وعبايتي وبجيي
فارس: بسرعهههه بسرعهههه معاد فيه وقت
راحوا البنات ولبسوا العبايات وطلعوا بسرعهههه للسيارات

< عند ذيب>
ماجاه نوم وطلع برا شوي يشم هوا ومعه شاهي بيده بس سمع صراخ من بيت عمه وركض لهم بس شاف عمر وفراس يشيلون عمه ومعهم بنت وبعدها طلع فارس وهو شايل بنت بس عرفها ذيب ومعها بنت وقف بصدمة وش صاير عليهم وركض لا فارس
ذيب بصراخ: فارسسس فارسسس شفيكم وين رايحين
فارس: تعال يا ذيب تعال معيي تعاللل
راح ذيب وركب السيارة وشاف رولا وبتول ورا وفارس يسوق
ذيب: شفيكم يافارس قلي خوفتنيي
فارس نزلت دموعه : ياذيب ابوي ابوييي يا ذيب ابويي
ذيب: وقف يا فارس وقفف
وقف فارس ونزل ذيب يسوق وفارس با المرتبه جنبه
ذيب: وششش فيههه عمييي وش فيهه
فارس: فراس راح يجيب أدويته وجا وهو طايح ومحد يعرفف ليه
ذيب : استهدي بالله يا ولد يمكن السكر مرتفع لا تخاف بس رولا وش فيها
فارس: رولا ماقدرت تتحمل وطاحتت على طول والحين بنروح المستشفى عشان نشوف ابوي ورولا
ذيب: يلا الله يستر وبس الله يعين
وبعد وقت وصلوا للمستشفى لأنه كان شوي بعيد لأن المستشفى بالمدينة وهم بالديرة
نزلوا من السيارة ودخلوا للمستشفى
فراس: يا دكتوررر يا دكتوررر تعال يا دكتوررر تعاللل
جو الممرضات بسرعه وشالوا أبوعمر ودخلوه العمليات
ذيب: فارس تعال معي نروح نشوف رولا وش فيهاا تعالل
راحوا فارس وذيب يشوفون رولا وبعد ما اعطوها مغذي صحيت وهي منهاره وتصارخ : ابوييي ابوييي لا يموتتت يكفي امييي ساعدواا ابويييييي خلونيييي انا اموت مو هووو ابووييييي
ذيب: يارولا اهديي يا رولا ابوكك بخير بس اهديييي انتي
كانت رولا ماتسمع احد وتبكي وتصارخ لين عطوها مهدئات ونامت
ذيب: لاحول ولا قوة إلا بالله يالله انك تعدي ها اليوم على خير يارب
فارس: يا ذيبب اعذرني تعبتك معيي بس والله ماعرف وش اسويي الا إنك تجي معي
ذيب : مابي أسمع هالكلام الحين مو وقته  خلنا نشوف الاوضاع ابوك واختك والحين اخوانك منهارين تعال نشوفهم