حبي لديرتي فاق كل المحبين وحبي لك فاق ديرتي واهلها ♥️!

البارت الواحد و الخمسون

~ يوم يحتفل بزواج الحفيد الأكبر "خالد بن صقر " ~
__________••___________
< في بيت أبو خالد >
أبو خالد : يا خالد يا وليدي كيف امورك
خالد : أبد يا أبوي كل شي جاهز الحمدلله
أبو خالد : ترف و تسنيم روحوا بخروا غرفة أخوكم و زينوها
ترف : أبشر يا أبوي
تسنيم : أبشر
أبو خالد : تبشرون با الخير
راحوا البنات غرفه خالد عشان تكون جاهزه
أبو خالد : يا ذيب الذبايح كامله ولا ناقصه
ذيب : أبد يا أبوي الذبايح كاملة من الصباح و الحين كل شي جاهز ما بقى إلى الخيام نقومها و نفرش الأرض و خلاص
أبو خالد : الله يقويكم على القوه يلا
ذيب : يا حمد رح ناد العيال و نروح نركب الخيم دامنا العصر  ما بقى شي على المغرب
حمد : أبشرر أبشرر
راح حمد يعلم عيال عمانه عشان يروحون لا الخيام
_________••__________
< عند البنات في غرفة خالد >
ترف : يا تسنيم ها الفحم مو راضي يخلصني من اول انه شغال على النار
تسنيم : اصبري عليه انتي توك شغلتيه وش هل العجله
ترف : ابي اروح بسرعه كذا مستعجله مدري ليه
تسنيم : ماني مصدقه ان اليوم زواج خالد الي رافض الزواج
ترف : اخيرًا من زمان ودي اصير اخت المعرس و الحين انا احلى اخت معرس
تسنيم : وش ها الثقه يا بنت تكفين لعد تثقين
ترف شمت ريحه: ويييي ياويلييي الفحمم نسيتهه
تسنيم : يا ويلي ويلاه يا ويلي روحي بسرعه
ترف : طيب طيب صبر
تسنيم : بسرعههه لايحرقناا
راحت ترف ركض تطفي النار على الفحم
ترف : اهههه كان صرنا ضحية
تسنيم : و الله ما غير الفهاوه الي فيك
ترف : اسكتي انتي بس و جيبي البخور خلينا نبخر و خلاص نروح
تسنيم : وين حطيتيه انتي
ترف : فوق الطاوله الي جنب السرير
تسنيم : يلا يلا بروح اجيبه
راحت تسنيم تجيب البخور و جت
ترف : ما بغيتي تجين
تسنيم : اقول بخري و انتي ساكته  ورانا تجهيزات و طبخ ذبايح
ترف : ياربييي ابدًا ما قدرت لا الذبايح ليه ما يعطون الرجال يطبخوها
تسنيم : يا ويلك اذا ابوي سمعك صدق يا ويلك
ترف : يلا خلينا نطلع مابقى شي على المغرب
طلعوا بعد ما بخروا غرفة اخوهم و رتبوها و قفلوها و هم طالعين شافوا البنات طالعين
ترف بصياح : هييي انتمممم تعالوووواااا
أسيل با نفس الصراخ : وشششش تبييننن
العنود : يا ترففف حنا رايحيننن
ترف : ويننن رايحيننن
بتول قربت شوي منهم
بتول : با نروح عند غدير نساعدها لانها تحتاج بنات معها
تسنيم : الله يوفقكم بس خلوا واحد من العيال يوديكم
بتول : با يروح معنا عمر
تسنيم : الله يوفقكم
ترف تصارخخخ : يا رولاااا تعالييي معناااا
رولا تصارخخخ : ابشرييييي من عيونيييي
بتول : يا الحيوانههه وش ها السحبههه
رولا : عاددد كل شي إلى تروفتي 
جت رولا عند تسنيم و ترف
و راحت معهم على بيتهم
ترف : اشوف البنات معهم اغراض با يتجهزون عند غدير
رولا : إيهه يبون يتجهزون هناك
تسنيم : احلا شي عشان ما تحس غدير با نقص
رولا : إييه عشان كذا راحوا
و دخلوا بيت أبو خالد
أم خالد : يا بنات يلا بسرعه الذبايح جت
