حبي لديرتي فاق كل المحبين وحبي لك فاق ديرتي واهلها ♥️!

البارت الثاني والعشرين

< عند العيال >
عمر: يا عيال جدي يقول يبينا بسرعة يلا عجلوا
خالد: يلا يلا مابقى شي ونوصل
عزيز : يارب إنك تستر لا يكون معنا مصيبة جديدة
فراس: إيه والله صدق جدي الله يهدية ما يجمعنا إلا لمصيبة
ذيب : يا عيال تفائلو خير ويلا وصلنا انزلوا
فارس: يلا يلا نازلين
نزلوا العيال لبيتهم ودخلوا وحصلوا البنات متغطيات وجدهم وعمانهم وجلسوا معهم
نايف : عساه خير يا جدي
الجد فهد : خير خير يا عيالي أجلسوا أجلسوا
جلسوا العيال ونطق زياد: وش بغيت ياجدي
الجد فهد: اصبروا البنات يجون
حمد: ليه وين راحوا ذولي بعد
أسيل: راحوا عند العنود يجيبوها ويجون

< في بيت العنود>
أم زياد:لا تحسبين يا رولا بتمرين بالساهل عندي
رولا: ليه وش سويت لك ياعمه
أم زياد : ما سويت لي شي بس كذا عناد لك
سمعوا صوت ترف : يا رولا يلا بسرعه تأخرنا
رولا: يلا يلا جاية
طلعت رولا والبنات ومشوا طالعين لعند جدهم
بتول: بنات مو كأنهم العيال جو
ترف: إلا إلا يلا بسرعه الحين بيعطونا  محاضرة
العنود: عاد من عاداتهم المحاضرات ما يصدقون علينا
رولا: يلا يا بنات خلونا نسرع شوي لأننا تأخرنا مره
مشوا البنات لجدهم وعمانهم والبنات والعيال
زياد: بدري انتي وياها وش ها التأخير كله
ترف: لو سمحت ماني ناقصة كلام زايد وخلاص جينا وش تبي بعد
الجد فهد : خلاص أنت وياها خلاص
خالد: تفضل يا جدي وش بغيت
الجد فهد: أول شي سمعت ان رولا وفارس اشتروا خيول مع ذيب وترف
ذيب: إيه نعم يا جدي هم اشتروا وحطوها معنا
الجد فهد: اعرف أن الموضوع مو سهل عليكم بس الخيول با تنباع
كأن أحد كب مويه بارده على ذيب وفارس وترف ورولا
فارس: سلامات يا جدي وش جاك منها
ترف: يا جدي تكفى ماعندي غيرها يا جدي
رولا: بس ما علمتنا يا جدي ليه با تبيعها
الجد فهد : بس ما كملت كلامي أنا
ذيب: تفضل يا جدي كمل كلامك
الجد فهد : مثل ما قلت الخيول با تنباع وكلامي مارح ينعاد واتركوا الخيول وروحوا للحلال الخيول ما تفيدنا  بشيء ومن بكرة مارح أشوف خيل بالعزبة
ذيب: بس ياجدي
الجد فهد : لا بس ولا شي كلامي واضح ومارح ينعاد
كان الجد يتكلم ويتشرط ورولا في عالم ثاني تفكر با كلام أم زياد وايش سوت فيها وليش هي بالظبط ورولا حساسه بها المواضيع وصارت تقول بينها وبين نفسها لو أمي هنا كان قالت كذا
ذيب كان ملاحظ  شرود رولا وماحب يكلمها قدامهم بس رد على جده : أبشر يا جدي كلامك واضح وأن شاء الله نبيعها
كان الكل منصدم من قرارات الجد فهد الصارمة
عمر : والشي الثاني يا جدي وش
الجد فهد : الشي الثاني مو الحين وقته باقي له زمن طويل لين ما يجي وقته
فراس: أبشر يا جدي كل شي تبيه بيصير
الجد فهد : والحين مع السلامة قوموا تجهزوا لصلاة العشاء
عزيز: أبشر يا جدي
قام الكل وكل واحد منصدم وخايف من المصيبة الجاية مايدرون ليه جدهم يتصرف كذا

