حبي لديرتي فاق كل المحبين وحبي لك فاق ديرتي واهلها ♥️!

البارت الواحد و الأربعون

< في الطريق عند عمر و أخوانه و خواته >
فارس ناظر بتول : الظاهر بتولي ما تبي قهوه اليوم
بتول : لا يا حبيبي مين قال اني ما أبي لو تدري إني غيرت قهوتي بعد
فراس : حركات ما عرفتك يعني كل سفره قهوه
رولا : اشتقت لا قهوه عمتي هُدى
لينا : الظاهر معد با نشوفهم
عمر : و مين قال مرح نشوفهم
فراس : وش تقصد يا ولد
عمر : أبد بس مثل أول كل اجازه نروح لهم بس بشكل أقل
فارس : إيه و الله تعودنا عليهم
رولا : با نشتاق لهم خصوصًا ذ•• أقصد البنات
كان رولا با تجيب العيد و تقول ذيب بس تخاف أخوانها يخلوها تكمل الطريق على رجلها
بتول فهمت رولا بس سكتت
عمر : يا فارس با أوقف عند الكوفي و أنزل أنت و تعال سوق أنا بريح شوي
فارس : تم يلا بس خلنا نوقف
رولا : تكفى يا فارس شغل لنا شي
فارس : وش ودك تسمعين يا رولا
رولا : تصدق عاد ودي أسمع عبد المجيد عبدالله
فراس : يا ذا المجيد إلي ما تركبين سيارة و ما تسمعيه
رولا : يلا شغل بسرعه
شغل فارس أغنيه :
يا صاحبي ماني على خبرك
أثر علي فقدك
حزينه نظرتي و صوتي عتب مليان
بعدي و قربي استوى في كفه الميزان

شغلها فارس بس رولا الأغنية لامست قلبها و كانت تهوجس كيف الاغنية  توصف حالتها
بتول تأشر با يدها قدام رولا
بتول : يا هوه وين وصلتي
رولا : هلا معك معك
فراس : إيه واضح معنا المهم وش تبين قهوه سريع
رولا : أبي v60
فارس لف عليها با صدمة
فارس: حركات يا رولا مستحيل أنتي من يوم عرفتك و أنتي ما تحبيها
رولا : للأسف و الحين حبيتها و عشقتها بعد
لينا : يا رولا انتي با تموتين نفسك با نفسك
نزل فراس و اشترا لا الكل القهوه إلي يبيها و ركب فارس مقعد السواق و عمر مقعد الراكب و كملوا طريقهم
_________••__________
< في الديرة عند الجد فهد >
الجد فهد : يا الي ما يستحون ما يجون يسلمون علي قبل يرحون
ذيب : يا جدي هم طلعوا مستعجلين
الجد فهد با عصبية لا ذيب : أسكت أنت مالك كلمة علي تفهم و لا لا
ذيب : ابشر يا جدي افهم افهم

___________••____________
< عند ذيب >
كان ذيب يبي يشوف بس عيونها يبي يشوف ضلها على الأقل لاكن وين وين رولا و وين ذيب
طلع ذيب لأنه عزيزه نفسه ما يحب ينهان قدام أحد و يجلس معه
راح ذيب و شال سيارة خالد بدون ما أحد يدري لأن مفتاح سيارة خالد معه
ركب السيارة و راح لا الإسطبل
و بعد ما وصل وقف السيارة و نزل
ذيب : اهه يوم أني أجيبك تشكين لا خيلك الحين اجيت أنا وحدي أشتكي لا خيلي
ابتسم با خفه على عشقه لا رولا في وقت قصير
ذيب تذكر حبه من زمان لها و الحين زاد حب طفولته رولا :
و الله ما ضنتي في وقت قصير
هاذي حبيبة قلبي و غاية مرادي
عشقتها من يوم عرفت امي  و أبوي
و عادني طفلٍ اخوه ينادي

راح ذيب عند خيل رولا و خيل رولا حب ذيب من حب رولا له
ذيب : و الله يا الأدهم رولا تركتنا كلنا عاد شنسوي ها الشايب العايب شروطه واجد
هز راسه الأدهم و ضحك ذيب عليه و راح يعطيهم الأكل لا كل الخيول من خيله لا خيل فارس مع خيول ترف و رولا
و بعد ما خلص راح و سوا له شاهي
عاد ذيب يعشق الشاهي يموت فيه ما يمر يومه بدون ما يشرب شاهي
بعد ما سوا الشاهي راح و جلس على الدكه إلي مقابلة الخيول و تكى عليها و جت على باله رولا و جت معها بيتين :
الله لو تدري عن الشوق فيني
ما نامت اعيونك و لو ربع ساعه
يا روح روحي و غايتي و نور عيني
قلبٍ يودك من قسى الوقت راعه
أشتاق لك في كل وقتٍ و حيني
مثل الطفل لـ امه في حزة رضاعه
في قربكم اهنى و تهنى سنيني
و في بعدكم يعيش عمري ضياعه
أنتي وطن عمري و قلبي و عيني
و أنتي قمر ليلي و ضيه و شعاعه
أنتي طمان القلب و راحت أيديني
قلبٍ يحبك لا يجازى بقطاعه
و لو شحت الأقدار بينك و بيني
حبك با قلبي صعب انتزاعه

