عمياء القاسي(تتمة)

345

♡داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#____وما_الثأر_الا_باب_لهوسي_بك___يا_صغيرتي

#الحلقات____الاخييرة ..

عارفة راسها تتعدب فقلبها عارفة بلي شي حاجة فداخلها تتقولها سامحيه ... لكن هاجس الكرامة وعزة النفس مسيطرين عليها مخلينها مصممة على هد القرار ..

فالليل وقفات قدام المحلبة تتشوف فمصطفى تيسد فالريدو وهو يتلفت لها..
مصطفى : واش متأكدة منوصلكش ابنتي ..
فردوس : لا أبا مصطفى بلما تشغل راسك بيت نتمشا شويا..
مصطفى : راه الليل عليك ابنتي
فردوس : غازوج خطوات متخافش ..
مصطفى : على خاطرك ابنتي ..
ضور عيينه وهو يلمح سيارتو مركونة بعيد عاد رتاح وابتسم فوجهها ..
مصطفى :نتلاقاو غدا وغابشوية عليك فالطريق ..
ضحكات فردوس : بزز مني وليت كالبطة تنمشي بشوية..
مصطفى : اوا اشغاديري ابنتي لبيتي تشوفي عويناتو تحملي وجيعاتو، يلاه تصبحي على خير ..
فردوس : ونتا من أهل الخير ..
بقات متبعاه بعينيها غادي عاد عطاتو بالظهر غادية فحالها حتى هي.. نزل من سيارتو ودار القب على راسو وهو تيحك فيديه مع بعضهم ويجمعهم ففمو تينفخ لهوا فيهم، بخطوات مهيلة تابعها بلما يدير الحس .. غادي من وراها كانت غادية حادرة راسها وتتزرب فمشيتها وجامعة يديها فجيب لمونطو كان البرد بزاف وفدك الليل متيتسمع والو من غير صوت الكلاب دالشارع توقفات فردوس فمكانها ونزلت حاجبها ... قبل مضور تتقلب شكون وراها ملقات والو وزادت خطوات راجعه تتقلب كان مخبي قدام واحت لباب تاع واحت الدار حدرات فردوس راسها ويلاه غاتلفت وهي تلمح الظل تاعو فالأرض لبسبب الضو تاع دك الزنقة بان .. هزات حاجبها ورجعات ادراجها مكملة طريقها وبالها مشا مع كلامو وهو تيقول لها غانكون كيف الظل تاعك عرفاتو هو وهي تقل فمشيتهاا بات تستمتع بهد الجو ومادام هو معها ممضطراش تزرب أو تخاف تبسمات على هد الفكرة وتنهدات ..
شحال صعيب تكون تتحامى فصدر شخص هو بنفسو سبب عذابك ..شحال صعيب تحس براسك ميت ببعدو عليك فنفس الوقت تتخنق بقربو منك .. بصح مرارة فراقو صعبة لكن مرارة افعالو لعمرها تنسا لها أصعب..
كملات طريقها غاديا فحالها بينما صقر خرج من دك القنطه فين مخبي وكمل طريقو تابعها بنظرات شوق وحنين مخلط بحزن كبير قال ..
صقر : ااااه افردوس وعلاش قلبك قاسي ..
هي غادية وتبكي انفوا تتحس بخطواتو هد لامان والاهتمام للأسف ملقاتهمش فالوقت الصحيح والمكان الصحيح لقاتهم بعدما ولات أنثى فارغة داخليا محطمة نفسيا وقافلة على راسها عاطفيا ..
لا مجال للسماح أو الغفران اصقر متحلمش ننسا مدرتي فيا ..
كان آخر كلام قالت قبل متوقف قدام دار جات فالشوكة بربعه دليتاج وكبييرة حلات لباب وتنهدات وهو من بعيد من ورا واحت المحال دلبقالة واقف مراقبها تنهداات مطوول هاهي غاترجع وحييدة من بدا وجدييد وتنعس وحدها من بداا وجدييد سدات لباب وتكاات عليه تتبكي ملات وعياات وتهدااات ولكن للماضي عمرها منسااات .. دارت يديها على كرشها وبيديها الثانية مسحات دمعتها ..
برا كان واقف قداام الباب تاع الدار بعدما سداتو دااير يدييه عليه تنهد فالمقابل كانت تاهي متكية على الباب بحزن باين فامواج عيوونها وقلبهاا تيرقص على كلمات حزييينة ..
أريدك ولا أريدك سامحتك ولن اسامحك اهرب منك اليك..
نزلات دمعه من عينو ومسحها بكفو وتمتم بصوت مهموس..
صقر : فلتغفري ..

#رأيكن💛