حبي لديرتي فاق كل المحبين وحبي لك فاق ديرتي واهلها ♥️!

البارت الخامس و الثلاثون

< عند الجد فهد >
الجد فهد : يا عمر فين أخوك و فيصل
عمر : ما أدري يا جدي أنا صحيت الصبح ما حصلته
خالد : ما عليه الحين يجون
أبو خالد : يا حمد فين ذيب ما أشوفه
حمد : عيا يجي حاولت فيه بس أبا ما يجي
الجد فهد : قم له و ناده بسرعه
ياسر قام : يا جدي أنا بروح أناديه
الجد فهد : يلا يا وليدي لا تبطي علينا
ياسر : أبشر يا جدي
راح ياسر عند ذيب عشان يجي يفطر
ياسر : يا ذيب يا ذيب
ذيب ما كان معه أبدًا كان غارق في هواجيسه
ياسر : يا ذيب وش فيك ما ترد
ذيب أنتبه له : هلا يا ياسر هلا وش بغيت
ياسر : بغيت تجي تفطر و جدي معه موضوع يقول مهم يلا قوم
ذيب : ماني مشتهيه رح أفطر معهم
ياسر : و أنا ماني فاطر لين تقوم معي هذا و أنت اغلا اخوياي
ذيب : يا ياسر ما ودي رح أنت
ياسر : جدي با يعصب يلا قوم أحسن
ذيب ما كان له حيل يناقش أكثر و قام مع ياسر لا الفطور
___________••___________
< عند الحريم >
أم نايف : يا بنات يلا حضروا الفطور لا الرجال بسرعه
تسنيم : يلا يلا
ترف : يا بنات غدير قالت بعد المغرب نروح عندها
أم زياد : و مين ذي بعد لا تكون نفس طينتكم
ترف : لو تدرين يا عمه إنها عسل و تجنن ما قلتي كذا لاكن الحقد أكل قلبك الله يهديك
رولا رغم تعبها من التفكير و قلة النوم بس ما تبي تبين لهم إنها ما تسوي ولا شي
رولا : يا بنات اللبن عند الرجال مين تجي معي و نجيبه
تسنيم : أنا بجي معك نجيب اللبن
رولا : يلا تعالي
راحوا رولا و تسنيم يجيبون اللبن من عند الرجال
تسنيم شافت ذيب و معه ولد غريب لفت على رولا
تسنيم : يا رولا تغطي تغطي با جلالك
رولا : ليه منهوا فيه
تسنيم : ذيب و صديقه
ناظرت رولا ذيب و جت عينها في عينه و كل واحد تحكي عينه المعاناة إلي هو فيها
تقدم ذيب لا تسنيم و معه ياسر
ذيب و قلبه و روحه مع رولا
ذيب : وش بغيتي يا تسنيم
تسنيم : يا ذيب جينا لا اللبن إذا جبتوه
ذيب ناظر ياسر : أحد راح يشتري و لا أروح
ياسر : لا جدي قال يبي من العزبة اللبن رحنا و جبناه من العزبة
ذيب : تمام يلا روحوا و أنا با أجيبه
تسنيم : تمام
رولا : يا ذيب ودي تروح بي الإسطبل إذا فاضي
ذيب في نفسه : و أنا أقدر أردك
بعدها لف لها با ثبات : العصر إن شاء الله
رولا : إن شاء الله
و كل واحد راح ذيب و ياسر عند الرجال .. و رولا و تسنيم عند الحريم
راح ذيب يجيب اللبن من عند جده و راح به عند الحريم
ذيب من ورا الباب : يا يمه يا يمه
أم خالد : هلا يا وليدي هلا
ذيب : يا يمه هذا اللبن شيلوه
شالته أم خالد و دخلت و ذيب راح يفطر عند الرجال
__________••__________
< عند الرجال >
جو فيصل و فارس يفطرون
فيصل : السلام عليكم ورحمة الله وبركاته
الكل : و عليكم السلام ورحمة الله وبركاته
الجد فهد: فينك أنت وياه
فارس : أبد يا جدي رحت أتمشى شوي أغير جو
أو زياد : طيب يلا يلا تعالو أفطروا
جلسوا فيصل و فارس يفطرون و بعد ما فطروا جلسوا
في الحوش كلهم و جلسوا يسولفون
الجد فهد ناظر ذيب و قال : يا ذيب خيولك باقي في العزبة
ذيب : لا يا جدي أبشرك سويت لا إسطبل ما عاد با تشوفها
الجد فهد : أشوى
أبو خالد : يلا خلونا نريح شوي لين صلاة الجمعة
نايف : أبشر يا خالي
بعد ما خلصوا سوالف كل واحد راح بيته يريح لين صلاة الجمعة
_______________••______________

