အိုမီဂါအဖြစ်ပြောင်းလဲသွားပြီးနောက်ပွဲဆူသွားပြီ

Chapter 9

ခဲ့လီမှာ​လော့၀မ်ချွမ်း၏မက်​ဆေ့အား ပြန်ပို့ချင်သည့်တိုင် လက်​ချောင်းများပါတုင်ယင်​နေခဲ့သည်။ အ​တော်ကြာတွန့်ဆုတ်​နေပြီးမှ

"အ​ခြေအ​နေအ​တော်ဆိုးလို့လား"

ဤတစ်ကြိမ်တွင်​တော့ ​လော၀မ်ချွမ်းမှာချက်ချင်းပင်ပြန်​ဖြေလာသည်။

"မဆိုးပါဘူး" ထိုစကားလုံး​၂လုံးက ခဲ့လီအားတုန်လှုပ်သွား​စေသည်၊ သူကပုံမှန်ပြန်ဖြစ်ရန် ၁၀စက္ကန့်ခန့်အချိန်ယူလိုက်ရသည်။ ​လော့၀မ်ချွမ်းမှာ မက်ခါနှင့်ပါတ်သတ်လျှင် အမြဲ​ချေးများခဲ့တာ​ပင်။

မက်ခါများမှာ​လော့၀မ်ချွမ်းအတွက် ဆာမူရိုင်းတစ်​​ယောက်၏ ဓါးကဲ့သို့ပင်။ သူသည်ဘယ်​တော့မဆို သူ၏မက်ခါအား အ​ကောင်းဆုံးဖြစ်​အောင်ထားသည်။

ထို့​ကြောင့်သူ​ကျောင်းကထွက်သွားသည့်အခါတိုင်း ခဲ့လီထံ အပ်ထားခဲ့ခြင်းပင်။ ခဲ့လီလည်းသက်ပြင်းချလျက်​မေးလိုက်မိသည်။

"ဒါဆိုမင်း​ကျောင်းကိုပြန်လာပြီး ​စမ်း​မောင်းကြည့်ပြီးတဲ့အထိ​စောင့်ရ​အောင်​လေ "

အ​တော်ကြာပြီး​တော့မှ ​လော့၀မ်ချွမ်းက "အင်း"ဟုတုန့်ပြန်ပြီးမှ ဆက်၍​ဆိုလာခဲ့သည်။

"​ကျေးဇူး"

ခဲ့လီမှာသူ၏အခန်း​ဖော် ဘာ​တွေ​တွေး​နေလဲ မသိ​သော်ငြား ကြည့်ရသည်မှာ​တော့ ​လော့၀မ်ချွမ်းမှာ မက်ခါအဆင့်မြှင့်ထားသည်အား စိတ်တိုင်းကျပုံပင်။

ကြည့်ရ​တာ အဲဒီအိုမီဂါက မဆိုးဘူးပဲ၊

[ခဲ့လီ]:ဒါနဲ့မင်း​ကျောင်းကိုဘယ်​တော့ပြန်လာမှာလဲ

[​လော့၀မ်ချွမ်း]:ဒီအပါတ်

[ခဲ့လီ]:မစ်ရှင်​ရောအဆင်တ​ပြေပြီးသွားရဲ့လား၊

[​လော့၀မ်ချွမ်း]:မဆိုးပါဘူး

[ခဲ့လီ]:ငါတို့ဆု​ကြေးအများကြီးရ​လောက်လား

[​လော့၀မ်ချွမ်း]:အင်း

ခဲ့လီသက်ပြင်းချလိုက်မိသည်။

ထင်တဲ့အတိုင်းပဲ ချို့တဲ့ တဲ့က​လေးကပိုရင့်ကျက်တယ်၊

သူနဲ့​လော့၀မ်ချွမ်းမှာ ရှင်းဟိုင်တက္ကသိုလ်၏ဒုတိယနှစ် ​မက်ခါ​မောင်းနှင်​​ရေး​မေဂျာမှဖြစ်ကာ အခန်း​ဖော်ဖြစ်သည်မှာ ၁နှစ်ခန့်ရှိပြီပင်။

မည်သူမျှ​လော့၀မ်ချွမ်း၏ ဇစ်မြစ်ကိုမသိကြ။ သူကိုယ်တိုင်ကမူ အဆင့်နိမ့်ကြယ်မှလာသည်ဟုသာ​ပြောသည်။ သူ​ကျောင်းသို့စ​ရောက်စဥ်ကမူ လူအများထံမှ​​​​လှောင်ရယ်ခံခဲ့ရသည်။ သို့​သော်သူ၏ ​ကြောက်မက်ဖွယ် SSအဆင့်စိတ်စွမ်းအား နှင့် ကိုယ်ခံအားကို သိလိုက်ရလျှင် သူကချက်ချင်းဆိုသလို ​ကျောင်း၏ ဒဏ္ဍာရီတစ်ခုဖြစ်လာခဲ့ကာ မက်ခါ​ပြိုင်ပွဲတွင်လည်းဗိုလ်စွဲသွား​လေသည်။