عمياء القاسي(تتمة)

350

♡داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#____وما_الثأر_الا_باب_لهوسي_بك___يا_صغيرتي

#الحلقات____الاخييرة ..

السما زرقة مزوقة بخيوط الشمس الذهبية طلع الصباح ومشا الليل مشا معاه الظلام الظلم النقص والحرمان ... دك الشمس الساطعة جالبة معها نور وأمل مفقود من دهور ..
تتحس بحلقها ناشف وبالم كبير فراسها تتحس بثقل جسم محطوط فوقها.. بشووووية بشوية بداااات تحل عينيها وفورما حلاتهم حسات بانفاس سخونة فوجهها .. وبانف كيلامس انفها تمعنات مزيان وهي تعقد حواجبها باستغراب .. تتصرط فريقها كانت أول مرة تشوفو .. بصدمة حلات فمها هو حس بها حلات عيينيها وهو يلامس جبينو بجبينها .. متكي عندها دير لبلاكه لكتفو المضروب ..
دقات قلبوا تسارعات فور ما حل عينيه وجات عينو فعيونها الزمردية المخملية اللامعة يالي ساطعة فتجاويف عيونو الزرقة .. وكأنو مزيج بين فصل الربيع الموهج وبين فصل الشتاء الموحل .. ابتسم بخفة وباسها من شفايفها بعدها حط فمو على فمها تينفت النار من بين شفايفو قايل..
نزار : واخيراا واخيرااا واخيراا شفت النظرة اللي كنت منتظرها شحال ..
غمضات عينيها ورجعات حلاتهم وبصوت هامس قالت باستفسار..
شدى : نزار !!
نزار : اه نزار نزار اللي كيموت عليك كثر من نفسو
نزار دك القتال لعطاتو لحياة فرصة جديدة بعدما دخلاتك لحياتو .. نزار الشخص القاسي لعمرو حن على شيحد وبقدرة عمياء ربط حياتو بنفسها بنقصها بقربها..
نزار اللي من نهار دق قلبوا لك تيطلب السماح وتيطلب الغفران من قلبك .. انا هو القاسي ياللي ربط اسمو باسمك وسميت قصتنا عمياء القاسي..
حلات فمها بتهضر وهو يسدو بصبعو..
نزار : خليني نكمل.. انا دك الوحيد والشريد دك الطفل البريء لمخبي تحت طبلة خايف ياللي رغم السنين ورغم المعاناة فداخلو مخبيين شظايا ماضيه .. ببرائتو بحنانو وحبو دك الشظايا كان خاص ليجبدهم ويخرجهم من الظلمات للنور، (تبسم ) قدرات تديرها عمياء مفتقدة للنور ..
غمض عينيه ونزلات دمعه من عينو جات فخدها مباشرة ..
نزار: حني فقلب مشاف من الدنيا والو من غير الحزن والعذاب حني فقلب كيعشق دقات قلبك واسير لقيود عشقك..حني فيا قوولي ليا دكشي لفقلبك واللي لسانك حابسو ومباش يخرجو.. ندفع حياتي مقابل نسمع منك كاانبغييك انزار ندفع دمي ونسمع السماح من فمك .. حني فيا وداوي جروح بلهيب عشقك تحفرو ..
صرطات ريقها وحولات عينيها تتشوفيه رجعات ضورات عينيها ناحية الشومبر يالي كان باللون الوردي كلو بالونات بالابيض عامر باقات من لورود .. حسات بنفسو رويدا رويدا تيقرب منها ورجعات شافت فيه وفعيونها بريق خاص تيتوزع على جل تقاسيم وجهو..
مدت يديها اللي فيها شوكة دسيروم وحطتها على وجهو وسدات عينيها لوهلة حلاتهم وقالت..
شدى : انا الزهرة الدبلانة فعمر الزهور .. ياللي افتقدت النور وكانت الظلمة ملجأ لاحزاانها ... انا

#يت____بع