< عند البنات في العزيمة>
ريوف : مين قال أني ميته فيه ماني داريه عنه
ترف: إيه واضح
تسنيم: خلاص يا بنات
لينا : إيه خلاص
رولا: يا بنات عمتي تقول تعالوا نحط العشاء للرجال
ترف: إيه صح تذكرت روحي جيبي العصيرات بسيارة ذيب
رولا: كيف أجيبها ذيب أخوك أنتي مو أنا
ترف: يا ليل روحي وبس بروح أساعد امي وعمتي
رولا: أح منك طيب طيب
راحت رولا للحوش وراحت ترف والبنات للمطبخ
< عند العيال >
زياد: يا عيال جدي يقول نروح نجيب العشاء من عند الحريم
ذيب: إيه كلمتني أمي بس قلت لترف تجي للعصيرات وهي طولت بروح أجيبها من السيارة وبجي
خالد: تمام ننتظرك لا تتأخر
ذيب: إن شاء الله
راح ذيب وبعده نطق عمر: يا عيال خلونا نروح للحريم ونحضر العشاء
عزيز: إيه يلا
فارس: أنا بروح أعطي أبوي ادويته على بال ما تروحون تحضرون
فراس: زين تذكرت يلا رح قبل تنسى
حمد: يلا يلا نروح
زياد: يلا
راح الكل للحريم وراح فارس لأبوه
< عند ذيب >
راح لسيارته وجلس ينتظر ترف لين ماشاف بنت جايه
ذيب: كان تأخرتي شوي يكون أفضل
رولا: معليش بس الحين ترف قالت لي
ذيب بصدمه: بسم الله مين أنتي
ضحكت رولا : رولا رولا عطني العصيرات
ذيب: ثقيله عليك بشيلها أنا لعند الباب وأنتي نادي البنات وخذوها
رولا: لا عادي هاتها
ذيب : لا لا يلا أسبقيني ونادي البنات يساعدوك
رولا: طيب
راحت رولا داخل ونادت أسيل وبتول وجلسوا يشيلون العصيرات إلي يجيبها ذيب ويحطوها بالسفرة حق الرجال وحق الحريم
ترف: ياربي يعني هالعصيرات تلاحقني بكل مكان
العنود: مالك مخرج شيليها أحسن لك
ترف: الظاهر كذا يلا الله يعينني
تسنيم: يا بنات تعالوا ساعدوني بسفرة الحريم
لينا: يلا يلا باقي شوي ونخلص من حق الرجال
أسيل: ياربي من هاليله المتعبة أبي أنام معد قدرت
بتول: ياعمري أنتي اصبري مابقى شي
ترف: يلا يا بنات خلصنا خلونا نروح لسفرة الحريم
رتبوا سفرة الحريم وخلصوا وقوموا الحريم والرجال
أم سلطان : كثر الله خيركم الله يزيدكم
أم خالد: اللهم أمين يا حبيبتي
أم نايف: يلا يلا أجلسوا وسموا يلا
أم زياد: أنا مابي بروح الغرفة
أم خالد: شبلاك يا أم زياد
أم زياد: تعبانه شوي بروح
العنود بهمس: الله يهديك يا يمه الله يهديك
سمعتها بتول وقالت: وش تقولين يا العنود
العنود: ها لا ولا شي يلا يلا سمي وكلي
بتول: إيه يلا خلينا نخلص بسرعة لأن انهلكنا بها العزيمة
العنود: الله يعين
تعشوا وخلصوا وبعدها بدوا الحريم يطلعون والرجال يطلعون وبدا مجلس الرجال يفضى ومجلس الحريم برضه يفضى
< في مجلس الرجال>
أنسدح ذيب عا الكرسي: أهه يا ظهري بيتكسر خلاص
زياد: لا يا حبيبي باقي مارح يتكسر ماشاءالله عليك حصان
ذيب: الحصان طاح وتكسر خلاص
ضحكوا الجد فهد وعياله على ذيب
ذيب:بالله يا جدي يوم كنت زي ماتتعب
الجد فهد: لا ياوليدي كنا نشقى من الصبح لليل بس أنتم هالجيل خربان
أبو خالد: إيه والله يبه خربان شف تكسر ظهره من عصيرات بس
< عند الحريم >
ترف: اللهم لك الحمد أخيرا خلصت ها العزيمة
أسيل: والله مهلوكة خلاص أبي الكرسي وخلاص
أم نايف: يلا يلا خلونا ننظف
تسنيم: لا يا عمه روحوا وحنا بنظف
أم نايف: لا والله يا بنيتي حنا بننظف معكم
لينا: إيه والله خلونا ننظف ونروح
أم خالد : تعبتم نفسكم
رولا: تعبكم راحه يا عمتي أنا وبتول وترف بنروح ننظف مجلس الرجال
أم نايف: الله يبارك فيك يا بنيتي
أبتسمت رولا وطلعت وطلعوا بعدها البنات وراحوا لمجلس الرجال
ترف: ياربي الحين وش يستفيدون لو ماشربوا الشاهي والقهوه
رولا: هم أكيد شربوا بس هذا زايد
ترف: لا شكرًا لا يخلون شي زايد
بتول: يلا يا بنات أخلصونا
رولا: إيه يلا بسرعة بروح أجيب مكنسة وبجي
ترف: يلا وأنا بنظف وبتول تشيل أكواس الشاهي والقهوة
بتول: تمام
كل وحدة سوت إلي عليها وبعد ماخلصوا من مجلس الرجال راحوا عند الحريم
< عند العيال >
حمد: ياربي معد أشوف خلاص
زياد: أص ولا كلمة أنا أكثر منك
ذيب: أسكتوا كلكم خلونا ننام
خالد: والله صادق أسكتوا
عزيز : يلا ياعيال ورانا شغل با العزبة
عمر: صحيح ورانا كرف الله يعين يلا أنخمدوا
سمعوا صوت شخير حمد وزياد وضحكوا
فارس مادري متى بيتعدلون ذولا يصجون بنا وينامون قبلنا
نايف : من عاداتهم وتقاليدهم عاد
فراس : حتى أنا بنخمد معهم
خالد: كلنا يلا
انسدحوا وعلى طول ناموا
< عند للبنات>
رولا: أه أخيرًا خلصنا مابغينا
ترف: إيه والله يلا خلونا نفرش وننام
لينا : إيه والله صادقة معد نشوف من كثر التعب
أسيل: تمسون على خير يا بنتاتي وغرقت في نومتها
رولا : أنا بروح الحمام ( يكرم القارئ)
راحت رولا للحمام (يكرم القارئ) وشافت شي يتحرك بس ماعرفت وش بعدها بثواني طلعت حيه كبيرة و..
أنت تقرأ
حبي لديرتي فاق كل المحبين وحبي لك فاق ديرتي واهلها ♥️!
Diversosالسلام عليكم انا ابنه الديرة اسرد روايتي الاولى كاتبة مبتدئة جدًا روايتنا تتكلم عن عائلة الجد فهد وأبنائه وبناته واحفاده وحفيداته ... أتمنى أن تنال إعجابكم ✍🏻🤍😢 حسابي أنستا: 3zoh.h
