حبي لديرتي فاق كل المحبين وحبي لك فاق ديرتي واهلها ♥️!

البارت الثالث عشر

(في الرياض تحديدًا في شركة أبو عمر)
أبو عمر: يا زيد أنا قلت لك معد أقدر
زيد: وأنا إيش بيدي الشركة شركتك وبكيفك
أبو عمر: أجل بسكرها وبقفلها خلاص
زيد: يكون أفضل لك لا تشيل همها ولا شي
أبو عمر :إيه والله الله ييسر لنا
طلع زيد من المكتب وجلس أبو عمر على مكتبة بقلق
أبو عمر: الله يهديك يا أبوي إيش سويت هذا وأنا شركة طيب عمر طيران وش بيسوي ؟ ولا حسن كيف بيسوي بشركاته الله المستعان من هالقرار يارب تيسر كل شي بدون تعسير وتعدي هالفترة سمع صوت آذان الظهر وقام يتوضى ويصلي بعد ماخلص قام وقفل مكتبة وطلع

(في الخبر تحديدًا عند حسن)
جالس على مكتبة وساهي بتفكيرة ياربي وش هالورطة حنا فيها يارب أنك تستر الحين شسوي بشركاتي دخل عزيز: السلام عليكم أخبارك يبه
أبو زياد: بخير يبه بخير
عزيز: في إيش تفكر يا أبوي
أبو زياد: أفكر با المصيبة الي حنا فيها
عزيز: بتتيسر يا أبوي
ابو زياد: طيب الشركات وش أسوي فيها وين أوديها وين
عزيز: يبه بنقفل كل الشركات جدي قال بتشتغلون بحلالي
أبو زياد: ماهو بالسهوله نقفلها
عزيز: معنا أسبوعين يا أبوي ندبرها وتتسير بإذن الله ماعليه
وقف عزيز وقال : يلا يبه أستأذنك خلص دوامي وبروح
أبو زياد: الله معك يا وليدي
طلع عزيز وترك أبوه ساهي بفكرة

( في الدمام تحديدًا بيت أم نايف )
جالسة بالصالة تفكر كيف تقول لجوزها كيف تعلمه أنها بتستقر هناك كان أبو نايف جالس معها بالصالة بس هي شاردة بتفكيرها تشجعت ونطقت : يا أبو نايف بغيبت أكلمك بموضوع
أبو نايف أبتسم وناضرها: هلا أمريني وش بغيتي
أم نايف : أبوي أخد قرار نسكن عنده بالديرة وعطانا مهلة أسبوعين نرتب أوضاعنا
أبو نايف: طيب والشغل
أم نايف: والله مادري أبوي قال قراره ومستحيل نكسر كلمته
أبو نايف قام وجلس عندها : مافيها شي يا روحي أروح معك وبعد أسكن معك هناك
أنصدمت أم نايف من كلامه : صدق ولا تمزح علي
أبو نايف : وليه أمزح إيه صدق ماقدر أتركك
حمر وجه أم نايف وقالت بخجل: الله لا يحرمني منك
كانو نايف وأسيل يناضروهم من بعيد ومبتسمين بعدها أسيل سحبت نايف ودخلو غرفتها : نايف دوامك وش بتسوي فيه
نايف: طز بدوامي دامني بروح ديرة خوالي
أسيل حضنته: ياحبي لهم الكل ضحى عشانهم
رد الحضن نايف وضحك

( في الديرة تحديدًا في بيت الجد فهد وولده أبو خالد)
أبو خالد: يا أبوي وش هالقرار أتخذته وضيعت عيالك
الجد فهد: الي صار صار وعيالي مهم ضايعين الضيع إنهم كل واحد بمدينة عيالي أبيهم حوالي وقدام عيني
ابو خالد: بس يا يبه ماطلعو من هنا إلى وأنت راضي
الجد فهد : والحين غيرت رح ناد عيالك يجون معنا وهم مانشوفهم إلى لا جو عيال عمانهم
أبو خالد : يا يبه العيال عند الحلال بالعزبة
جو ترف وتسنيم وجلسوا مع جدهم وأبوهم
تسنيم: كيفك يا جدي عساك بخير
الجد فهد أبتسم: بخير يا بنيتي وبعد أسبوعين بصير بخير أكثر
ترف بحزن: ياجدي وين بيسكنون عماني وعمتي
الجد فهد أشر على ثلاثة بيوت جنب بعض بنفس الحوش حق الجد فهد لانه كبير وقال: هنا بيسكنون البيت الأول لا حسن وعياله
والثاني لسعود وعياله والثالث لأسماء وعيالها
أبتسمت تسنيم: زين بنصير كل يوم أحنا والبنات سوا
الجد فهد: وأنا وعيالي سوا
ابتسم أبو خالد : الله يقر عيونك يا أبوي