Chapter 108
၎င်းတို့နှစ်ဦးသည် မက်ခါစတားသို့ပြိုင်တူလော့အင်ဝင်လိုက်ကြသည်။ သို့သော် ဦးဆောင်သူစာရင်းပေါ်ရှိ “L” အမည်ကို ယွမ်ရှင်းကျဲ ရှာဖွေသောအခါ အဆိုပါIDအစား "ဒါဆို မင်းကို ငါကာကွယ်မယ်" ဟူသည့် IDကို ပထမနေရာတွင်တွေ့လိုက်ရသည်။
“ဘာဖြစ်တာလဲ...” ယွမ်ရှင်းကျဲက တစ်ဖက်ရှိဂိမ်းအခန်းငယ်ကို ထုရိုက်လိုက်သည်။
“သာ့ချွမ်း...သာ့ချွမ်း...မင်းရဲ့IDမရှိတော့ဘူး...”
လော့ဝမ်ချွမ်းက အခန်းငယ်အပြင်သို့ခေါင်းပြူကြည့်လိုက်သည်။ အခုလေးတင် ခေါင်းဆောင်းကိုချွတ်ထားသည့်အတွက် သူ့ဆံပင်လေးများက အနည်းငယ်ရှုပ်ပွနေလေသည်။
“မရှိတော့ဘူးလား...”
ယွမ်ရှင်းကျဲ ခေါင်းညှိတ်လိုက်ရင်း “ဟုတ်တယ်...ပထမနေရာက တခြားIDကြီး…”
လော့ဝမ်ချွမ်းက ခပ်တည်တည်နှင့်ဘာမှမသိသလိုဟန်ဆောင်ကာ...”ငါခုနကကြည့်တာတော့ ငါ့ID ကထိပ်ဆုံးမှာရှိပါတယ်...”
ထို့နောက် သူကအခန်းငယ်ထဲပြန်ဝင်သွားကာ တံခါးပေါက်က အလိုအလျှောက်ပိတ်သွားခဲ့သည်။
ယွမ်ရှင်းကျဲက စိတ်ရှုပ်သွားကာ ဂိမ်းအခန်းထဲဝင်ပြီး ထပ်မံစစ်ဆေးရန်ပြင်ချိန်၌ သူ့ထံသို့စာအမြောက်အမြားဝင်လာသည်။
တစ်ခုကိုနှိပ်လိုက်ချိန်တွင် ရှီးပေါ်လိုင်ထံမှစာဝင်လာလေသည်။
(ရေခဲခြစ်လာစားလှည့်ပါ: မင်းပြောတော့ ဂိမ်းဆော့ဖို့အချိန််မရှိပါဘူးဆို...ခုကျမင်းကတစ်ယောက်ယောက်နဲ့ဒိတ်နေပြီပေါ့...)
(ရေခဲခြစ်လာစားလှည့်ပါ: ဒီဂိမ်းက မင်းတို့ဒိတ်ဖို့လုပ်ထားတယ်ထင်နေကြတာလား...စုံတွဲIDတောင်ထားလိုက်ကြသေးတယ်...အရမ်းမလွန်လွန်းဘူးလား)
ခဏအကြာတွင် ယွမ်ရှင်းကျဲက ရှီးပေါ်လိုင်၏စကားများကို နားလည်သွားခဲ့သည်။
ယွမ်ရှင်းကျဲ အချိန်အတော်ကြာ ဘာပြောရမှန်းမသိဖြစ်သွားခဲ့သည်။
'ဒါဆို ငါမင်းကိုကာကွယ်ပေးမယ်' က အတူယှဥ်ဆော့ရန် စာပို့လာသည့်အခါသူသတိပြန်ဝင်လာခဲ့၏။