ذيب : إيه با الله صعب انتزاعه
بعد ما خلص الشاهي حقه اعطى الخيول الماء و طلع من الإسطبل و ركب السيارة متوجه لا البيت
__________••___________
< عند البنات في بيت أبو خالد >
العنود : أبدًا ما توقعت يرجعون الرياض
ترف : و الله شفت فارس معزم و يبي يروح ما يبي يجلس
أسيل : صراحه يعني من حقهم لو جلسوا اكثر الله و أعلم جدي وش راح يسوي فيهم
تسنيم : عددنا صار قليل با المره
ترف : صرنا اربعه بعد ما كنا سبعه
العنود : حسافه و الله بشتاق لهم
تسنيم : ايهه صح غدير تقول اليوم نلاقيها في السوق
ترف : يا عيوني يا رولا و بتول يبون يشوفون السوق مالهم حظ فيه
أسيل : صدق الحين غدير كيف با تصدق إن رولا رجعت الرياض
تسنيم : مارح تقول شي لأنها تشوف رولا من حقها تروح
العنود : خلونا منكم أنتم مين با يروح معنا السوق
ترف: يا ربي عادنا نروح نذل نفسنا عند العيال
أسيل : الظاهر كذا
العنود : أخر مره رحنا انا و رولا الحين أنتم تروحون
ترف : إيه يا حبيبتي با نروح
أسيل : يلا قومي يا ترف
قاموا ترف و أسيل و لبسوا عباياتهم و راحوا عند العيال في الحوش
أسيل : هيه أنتم
زياد : وش هيه أنتم ترا لنا أسم
أسيل : أنت با الذات أسكت لاتتكلم صفقتك
خالد : نعم يا ترف وش بغيت
ترف : يا خلودي نبي السوق نتمشى فيه شوي إذا ممكن
خالد : و أنا ولد أبوي وشوله تناديني خلودي
مشاري: البنت تدلعك
خالد : لا لا مشكوره يا بنت لا تدلعيني
أسيل : الحين اخلصوني مين با يروح بنا
راكان : يا زياد و حمد قوموا معي أبي أشوف سوقكم
زياد : يا ويلي تبني أروح مع ها الملسونات
حمد : و الله رحنا فيها
ترف : يلا با نسبقكم و أنتم ورانا
أسيل : أيه يلا
راحوا ترف و أسيل ينادون البنات و يطلعون
زياد : الله ينشبك يا راكان وش تبي مع ذولي ذولي حتى العاقل يتجنن منهم
راكان : أمش بس
راح راكان و زياد و حمد عند البنات و طلعوا البنات لهم و توجه الكل لا السوق من العيال و البنات
بعد ما وصلوا
ترف : لا يكون با تمشون ورانا
حمد : وش رأيك يا ترف
ترف : و الله من رأي ترحون لحالكم لين نخلص و نناديكم
زياد : ليش متفشلين مننا
أسيل : أول مره تقول كلام صح يا زياد
زياد : من يومي أقول كلام صح بس إنتي اخذتي عني فكره سيئة
العنود : يا ربي جتنا نرجسية زياد أقول روحوا بسرعه
حمد : وجع طيب خلاص با نروح لا تاكلونا
و راحوا العيال لا طريق غير عن البنات
أما البنات شافوا غدير و على طول راحوا لها
غدير : الله بنات متى  جيتم
تسنيم : ها الحين بس تأخرنا ثواني
غدير : تعالوا يا بنات فيه أغراض تجنن
ترف : يلا يلا خلونا نروح نشوف
راحوا البنات مع غدير و حصلوا العيال ملاقينهم
ترف : يا ربي صبرك و رضاك أنتم با كل مكان احصلكم
زياد كان با يرد بس انخرش من.....

انا قلت معد با أنزل إلى بعد الاختبارات بس ما قدرت ما أنزل لكم بمَ إني فاضية كتبت و نزلت لكم
ما كملت يوم و اشتقت لكم ما ادري كيف با اتحمل اسبوع🤍🫶🏻🫶🏻