حبي لديرتي فاق كل المحبين وحبي لك فاق ديرتي واهلها ♥️!

البارت السادس عشر

(اللهم صل وسلم على نبينا محمد 🍃🤎)
< عند ذيب في العزبة>
طاح ذيب وغمض عينه بألم من قوة الطيحة وبعدها فتح عينه وشاف الناقة حقت حمد مطيحته : شفيك يا النايفة شفيك شبلاك بتكسرين عظامي الحين يوم إني جيت بدون حمد بتكسرني
لا بارك الله فيك ولا في حمد حقك
قام وهو متوجع شوي وراح لسيارته متوجه لبيتهم وبعد وقت وصل ونزل بدل ونام

< صباح يوم جديد في الديرة >
ترف: يلا يا تسنيم مافيه وقت خلينا نخلص بدري
تسنيم: يلا يلا
أم خالد: يا بنياتي عجلوا خلونا نخلص بدري
تسنيم: خلاص يا يمه خلاص خلصنا بس باقي كم غرض على النار
ترف  : الحين هذا كله لحريم الديرة وعماني
أم خالد: إيه إيه أعجلوا
تسنيم : أبشري يمه
سمعو صوت ذيب: يا يمه لا هنتم ودنا بشاهي
ترف: وليه إن شاء الله
ذيب: يابنت أبي اللبتون أنا بسوي الشاهي
ترف: عبالي بعد
ضحك ذيب وشال اللبتون  والسكر وراح

< في الحوش عند العيال>
حمد: يا خالد هالله هالله با المقلقل
خالد: أبشر أبشر
ذيب: عاد المقلقل بيسويه خالد بيكون أحلا مقلقل ذقته
ضحك خالد وقال: جب الحطب يا العضيد
ذيب: أبشر بي
حمد: وأنا مزهرية الشكوى لله
الجد فهد: ولا عليك يا حبيب جدك رح للبقالة وجب خبز
ذيب: حلوه حلوه ياجدي والله أن حمد لقم
حمد: خلاص يا ناس لعد تهتمون فيني شكرًا معد أبي أتقو الله فيني
أبو خالد: رح أنت بسرعه لا أعيد كلامي
حمد : أبشر يبه أبشر بروح
راح حمد للبقالة وراح ذيب يجيب الحطب
وبعد دقايق جو وحطوا الأغراض وأنتهى خالد من الطبخ وجلسوا ياكلون
ذيب: يا جمالل طبخك يا خالد لذيذ
حمد: عاد الخبز لذيذ لاني جايبة
أبو خالد: لا يكون أنت مسويه يا ولد وشهوا لذيذ حتى الغنم تاكله
الكل طاح ضحك على حمد ووجه إلي أنقلب
حمد: يايبه شفيك هاليوم حاقد علي
أبو خالد: يا ولد أنت تجيب هرج ماله سنع
ذيب: ماعليه يا حمد
طنشهم حمد وجلس ياكل وبعدها خلصوا وراحوا لأشغالهم

<في الرياض في بيت أبو عمر>
فارس: يلا يا عيال يلا
عمر: أسبقني أنت والبنات وأنا ولينا بنجيب أبوي ونجي
فارس: تمام يلا يا بنات أخلصوا ورانا خط
رولا: يلا يلا طالعين بس ثواني
فراس: لا تنسين شي لاتخلون شي بالبيت
بتول: ماعليك كل شي أخذناه لا تشيل هم
فراس : تمام الله يكون بالعون
فارس : أمين يلا خلونا نروح السيارة
راح الكل بسيارة فارس وعمر وأبوه بسيارة عمر
عمر: أنا وأبوي بسيارتي عشان زحمة الأغراض
لينا: أجي معكم
عمر: لا لا مايحتاج
فارس: إلا خلها تجي تهتم با أبوي أنت بتنشغل بالطريق
عمر: زين زين يلا يا لينا جيبي أغراضك
لينا تمام بس أنتظرني ثواني
خلصوا وطلعو كلهم متوجهين للديرة

< في الدمام بيت أم نايف >
أبو نايف: يلا يا عيالي يلا أخلصونا
نايف : يلا يلا يا يبه طالعين
أسيل: يبه عندي كم غرض أبيه من السوق
نايف: أسيل ليه ماخلصتي من أول
أسيل: نسيتها وتراها مره بسيطه مارح أطول
أبو نايف: خلاص روحي أنتي ونايف لغرضك وحنا بنسبقكم بسيارتي وأنتم بسيارة نايف
نايف: على خير إن شاء الله
راحوا نايف وأسيل لسيارة نايف
نايف: خير يا طير وش هالغرض المهم
أسيل : ودي أشتري للبنات هدايا
نايف : ياراسي يا راسي الحين هذا كله وغرض مهم عشان هدايا عز الله كدينا خير
ضحكت أسيل: يستاهلون والله وأنت أشترى للعيال
نايف: دامنا رايحين بشتري لهم ليه لا هم بعد يستاهلون
توجهوا لمحل الهدايا وأشترى نايف للعيال وأسيل للبنات وبعد ماخلصوا توجهوا للسيارة متوجهين للديرة

< في الخبر بيت أبو زياد>
أم زياد : يا العنود وش هذا كله
العنود: وش يمه أنتي عارفه إنه محنا براجعين
أم زياد: وليه إن شاء الله مانرجع
العنود: يمه أنتي عارفه أنه جدي قال بتسكنون عندي يعني وشوله العناد
أم زياد: ماودي أسكن هناك وبقعد شهر وبرجع
العنود: يمه لا تدخلي أبوي بمشاكل مع أهله
أم زياد: مالي دخل مرح أسكن طول عمري هناك
العنود بعجز : الله يهديك وبس
أبو زياد يصارخ : يا عيالي هيا عمانكم مشوا وحنا هنا يلا
العنود: يلا يلا يبه نازلين
أم زياد بتأفف: يا ليل الحين بيبدا النكد
العنود: يمه تكفين فيكنا من المشاكل
طنشتها أم زياد وراحت تلبس عبايتها وبعد العنود لبست وطلعوا للسيارة
عزيز: أنا بروح بسيارتي مين يبي معي
زياد: أنا بسوق با أبوي
أبو زياد: أجل يا العنود روحي مع أخوك
العنود: أبشر يبه
راحت العنود لسيارة عزيز وركبوا الباقي السيارات ومشوا متوجهين للديرة

< في سيارة أبو عمر>
رولا: فارس جنب نبي حلا
فارس: الحين اول بتول والحين أنتي
بتول: رجعنا تضلموني وهذا أنت قلت أول
فراس : الصدق حتى أنا أبي حلا
فارس: زين زين بنروح الحين نشتري بس لا تزعجوني
رولا بمزح : وبعد قهوه
فراس: طالت وشمخت أقول حدك حلا
رولا: أمزح أمزح شفيك حساس
وقف فارس عند محل الحلا ونزل فراس يشتري وشاف واحد يعرفه زين و....