< عند البنات >
ترف: يا بنات ماقدر عن خيلي يا بنات وش فيه جدي صاير كذا
العنود: يا عمري يا رولا توها ما تهنت بخيلها جا جدي يقول يبيعوه رحمتها والله ياروحي هي
تسنيم: خلاص يا بنات عيب نرد جدي يمكن هو عارف ليش تبيعوها
لينا: بس يا بنات تتوقعون وش الشي الثاني شاغل بالي
أسيل: الله يستر من هالشي كلنا شاغل بالنا الله يعين يا جدي وبس مانقدر نعارضك
نفس الشي رولا تمشي وهي سرحانه بعالم ثاني
أنتبهت لها ترف وراحت لها : رولا عيوني وش فيك وش شاغل بالك
رولا : هلا ولا شي مافيه شي
ترف: وش مافيه شي وانتي سرحانه يعني عيني عينك بتكذبني
رولا: لا بس سرحت كذا ماعليه متى بنروح نبيع الخيول
ترف: الحين خلينا من الخيول وقولي لي وش فيك وجهك مخطوف وواضح فيه شي مضايقك
ناضرت رولا با العنود ولفت لا ترف : بعدين أقول لك طيب
ترف: طيب بس مارح أنسى كل شوي بذكرك يعني
رولا: طيب
العنود: بنات عادي ترجعوني بيتنا
بتول: ليه يا العنود وش فيك
العنود: بصلي عشاء وبنام معد أشوف
بتول: تمام يلا بنجي معك أنا ورولا
رولا ماحبت ترد بتول ولا تحسس العنود بشي وراحت معهم
راحوا وفتحت أم زياد وشافت رولا وقالت: ياربي أنتي ما تفكني منك بكل مكان تطلعين لي حتى ببيتي
بتول: معليش يا عمه بس رولا وش سوت فيك
أم زياد: كيفي وأنتي مالك شغل الحين
دمعت عيون رولا ومشت بسرعه وكانت عيونها مليانه دموع وصدمت بذيب
ذيب حس بحد على صدره وشاف بنت متغطية بس مو واضحه غير عيونها رفعت راسها رولا وعرفها وكانت عيونها مليانه دموع
ذيب: بسم الله رولا وش فيك مين راح لك
نزلت دموع رولا وزادت شهقاتها ومشت وخلت ذيب وراحت
ذيب: ياربي وش فيها أكيد احد سوا بها شي من اول وهي ماهي طبيعيه كمل مشي وراح لبيتهم وشاف أخوانه
خالد: ياولد وينك بننام وأنت تدرو
ذيب: رحت أقفل البوابه ليش غلط إلا وين العيال
حمد: من جينا من صلاة العشاء قالوا بيروحون ينامون ببيوتهم
ذيب: إيه زين زين يلا خلونا ننام
حمد : يلا يلا معد أشوف والله

< عند البنات>
ترف: ياربي وش فيهم تأخروا بتول ورولا مو من عادتهم
أسيل: يا بنت توهم طلعوا وين تأخروا
لينا: يا بنات أنا بروح بيتنا بنام والله
أسيل : حتى أنا والله ماما ونايف أكيد روحوا مابقي إلا أنا بروح انام
ترف : أجلسوا شوي نسولف كملنا ماقد جلسنا سوا
لينا : والله الود ودي بس مايمدي يلا الجايات أكثر ماعليه يوم ثاني
تسنيم : تمام براحتكم بحفظ الله أنتبهوا لنفسكم كلنا بننام والله ورانا فطور
لينا وأسيل: يلا فمان الله نلاقكم بكرة
ترف : فمان الله تمسون على خير
لينا: وأنتي بخير
طلعوا لينا وأسيل وشافوا رولا متوجها لبيتهم
لينا: شفيها رولا مو من عادتها تروح بدون تشوف ترف
أسيل :يمكن تعبانه و بتنام
لينا: بس بتول وينها لا يكون صار لها شي
أسيل : يا بنتي ماصار لها ولاشي هاذي هي وراها لا تخافين
لينا: زين يلا مع السلامة بروح البيت وانتي روحي بيتكم
أسيل : مع السلامة
كل وحدة راحت بيتها

< عند رولا>
كانت تبكي با شهقات متكرره وتقول : ياربي وش هالظلم والله ماسويت لها شي وهي بحسبت أمي ليه تكرهني ليه
دخلت بيتهم وشافت أخوانها وأبوها بالصاله ما تكلمت ودخلت على طول الغرفة انصدموا منها لانها ماتسويها رولا وبعدها بثواني دخلت بتول وقال فارس: يا بتول وش فيها رولا
بتول : ولاشي بس طاحت على الارض
أبو عمر : لا يكون جاها شي بس
بتول : لا يا يبه بس تعرف رولا حساسه عشان كذا بكت
فراس : إيه زين بس وين لينا
بتول : جايه الحين شفتها
دخلت لينا وشافت الكل مجتمع ورولا ماهي معهم
لينا: وين رولا شفتها دخلت أنا
فارس : إيه دخلت بس بالغرفة حقتكم
لينا: ليه غريبة وش فيها
عمر: بتول تقول طاحت على الأرض وتعرفين رولا حساسة عشان كذا
لينا: زين زين أجل أنا بروح أنام لاني تعبانة والله
بتول: والله حتى أنا مره تعبانة اليوم
فارس: والله كلنا تعبانين بنقوم ننام ورانا سوق الصبح الله يعين وبس
فراس : يبه خلك لين أجيب ادويتك واجي
أبو عمر : طيب يا وليدي لا تتأخر بننام
فراس : أبشر يا ابوي الكين أجيبها بسرعة واجي ما عليك
راح فراس يجيب الأدوية وانصدم لما شاف ..