♡داء انت يا عمياء أم دواء ♡ ..
#للكاتبة : Sanae El idrissi
#____وما_الثأر_الا_باب_لهوسي_بك___يا_صغيرتي
#الحلقات_____الاخييرة ..
تنهدات بحزن وهو يجرها عندو معنقها جنب خارج بها..
نزار : شفتك ولفتي هنايا هممم .. غا هني بالك راك راجعه هنا راجعة غاتولدي انشاء الله وديري العملية ..
سكتات شدى بلما تجاوبو وهي تكا على صدرو بتنهيدة حزينة توجه بها نزار للسيارة دخلها وسد عليها تلفت للشيفور لمشا هز فاليز تاعها داها للكوفر ..
نزار : عطيني لكونطاك وسير غانسوق راسي..
ودكشي لكان عطاه الشيفور السوارت خداهم نزار من عندو وضار لبلاصة الشيفور حل الباب وركب، زادت السيارة فظلمة الليل المعتمة ... فصمت بارد كسرو نزار وهو تيشوفيها متكية على الزاجة تتنهد كل دقيقة هز حاجبو باستفسار وشد لفولون بيدو الثانية ومد يدو ليديها باسها ..
نزار : ماااال عمررررري ..
شدى : (تنهدات) مامليش..
نزار : لا لا بيك شي حاجة غاقولي احبيبة ديالي مالكي.. بحررا كنتي مزيااانة ..
شدى : (بحدة)قلت لك مماليش .. بعد مني..
صاط نزار بضيق من نبرة صوتها وتنهد تيشوف فالطريق حطات شدى يديها على كرشها وبالها مشا مع حياتها ياللي ترونات شهور قليلة كانت وسط عائلتها دابا بعيدة على مها باها وخوها تتلقاهم و قليل فاش تيجيو عندها.. جا فبالها عبد المجيد زعما يكون عايش مع شادية دابا !!
زعما يكون ندم حيث حاول يقتلني أسئلة كثيرة بقات بينها وبين نفسها اجوبتها بقات مع ناس خرجو من حياتها تلفت لها نزار وعزات عليه واخا تكلمت معه بدك الطريقة عارف لبيها وعارف انو سبب حزنها ومواعد راسو أن عمرو يخليها تحس بالنقص طول ماهو تيتنفس ..
وقف السيارة وسط الطريقو تلفت لشدى ..
نزار : متخرجيش هاني جاي..
شدى : فين غاااااادي.. نزاااااار
بلما يجاوبها خرج وهو هاز حاجبو تيشوف فجدع شجرة كبيير حابس عليه الطريق دار يدو على خصرو بعصبية قال ..
نزار : فاااك زهر هدا..
حيد الكويرة تاعو لاحها وتحدر على دك الجدع ياللي كان
كبير و غليض تلفت لشدى يطمئن ولا اراديا نزلات عيونو لعجلات السيارة وهما يبانو ليه مفشووشين خرج عينيه بصدمة وبدات توضاح ليه الصورة عرف أن هد الجدع ماهو الا كمين ليه باش يتوقف وسط هد الخلا .. حط يدو على خصرو يجبد سلاحو حتى سمع صوتو ووضاحت صورتو وهو واقف قدامو وباب السيارة محلول وجار شدى بين يدو ..
كان تيبتسم بغل فوجه نزار لحل فمو بصدمة ممتيقش انو مزال حي .. شدى برعب بدات تتبكي صوتو مغريبش عليها وريحتو عمرها تنسات لها قالت و هي تتبكي..
شدى : نزار هئ هئ فينك..
نزار: ماتخافيش اعمري انا معك ..
هز فهد حاجبو مراقبهم كان داير رجل اصطناعية لكنو تيعرج بهاا وهو شاد شدى من دراااعهااا وحاط لها السلاح على كرشها .. وتايقرب لنزار بالمهل وفعيونو بغض كبير قال ..
فهد : واخيييييررررررااااا .. فرااسك تسنييت هد اللحظة كتر ماتصور
خرج نزار عينيه ففهد ياللي شاد فشدى وكل ماتيهضر تيخضها معاه بقسوة وهي تتبكي ..
نزار : بعدد منها طلقها الكلب واجي عندي راااجل لرااجل
وجه فهد السلاح ناحيتو وتبسم ببرود ..
فهد : خليييت لك الرجلة .. ودااباااا غانقولك بسلامة
تبسم وحط يدو على الزناد نزلات دمعه من عيينها وبدات تتشهق وشداتو من يدو تتنخصص ..
شدى : هئ هئ عفااك مديرهااش عفاك هئ هئ
قرب نزار منهم تيغوت ويشوفيها ..
نزار : مطلبيييييهههش .. (خنزر ففهد )طلقها ودير لبيتي خليها تمشي
هز يدو تيحاول يجبد سلاحو وهو يتبسم فهد قبل ميضرربو برصاصة لكتفو تيغوت ..
فهد : قلت لك ماااااتحركش
شدى سمعات صوت الرصاص وبدات تبكي بينما نزار طرطق عنقو مشربن وبيدو شد فدرااعو لبداا ينزف بغزاارة ..
#رأيكن 💜
أنت تقرأ
عمياء القاسي(تتمة)
عاطفيةتحت عنوان:🔥#عمياء_القاسي🔥 للكاتبة: 🔥#Sanae_El_idrissi🔥 كانت ليلة مظلمة بزااف الشتا خيط من سما وعااصفه قويه مخيمه المديينه ومزاال مهداات ، حركه سير معطله بزااف والسيارات مستفيين على الجهد، الظلاام كثييف وشتاا كثف منو كاان جاالس فرومبا وضام رجلييه...
