Chapter 65
လော့ဝမ်ချွမ်းအိပ်ဆောင်သို့ ပြန်ရောက်ချိန်တွင် ဖိုရမ်ရှိပို့စ်များကို စီစစ်နေသောခဲ့လိုင်အား တွေ့လိုက်ရသည်။ သူ့မျက်နှာပေါ်တွင် အပြုံးတစ်ခုရှိနေသည်။
“မင်းဘာတွေကြည့်နေတာလဲ..” လော့ဝမ်ချွမ်းက စခရင်ပေါ်ရှိဗီဒီယိုအား ရင်းနှီးသည်ဟုခံစားရသဖြင့် မေးလိုက်သည်။
“အား.....ဘာမှမဟုတ်ဖူး..” ခဲ့လိုင်က ပို့စ်ကိုလျှင်မြန်စွာဖျက်လိုက်သည်။
“ဒီတိုင်းလျှောက်တင်ထားတာတွေပါ...ငါကြည့်လုပ်လိုက်မယ်...”
“မင်းအဲ့တာကို ဖျက်ချဖို့ အကြာကြီးပြုံးပြီးကြည့်နေတာလား..”
ခဲ့လိုင်က ချောင်းဟန့်လိုက်ပြီး စကားလွှဲလိုက်သည်။
“စကားမစပ်...ယွမ်ရှင်းကျဲက မင်းကိုဘာလို့လာရှာတာလဲ..”
“မနေ့ညက ငါ့အင်္ကျီ သူ့ဆီမှာကျန်ခဲ့လို့...” လော့ဝမ်ချွမ်း အင်္ကျီကိုချိတ်တွင်ချိတ်ရင်း ပုံမှန်အတိုင်းပြောလိုက်သည်။
ခဲ့လိုင်စိတ်ကူးထဲတွင်မူ ခွေးသွေးဇာတ်လမ်းအမြောက်အများ၏ ဇာတ်ကွက်များပေါ်လာခဲ့သည်။ ပို့စ်အောက်က ကွန်မန့်များကဲ့သို့ သူလည်း သူတို့ဆက်ဆံရေးကို အတိအကျသိချင်နေသည်။
လော့ဝမ်ချွမ်း ဂျက်ကတ်ကိုလက်ချောင်းများနှင့် ထိတွေ့လိုက်ရင်း မနေ့ညက သူနိုးနိုးချင်း တွေ့လိုက်ရသည့်ဆယ်ကျော်သက်လေးကို မြင်ယောင်လာခဲ့သည်။ သူတို့နှာခေါင်းထိပ်များပင် ထိလုနီးနီး နီးကပ်စွာရှိခဲ့ကြသည်။
ယနေ့တွင် ယွမ်ရှင်းကျဲက ချီယုအားပြောသည့်စကားကို သူရှင်းလင်းစွာကြားခဲ့ရသည်။
“ငါမင်းကိုမကြိုက်ဖူး...ငါတို့ဖယ်ရိုမုန်းချည်နှောင်မှုက ပယ်ဖျက်ပြီးတာ ကြာလှနေပြီ...”
သူ့နှုတ်ခမ်းထောင့်လေးများ မြင့်တက်သွားခဲ့သည်။ ရုတ်တရက် ချီယုစကားသံက အတွေးထဲရောက်လာသည်။
ချီယုက သူနှင့်ယွမ်ရှင်းကျဲသည် မိတ်ဖက်ဖြစ်နိုင်ချေ အလွန်မြင့်မားကြောင်းပြောခဲ့သည်။
