حبي لديرتي فاق كل المحبين وحبي لك فاق ديرتي واهلها ♥️!

البارت السابع والعشرون

< عند فارس>
كان جالس عند قبر أبوه وعيونه ما توقف دموع و كان يقول:
يا ابوي فقدك تو بانت مواريه
و العين لو تذرف عليك معذورة
يا ابوي فقدك صعب ماني بناسيه
اشوف فيك في لذة النوم صورة
قلبي تقطع عقب موتك عراويه
وكني لحالي في ديار مهجوره
لو قلت ابخفي حزني ازريت لا خفيه
يبين في وجهي من الحزن ثوره
لكن ابطلب خالق الخلق وارجيه
عساك با الفردوس تقطف زهوره
مرحوم يلي كل ما حل طاريه
الطيب ثابت و الفعول مخبوره
كان فارس منهار جدًا بموت أبوه لانه متعلق فيه كثيرر ومن بعد وفاة أمه صار متعقد من الموت والحين جرب الفقد مرتين

_______••_______

< عند ذيب و رولا>
كانوا مصدومين من الي يشوفوه كانوا يشوفون جدهم و معه رجال
ذيب: وش يا جدي وش معك هنا حنا والعيال قد سوينا أعمال العزبة
الجد فهد : أبد يا ذيب جبت الرجال يبيع الخيول
شهقت رولا ورد ذيب : بس يا جدي ماهو وقته الحين
الجد فهد : الكلام و قلته والحين الخيول بتروح و مافيه نقاش
ذيب : و الحين يا جدي إن بعتها والله العظيم تحرم علي دارتك
الجد فهد : تحلف علي يا الي ما تستحي
ذيب : يا جدي وش سوت لك ها الخيول اكلها و شربها علي وش تسوي انت
الجد فهد : منظرها ماهو عاجبني في عزبتي وما ابيها
ذيب : كان قلت كذا يا جدي أبشر الحين اشيلها و اروح بها اي مكان و لاكن انك تبيعها بعد ما تعلقنا فيها
رولا كانت بتروح تبوس رجل جدها تترجاه بس مسكها ذيب بسرعه : انتي ما تسلمين على اي رجل مفهوم و خيلك ب يبقى عندك و لاهو رايح والحين روحي عنده و خذي حاجتك منه و انت يا جدي رح لا بيتك يكون احسن
الجد فهد : لا عاد اشوفها هنا تفهم ولا لا
ذيب : أفهم يا جدي أفهم و يلا بلا ما تتعب اوصلك
الجد فهد : لا مشكور با يوديني العامل خلك هنا و تصرف مع خيولك ذي
ذيب : على خير إن شاء الله
راح الجد فهد و بقو رولا و ذيب
ذيب : ليه يا رولا ليه
رولا : وش ليه يا ذيب وش ليه
ذيب : ليه يا رولا با تسلمين في رجله
رولا : ما كنت أبيه يبيعها لانه ما بقى لي إلا الأدهم
ذيب : انا عطيتك كلمة و قلت ما راح يبيعه و مين يكون عشان يبيع شي با فلوسي
رولا : ذيب الحين وين بتحط الخيول
ذيب : ولا تشيلين هم شي انا من يوم قال با ابيعها و أنا اسوي اسطبل و الحين الاسطبل جاهز وبس باقي عليك تصيرين فارسة
رولا : يا ذيب انا حبيت الادهم بس ما عرف له مره
ذيب : و انا ليه حي دامني ما اعلمك اعلمك ليه لا
رولا : جميلك كثير يا ذيبب كثيرر ما دري متى ارده لك
ذيب : ولا تردين لي شوكه خليك رافعة راسك لا تضعفين لا أحد و أن احتجتي شي انا هنا و موجود تعالي و قولي ذيب و اذا رديتيك اقص شنبي
ضحكت رولا وراحت لا الأدهم : اهه يا الأدهم كان با يبيعوك و مارح يبقى لي أحد تدري يا الأدهم لو رحت أنت وش بسوي أنا تدري ولا لا كنت بموت معاد لي احد وحضنت خيليها و قالت بهمس: يا الأدهم شكلي طحت على وجهي عند ذيب و محد يدري غيرك يا الأدهم
ما كانت تدري ان ذيب يسمعها
________••________