عمياء القاسي(تتمة)

349

♡داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#____وما_الثأر_الا_باب_لهوسي_بك___يا_صغيرتي

#الحلقات____الاخييرة ..

حيد نزار التيشورت تاعو فدك البرد ووسدو لها على راسها ونزل يدو تيحيد لها لبروتكال حيدو لاحو طلع يديه حيد لها ليبة وهي تمد شدى يديها تتقلب على يديه .. حتى شداتها وهي تعض على شفايفها تتغوت..
شدى : اش كادير مخانخليكش اععع اووووف وسربي عتقني هئ اااااعععععععع ...
نزار ولا صفر غير غواتها تلفو ناض تيمشي ويجي وهي كاسرة الدنيا حتى سمعاتو بعد وهي ترجع لمود لغوات ثاني..
شدى : دعييتك الله اعععع واش وحلتيني وهربتي عععععع وفينك ارااجل..
حرك نزار راسو يمين وشمال تيحاول يستوعب عاد فطن براسو ورجع عندها جلس قدامها وهز يديهاا بين يدو يدو تيبوس فيها..
نزار: هاني معك احبيبا تاعي دفعي وتنفسي يلاه يلاه ..
غاحسات حسات بيه تينزل ليها السليب وهي تسد فمها تتنين..
شدى : ارا يديك اووووف هوو ف اراااا..
نزار من نيتو شد فيدها وهي تديها لفمها عضاتو..
شدى : ةاععععع وطلقني خرجو اعععع راه تنتقطع..
نزار يجر وهي تجر حلفات لطلقات ليه من يديه حتى غوت..
نزار : طلقي الموصيبة باش نولد ..
طلقاتو تتغوت ..
شدى : راه انا اععع لغانولد ماشي نتا..
رجع تيسمح شعرها..
نزار : اوك بب كالم يلاه دفعي دفعي..
فرق ليها رجليها وهي تجمعها ولا تيلعب معها هو يفرق وهي تجمع حتى عصباتو وشحطها ففخدها..
نزار : هداااي..
طل تحتها لقا الراس بدا يخرج مسح جبهتو من لعرق تينهج غواتها تلفو والمنظر جديد عليه صدمو حل فمو لثواني مدعوق حتى رجعات تغوت تاني..
شدى : اش تتسنى فكني ليعطييك العذاب اعععع الكلب لحمار اععع والله ماتقيسني مزال اعععع وطلق راسك هدشي خارج هئ هئ..
مد نزار يدو تيبرك على كرشها بيديه..
نزار : جمعي النفس ودفعي يلاه..
حبسات النفس حتى حمارت ودفعات بكل جهدها نزل نزار يدو كان البيبي خرج راسو وهو يتبسم وهز عينو فيها..
نزار : برافو عمري يلاه يلاه دفعي آخر مرة..
شدى : ماقدرااش (غمضات عينيها ) راسي هئ هئ تيضرني مقادراش..
نزار : (بالغوات)مابقاش بزاف احبيبة يلاه دفعي (خفض صوتو) يلاه اعمري على قبل ولدنا يلاه كوني قوية..
عضات على شفايفها ودفعات بكل جهدها مع خرج لبيبي وجبدو نزار مع غمضات عينيها بألم انفوا ضرب لها الضو فعينيها..
تبسم نزار تينهج قبل ميهزو جمع ضحكتو وطاح حدا ركاابيها تيتمتم بصوت عيان..
نزار : أدهم..
حلات شدى عينيها ثاني تتنفس بالجهد وهي ترجع تسدهم تاني حاطة يديها عليهم وتتغوت..
شدى : هئ ااااه نزار هئ هئ..
سمعات صوت البيبي تيبكي وهي تحل عينيها مكمشااها ونزلات دمعة من عينيها تتضحك ..
شدى : ههه تنشووف هههه ولدي هههه تنشووف تنشووف تنشووف نزار هئ هئ تنشووف
كاانت جااية سيارة بسرعة متوسطة وهي توقف فالطريق نزلات منها امرأة متحجبة تكون فالخمسين من عمرها خلات لباب محلول وهي تمشي تتجري ناحيتهم ..كان نزار طايح سخفان حدا رجلين شدى الولد تيبكي ومزال مربوط مو بالحبل السري حلات شدى عينيها تتنهج وهي تلقاها واقفة عليهم وهازة لفون فيدييها تتدوي ..
الوو .. عاووونووونااا !!!
كانت آخر كلمة سمعات قبل متغمض عينيها ..

#رأيكن