Chapter 142
ချန်းယွမ်လည်း မနေနိုင်တော့ပဲ ကျင်းရွှမ်ကို တီးတိုးပြောလိုက်သည်။
" သူက ဂလင်းကို ဖြတ်လိုက်ပြီးတော့မှ အံ့ဩစရာရလဒ်တွေ ထွက်လာပါလား..."
ယွမ်ရှင်းကျဲက စစ်ဆေးချက်များပြီးဆုံးသွားသည့်အခါတွင် အချိန်ဖြုန်းမနေတော့ပဲ အာရုံကြောချိတ်ဆက်ကိရိယာ အမျိုးအစားသစ်တစ်မျိုးကို စတင် တီထွင်ရန်ပြင်နေသည်။
ကျင်းရွှမ်က မျှော်လင့်တကြီးဖြင့် မေးလိုက်သည်။
" ဘောစ့် ဒီတစ်ခါရော စိတ်စွမ်းအားတိုးမြှင့်ကိန်းဂဏန်းကို ဘယ်အဆင့်လောက်ထိ ထားမှာလဲ..."
ယခင်တစ်ကြိမ်က၂.၆၁တွင်ထားခဲ့၍ လူအများစုကို ထိတ်လန့်သွားစေခဲ့သည်။
" အရင်တစ်ခေါက်ထပ် နည်းနည်းမြင့်မယ်..."
ယွမ်ရှင်းကျဲက အေးအေးဆေးဆေးပင် ဖြေလိုက်သည်။
" နည်းနည်းဆိုတာဘယ်လောက်လဲ... ၂.၇ လား ၂.၇၅ လောက်လား..."
မင်ရှောင်းက စပ်စပ်စုစုဖြင့် မေးလိုက်သည်။
မျှော်လင့်တကြီးကြည့်နေကြသောလူများ၏ရှေ့တွင် ယွမ်ရှင်းကျဲက ဦးနှောက်ထဲတွင် အကြမ်းဖျင်းတွက်ချက်လိုက်ပြီးနောက် ပြန်ဖြေလိုက်သည်။
" ၄.၁ ဒါမှမဟုတ်ရင် အဲ့ထက် နည်းနည်းမြင့်မယ်..."
ထိုစကားကြောင့် ဓာတ်ခွဲခန်းကြီးတစ်ခုလုံး ငြိမ်ကျသွားသည်။
ခဏအကြာတွင် ကျင်းရွှမ်က အလုပ်များနေသော ယွမ်ရှင်းကျဲကိုကြည့်ပြီးနောက် ကျန်းယွမ်ကို ပြေညလိုက်သည်။
" အဲ့လောက်မြင့်တာ သူလုပ်နိုင်ပါ့မလား..."
ချန်းယွမ်က ကျင်းရွှမ်ကို ကြည့်လိုက်သည်။
ကျင်းရွှမ်က ဆက်ပြောသည်။
" ယွမ်ရှင်းကျဲက... သူ့ကိုယ်သူ လိမ်နေတာပဲ..."
ယခင်က ယွမ်ရှင်းကျဲ၏ အကူအညီကိုရယူပြီး မက်ခါ သုတေသနဌာနက စိတ်စွမ်းအားတိုးမြှင့်ကိန်းဂဏန်း ၁.၅ရှိသော ပထမမျိုးဆက် စိတ်စွမ်းအားတိုးစက်ကို တီထွင်ခဲ့သည်။ သို့သော်လည်း ထိုအချိန်မှစ၍ သူတို့၏ အခြေအနေက ပုလင်းဝတွင်သာ တစ်နေခဲ့သည်။
