حبي لديرتي فاق كل المحبين وحبي لك فاق ديرتي واهلها ♥️!

البارت الواحد والعشرين

< عند البنات >
لينا: يا رولا وبتول يلا نروح بيتنا نشوفه ونرتب اغراضنا
بتول:يلا يلا بروح أجيب اغراضي وبجي
رولا: وانا بعد
تسنيم: انتضروا يا بنات بنروح معكم
لينا: لا لا مايحتاج انتم تعبانين من غير خلوكم هنا
ترف: يا لينا تعبكم راحه بنجي يعني بنجي بنبدا  ببيتكم وبعدها بيت عمي أبو زياد وبعدها بيت عمتي أم نايف
العنود : وشوله تجون عادي أنا وأمي با نرتبه معاليكم
ترف: ياليل الحين بقعد أحلف على كل وحده يعني لا يعني لا كلنا با نتساعد
بتول: وش نقول على رأيك يلا يلا
أم خالد: إلا يا العنود على طاري أمك وينها
العنود بضيق بان على وجهها : مادري يا عمه بس الظاهر بالبيت
أم نايف : يلا يا بناتي الله يوفقكم روحوا قبل يجون العيال تعبانين
رولا: يلا يلا
شالوا البنات أغراضهم وراحوا
العنود: يا بنات مين تجي معي بيتنا بشوف أمي فيه
بتول : أنا بجي معك
العنود: يلا تعالي
راحوا العنود وبتول لبيت العنود دخلوا البيت ودخلت العنود تفتح الغرف

< عند أم زياد >
أم زياد: يا بنت مادري وش ها الناس ما ينبلعون وخصوصًا هاذي إلي أسمها رولا
أم متعب : ماشاءالله عليها حلوه ها الرولا بس على قولتك ما تنبلع
أم زياد : اليوم شفتها بتروح الحمام ( يكرم القارئ) رحت وحطيت لها حيه عند الباب وهذا يعتبر القليل باقي ما شافت شي
أم متعب: وش سوت لك وش ها الكره كله
أم زياد: كذا ما أحبها هي ماسوت لي شي بس مابيها ما أحبها
أم متعب : والله يا أنك ينخاف منك
أم زياد: باقي ماشفتي شي
قطع كلامها صوت فتح الباب العنود: يا يمه وينك من أول أدورك ما لقيتك
أم زياد: ووين بروح من عماتك ذولي
العنود: يا يمه انا بروح أساعدهم بييت عمي أبو عمر
أم زياد: وليه خدامه عندهم أنتي أقول انثبري هنا أحسن لك
العنود : يا يمه انا بساعدهم وهم بيساعدوني
أم زياد: لا شكرًا لا يجوني ولا يدخلون بيتي ويلا الي جت معك خليها تروح ماحنا بحاجتها
بتول كانت تسمع كل شي وحزت بخاطرها و شالت نفسها وطلعت
العنود: ليه يا يمه ليه وش سو لك وش هالكره كله
أم زياد: كيفي ما بيهم يدخلون بيتي غصب الشغلة يعني
العنود: أه منك يا يمه أه
راحت العنود ترتب غرفتها و أنسحدت نامت على طول

< في بيت أبو عمر عند البنات >
رولا: غريبة يا بنات العنود وبتول تأخروا شفيهم
أسيل : الحين تلقيهم يدورون وش يسون هذولي الثنتين
لينا: صدق يا بنات تأخروا مرهه
ترف: ماعليه الحين بيجون
دخلت بتول بدون العنود ونطقت تسنيم: بتول وين العنود
بتول: أمها أبت عليها ماتجي وقالت مانتي خدامه عندهم ولا يجوني بيتي ما أبيهم
ترف: ياربي من ها الأم صراحة عمي منكوب فيها مادري كيف صابر عليها
رولا: و تحسبيها تعامل عمك زي ما تعاملك
لينا: والله ما قصدنا أنها خدامة هي أصرت تجي معنا
أسيل: لينا لا تاخذي بكلامها العنود أكيد تبكي الحين لأنها تبي معنا
ترف: ياربي من ها الادميه بتموتني مو أم والله ما تحس ببنتها
بتول : يلا ماعليه خلونا نخلص باقي بيت أسيل
تسنيم: يلا يلا
خلصوا بيت أبو عمر وراحوا لبيت عمتهم أم نايف
وبعد ما خلصوا من كل البيوت راحوا لبيت جدهم