ترف : يا يمه خلي العيال يطبخوها
أم خالد : اششش يا بنتت العيال يسون الخيام و انتي وش يعيبك عشان  ما تتطبخين
ترف : أبد ولاشي بس تعب
رولا : لو ادري إن الشغله ذبايح كان رحت
ترف همست لها : عاد نبي زوجه أخوي سنعه و تطبخ نبي نشوفك كيف شغلك
رولا با نفس الهمس: عاد لا تخليني اشوش بسبب اخوك
ترف : اعرف انه اخوي حلو و يجننن بس مو لا هاذي الدجه
أم نايف : يلا يا بنات خلصونا عشان يمدينا نتجهز
قاموا البنات و كل وحده تسوي شي الي تقطع و الي تغسل و الي تحط و في اقل من ساعه خلصوا على أذان المغرب الذبايح
و راحوا يتجهزون
_____________••_____________
       < عند البنات في بيت غدير >
أسيل : عاد قلنا اختنا غدير لازم نتجهز معها
غدير : يا حياتي انتم لا خلا ولا عدم منكم
لينا : يلا يا غدير خلينا نجهزك و بعدها حنا نتجهز
غدير : يلا عشان تلحقون تجهزون نفسكم
العنود راحت عند أم غدير
العنود : يا خاله تبين مساعدة في شي قولي و حنا مثل بناتك
أم غدير : و انتم من زمان بناتي و اذا على الاغراض كل شي خالص ما تقصرون
بدو البنات يجهزون غدير و كأنهم يجهزون أختهم ماهي حرمة ولد عمهم
بتول : اهه يا غدير يا زينككك
غدير : يا حياتي انتي
بتول : يلا الحين الميكب خلصناه بس باقي الشعر
غدير : وشوله الشعر
أسيل : با تسوي له استشوار
غدير : و شهوا هذا
العنود : هذا يا حبيبتي يستشور الشعر و يخليه حرير و اذا جاء عليه ماء يروح
غدير : يلا نشوف خبرتكم
كانت بتول مسؤولة عن غدير و تجهيزاتها و لينا تكوي فستان غدير و العنود تساعد أم غدير و أسيل تعطر و تبخر الفستان
و كانوا با مثابه أختهم و عيونهم تدمع لا أرادي فرح لها
و بعد ما خلصوا من غدير و تجهيزها كان بعد صلاة المغرب بدوا البنات يتجهزون
بتول : يا أسيل عطيني الكحل بسرعه
أسيل الكحل مع العنود تكحل خالتي
لينا : يا بنات شفتم فستاني وين
العنود جت : إيه حطيتها عند الدولاب كلها
لينا : تمام
و راحت لينا تلبس و بعدها سوت شعرها و كذالك البنات خلصوا تجهيز من نفسهم و نزلوا تحت يرتبون باقي الأغراض الخفيفه عشان يكون أدو واجبهم و يرجعون بيت عمهم
بتول : يلا يا غدير يا روحي نستأذنك با نروح
غدير : ما تقصرون يا حبايبي أردها لكم با أفراحكم
سلمت عليها العنود : يازين العرايس زيناه
و طلعوا من عندها و كان مستنيهم عمر و راحوا متوجهين لا بيت عمهم أبو خالد عشان يشوفون باقي الأغراض
_________••_________
< عند العيال في المخيم >
فارس : يا نايف مو من هنا ياولد
نايف : أجل من فين علمني
ذيب : يا عيال أخلصونا بعدين تهاوشوا
نايف : شوف يا ذيب كذا صح ولا لا
ذيب : إيه صح بس ثبتها زين عشان ما تنفك
نايف : أبشرر
حمد : يا ذيب ناصر جاء يقول با يساعدنا هو و مساعد
أحتدت ملامح ذيب با عصبية
ذيب : قل لهم ما نحتاج مساعده لا أشوف واحد غريب معنا إذا تعبتم خلوكم أنا أخلص الأشغال
~ طبعًا أصدقاء العيال - ياسر ، فيصل ، راكان ، مشاري ، - حضروا معهم ~
ياسر : يا خالد تعال معي
خالد : أروح معك على وين
ياسر : عند حلاق يضبطك