~ قبل صلاة الجمعة با ربع ساعة ~

< في بيت أبو خالد عند العيال >
صحي ذيب و راح يتروش و يصحي أخوانه
ذيب : يا حمد قم ما بقى شي على صلاة الجمعة قم بسرعة
و لف على خالد : و أنت يا خالد بسرعه قم لا نتأخر
ذيب : أنا بروح عند أمي و أنتم خلوا أبوي يجي و أنتم بس نايمين ما تشبعون
حمد : أنت روح و خله يسوي إلي يسويه تفهم خلنا نشبع نوم ما أمدانا ننام
ذيب : براحتك يا حبيبي أنا رايح و أنت با كيفك

راح ذيب عند أمه عشان يتبخر لا الصلاة و من عادة ذيب كل جمعة يبخر المسجد
ذيب : يا يمه يا حبيبتي وين البخور
أم خالد جايه با البخور : جبته جبته يا حبيبي جبته
حب راسها ذيب و حب يدينها و شال البخور يتبخر منه ذيب : جعل ها اليدين ما تمسها النار
ابتسمت أم خالد و جابت تسنيم البخور
تسنيم : و هذا يا ذيب بخور المسجد
ذيب حب رأس أخته تسنيم و شال البخور عنها
بعدها جت ترف
ترف : حركات حب راس بدوني و الله لا تحبني
ضحك ذيب با هدوء و حب راسها
ذيب : و لا تزعل تروفتنا الحلوه
ترف : كنت عارفه إنكم ما تعيشون بدوني و الحين تأكدت
ذيب : أقول روحي روحي أحسن لك من الهرج الفاضي
ترف : أبشر بس تذكر أنا قلت الصدق
و بعد وقف أبي أروح معك عند رولا
ذيب : لا ماني موقف ما بقي شي على الصلاة
ترف بصراخ : يا ويلك الحين أجي
لبست ترف عبايتها بسرعه و طلعت له
ترف : شوف ما تأخرت بس أنت تبي تهاوش
ذيب : أقول بسرعه بس أمشي يلا
وصل ذيب ترف بيت عمه أبو عمر عند رولا
ترف : يا ذيب بعد ما تخلص صلاة تعال لي
ذيب : يصير خير
و بعدها راح متوجه لا المسجد
و بعد دقايق وصل المسجد و بخره و جلس يقرأ قرأن لين جاء المؤذن و بدأ الناس يجون
و جا جده فهد
الجد فهد : ماشاءالله يا وليدي ماشاءالله عقبال ما أشوفك إمام صلاة
ذيب : إن شاء الله
ياسر : ماشاءالله عليك من يوم ما عرفتك و أنت كل جمعه كذا
ذيب : لي أجر و عاد بيت الله مثل بيتي لو بيدي نمت هنا
ابتسموا العيال و قامت الصلاة و أبتدأ الكل يصلي
و بعد ما خلصوا صلاة الكل طلع
أبو ناصر شاف الجد فهد و ولده قد كلمه با موضوع رولا
أبو ناصر : يا عمي فهد
الجد فهد التفت له : هلا أبو ناصر حياك الله
أبو ناصر : بغيتك في موضوع
الجد فهد : عساه خير
أبو ناصر : خير خير بعد العصر إن شاء الله أجي و أكلمك
الجد فهد : على خير
راح الجد فهد بيته و راح أبو ناصر بيته
و لاكن فيه أحد كان يسمعهم و ما كان ناقصه أبو ناصر و بقي كلمه رولا يا تحطم قلبه يا تسعده بس

___________••____________
< عند رولا و ترف >
ترف : يا رولا ما صدقنا و أنتي تخرجين معنا رجعتي لا عادتك
رولا : وش با يدي يا ترف ما عندي إلا ها النافذة ليل نهار عليها أحسها تسلي علي
ترف : لا لا أنتي أكيد فيك شي وشوله نافذه تسلي عليك لا يكون تنقلب مهرج و لا مسرحيه
ضحكت رولا عليها و سمعتها بتول و طاحت تضحك على ترف
بتول : يا ترف من وين تجيبين ها الكلام
ترف : و الله عاد ذي أختك إلي تقول النافذه تونسني
و بعد خمس دقايق وصل ذيب و جاء لا ترف و راحت تجهز مع أمها و عماتها الغداء بما إن الغداء كل جمعة الكل يجتمع على الغداء في بيت الجد فهد ..

ها تبون البارت الجاي حزين و لا لا ؟🫣
تقريبًا با يكون حزين يعني جهزوا المناديل