< عند العيال >
كانوا العيال ميتين ضحك على زياد
حمد: أيي يا بطنييي بموتتت
نايف : وربي رحت فيها
زياد : طيب يا حيوانين ما قلتم ولد عمنا خلونا ننقذه مافيكم طب ولله
ذيب: لو أدري إنك بتضحكني والناقه تطردك خليها كل يوم تطاردك
زياد: يا خالد: متى بنرجع تراكم زوتوها ترا
خالد بضحك : يلا يلا يا عيال أركبوا السيارات
ركبوا العيال ناس مع خالد وناس مع ذيب وبعد ما خلصوا
حركوا متجهين للبيت

< عند الجد فهد وعياله>
الجد فهد : يا عيالي اثاث بيتوكم بنروح لسوق ونشتريه بس جيبوا أهلكم معكم يختارون إلي يبون وكله على حسابي ولا حد بيدفع ريال
أبو عمر: ما يصير يا يبه وشوله الكلافة حنا بنشتري
الجد فهد: كلامي ما بعيده العصر بيكون كلنا بالسيارات
أبو زياد: على خير إن شاء الله
الكد فهد: يا صقر رح ناد لي بناتك وأنت يا سعود دق على العيال يجون بسرعه أبيهم
أبو خالد: أبشر يبه
راح أبو خالد ينادي البنات في بيته : يا ترف يا ترف
ترف: هلا هلا يبه وش بغيت أمرني
أبو خالد: ما يأمر عليه عدو بس يا بنيتي كلمي بنات عمانك و عمتك و تعالوا للحوش الخارجي
ترف: أبشر يبه كم دقيقة ونكون عندكم
أبو خالد: بارك الله فيك يا بنيتي
ابتسمت ترف ودخلت تكلم البنات : يا بنات جدي ي بينا يلا نروح نشوف وش يبي
أسيل: يارب أجعله خير يارب هذيك المره جاب لنا السكن عنده والحين وش معه
تسنيم : يلا يا بنات لا نتأخر على جدي
بتول: يا بنات أنا ماني رايحة بدون العنود وحدة تجي معي نروح لها
رولا: صح يا بنات مايصلح نروح ونخليها هي بعد منا وفينا لازم تكوم موجودة
ترف : خلاص لينا وأسيل وتسنيم يروحون وأنا ورولا وبتول نروح لا العنود
تسنيم: تمام يلا أمشوا يلا
راحوا أسيل ولينا وتسنيم لا الجد فهد
الجد فهد شافت البنات جاين : يا هلا يا هلا با الغاليات
تسنيم : هلا فيك يا جدي
الجد فهد با استغراب : إلا وين باقي البنات
أسيل: راحوا لا العنود ببيتها
أبو زياد: ليه ماهي معكم
لينا: قالت بتروح تشوف أمها وترتاح شوي والبنات راحوا يجبوها
الجد فهد : خير يا بناتي خير
لف الجد فهد لا ولده سعود : يا سعود دق على عمر وشوف وينهم تأخروا
سعود ( أبو عمر): أبشر يا يبه الحين أدق عليه  وأشوف وينه
دق أبو عمر على عمر : يا عمر وينكم تأخرتم
عمر: على وصول يا يبه لا تحاف مسافة طريق ونكون عندك
أبو عمر : عجل يا ولدي جدك يبيكم كلكم بسرعة
عمر: على خير يا يبه يلا يلا
قفل أبو عمر المكالمة وقال: يا يبه يقولون على وصول يعني قريبين

< عند العنود >
كانت تبكي بصمت من أمها إلي بتخلي علاقتها تسوء مع بنات عمها
أم زياد: مالك فايده با هالصياح يعني اسكتي أحسن لك من الونين هذا
العنود: يا يمه إذا معك كرهه لهم أنا شدخلني أنا مع بنات عمي وعمتي بس
أم زياد وأنا مو كاسر راسي إلا بنات عمك و عمتك ذولي
سمعوا صوت الباب يدق وقالت أم زياد: شوفيهم شرفوا بنات عمك و عمتك قومي افتحي الباب مسحت العنود وجهها وراحت تفتح الباب
بتول: عنودتي يلا البسي عبايتك وبسرعه تعالي معنا
العنود: وين أجي معكم
ترف: جدي يبينا كلنا تعالي بسرعه
رولا: العنود تكفين أبي مويا تعبت من المشي
العنود: داخل يا رولا وأنتم يا بنات ادخلوا لين البس واجي
بتول: تمام نتظرك بالصالة
العنود: تمام
راحت رولا للمطبخ تشرب مويا وحصلت أم زياد: كيفك يا عمه عساك بخير
أم زياد: والي شوف وجهك يشوف الخير يعني
رولا: معليش يا عمه وش سويت لك ماقلت لك شي غير سلمت عليك
قربت منها أم زياد و...
أنتهى البارت

معليش يا حبايبي بس الدعم مره طايح يعني حاولوا تدعمون عشان أتحمس وانزل بارتات بشكل أسرع صراحة التفاعل ماش