خالد : لا لا ما يحتاج
مشاري : إلى يحتاج و غصب عنك يلا
راكان : يا خالد قم الوقت جاء ما بقى شي على صلاة المغرب
خالد : شوركم و هداية الله
راحوا العيال و معهم حمد و زياد و ذيب و الباقي كانوا عند المخيم عشان ما يجيه أحد
______________••____________
< عند البنات في بيت أبو خالد >
العنود : بسم الله ما شاء الله وش ها الزين يا رولا تبيني أموتت من زينك
ترف : هي انتي لا تحتكين حقتنا رولا
بتول : اقول تراها أختي انتم الي لا تحتكون
أسيل : خليك يا رولا منهم يا أنك عسلللل و بعد لابسه أحمر تبين يغمى علينا و لا كيف
جت العنود و همست في اذن رولا
العنود : اذا حنا كذا ردت فعلنا اجل الذيب وش با يسوي
رولا : ياربييي بنات خلاص الحين العيال با يجون يشيلون الذبايح
تسنيم : اشوف الذبايح شاغلتك
رولا : احسن لك يا تسنيم تسكتين
ترف : ياربي كل وحده أجمل من الثانيه وش تاكلون أنتم عشان تطلعون حلوين كذا ما شاء الله على بنات عمي
لينا : يا روحي انتي الحلوه العسل القمرر
ترف: اوههه شوفوا مين يتغزل ماهو أنتم
رولا : تعالي بس بلا غزل
راحو البنات يحطون العصيرات و المويا في الثلاجه لأن ما باقي شي خلصوا بس باقي يجون العيال
______________••______________
      < في الحلاق عند العيال >
فيصل : مدير سوي ميه ميه هذا اليوم عريس هو
خالد : يا ولد وش ها الخرابيط إلي جبتوني لها
مشاري : أهجد بس خله يخلص لك
ياسر : راكان شغل لنا شي خلنا نرقص
شغل لهم راكان شيلات و يرقصون و خالد وقف الحلاق و قام يرقص معهم و بعدها شغل عرضه و عرضوا و كان المتأهل دائمًا ذيب في العرضه و يرقصون و يضحكون و زياد و حمد عالم ثاني و كل من جاء يشوفهم و بعضهم يجون معهم و بعضهم يروحون و بعضهم يضحكون و الحلاق شبك معهم رقص و ضحك
و بعدها خلصوا من الحلاق و راحوا يلبسون و يتجهزون
ذيب : يا حمد وين الكبك حقي
حمد : ما أدري أنا شدراني
ذيب : لحول ماهو وقته والله
خالد : أنا شفت كبك فوق الطاوله في غرفتي
ذيب : وش وداه هناك
خالد : يمكن البنات حطوه
راح ذيب يجيب الكبك حقه و لبسه و لبس ثوبه و شماغه و عقاله
و تكشخ حمد با لبس ثوبه و شماغه و عقاله و تعطروا
و بدوا يظبطون أخوهم خالد و يلبسوه البشت و باركون له
و جتهم ترف با البخور تبخر أخوانها
ترف : اوهه وش ها الكشخه و الزين يا بخت منهي با تاخذكم
ذيب : يا زينك يا ترف تقولين لا القمر وخر و اجي مكانك وش بقيتي لا بنات العرب
خالد : الله لا يحرمنا منك يا تروفتنا
ترف : اوههه العريس اليوم محد مثله
حمد حب راس أخته و بخرتهم و كلهم حبوا راسها و راحوا معها عند أمهم و تسنيم
ذيب : يا ولدد
أم خالد : هلا يا وليدي أدخل أدخل مامن غريب
ذيب : السلام عليكمم
أم نايف : و عليكم السلام وش ها الزين يا ذيب
ذيب : و الله الزين ورثناه منك يا عمتي
بعدها دخلوا حمد و خالد
زغرطت أم خالد أمل ما شافت ولدها خالد با فرحه
أم خالد : يا هلا با وليدي يا هلا
خالد حب راس أمه و عماته
أم نايف : مبروكك يا حبيبي يا خالد
خالد : الله يبارك فيك يا عمه
أم زياد :مبروك يا خالد
خالد : الله يبارك فيك
رولا ما كانت منتبهه ان العيال في الصاله و هي طالعه من الغرفه و اول ما شافتهم رجعت بسرعه
رولا : ترف يا حيوانه ليه ما علمتني
ترف ضحكت : نظره شرعيه عادي
رولا صفقتها : اوريك يا ترف
ذيب اول ما لمحها فزت شراينه
ذيب تقدم عند امه : يا يمه اخطبي ليي
أم خالد : غرت يعني من أخوك
ذيب : اييه ابي عرس عجلوا علي لا تبطون
أم خالد : خلنا نقضي من خالد و بعدين ننظر لا امرك
ذيب : المهم تعجلون
أم نايف : ما قلت لنا مين نخطب لك
ذيب سكت و أبتسم
ذيب : لو قلت لك تخطبيها لي
أم نايف : أخطبها و ليش لا يا زين حظها دامها با تاخذك
ذيب : إلا قولي يا زين حظي أنا
أم نايف : شكلها خطيرهه ها البنت
ضحكوا كلهم و راحوا العيال المخيم مع الفرقه
و الحريم راحوا بيت أبو غدير
و أبتداء العرس من هنا
راحوا البنات على طول عند غدير
ترف : غدوريييي يا زينكككك وش ها الزين كلهه تبين تموتين أخوي
غدير أستحت وهي متوتره
رولا : اوهه غدورتنا متوتره ليه
غدير : مدري خايفه
تسنيم : لا يا حبيبي لا تخافين خالد ما يسوي شي و اذا سوى بك شي علمينا و حنا نتفاهم معه
نزلت راسها بتول شوي لا عند أذن غدير و همست لها
بتول : عاد بعدين علمينا وش يصير
غدير صفقت بتول و قلب وجهها الوان و بدوا البنات يضحكون عليها و طلعوا  البنات لا الضيوف
و قاموا البنات يرقصون و يرجعون عند غدير
_________••___________
< في المخيم عند الرجال >
بدوا يرقصون و يعرضون با السيوف و الكل مبسوط و فرحان با زواج حفيد الجد فهد
و ابتدا العرس با العرضه
و كان في النص عمر و ذيب و حمد فارس و يعرضون
و يرقصون و بعدها حطوا العشاء و قاموا الرجال تعشوا و ركب خالد الموكب و زفوه العيال لا بيت أبو غدير 
__________••__________
< عند غدير في بيت أبو غدير >
أنزفت غدير وجلست شوي و جاء خالد و الموكب و طلعت و البنات يحاولون يخففون على أم غدير و طلعت أم غدير لا خالد
أم غدير : يا خالد وصيتك با ببنتي صونها و أحفظها مالي غيرها
أبو غدير : يا خالد عطيتك بنتي و انت عطني جمايلك فيها
و سلمت عليها أمها و أبوها و ودعوها و أبو غدير يكره لحضة الوداع تركهم و راح بعيد و هو يبكي
و غدير ما غير تبكي و البنات يهدون فيها
و راح الموكب و العيال با السيارات وراه يدقون بواري
لين وصلوه الفندق
و بعد ما وصل نزل من السياره و نزل غدير و يساعدها با الفستان لين ركبها فوق الغرفه و هو راح يطلب عشاء و هي بدلت بسرعه قبل يجي و فكت شعرها
و جاء خالد با العشاء
خالد : اوهه يا غدورتي وش ها الزين ما شاء الله
غدير مستحيه و بنفس الوقت متوتره
خالد : يلا سمي با لله و تعشي جعله با العافيه
غدير : كانت خايفه ترفض و يعصب و قالت با أكل شوي و أقوم
أكلت غدير شوي و قامت تغسل
خالد : ما أكلتي شي
غدير : إلا أكلت
خالد : ما بغينا نسمع الصوت الي يشرح الصدر
و قام بعدها خالد غسل و رجع الاكل و بدل و انسدحت غدير على اساس تنام قبله بس جاها خالد  و🌚...

انتهى البارت .

وين الدعم ؟ تبون نزعل يعني و نكنسل التنزيل كل يوم😔؟