عمياء القاسي(تتمة)

344

♡داء انت يا عمياء أم دواء ♡ ..

#رواية : 🔞 عمياء القاسي 🔞

#للكاتبة : Sanae El idrissi

#____وما_الثأر_الا_باب_لهوسي_بك___يا_صغيرتي

#الحلقات____الاخييرة ..

ياه على تناقض فدك القلب عندها بقدما تتحملو مسؤولية لمشاكيل ياللي تيوقعو لها بقدما تتلقاه هو الوحيد لتيمسح دموعها ... وشحال ضرو قلبو وهو تيمسعها تتبكي ومفيدو والو من غير أن يحسسها بقربو .. وبوقفتو جنبها ساد باب لهد الأحزان بكلام مرسخ فدماغو ... انو أي حاجة دارها زوينة كانت ولا خايبة دارها على قبل حب حياتو وعلى قبل ولدو ..تنهد بحيرة وزير عليها فحضنو تيواسيها وشكون يواسيه هو يا ترى !!

حلات عينيها تتحك فيهم وتتكسل تاوبات دايرة يديها على فمها .. قبل متحس بلحيتو تتهرها فعنقها ويد كتمسد فكرشها البارزة وتقيسها بحنين لمساتو كانو كفيلين يخليوها ترجع تسد عينيها .. تبسم بخفة وعضها فعنقها تيضحك..
نزار : نوضي المعكازة ليوم غاتخرجي شفتك ولفتي لكلينيك همم (عضها تاني ) نوضي يلاه ولا نتكيك هنا نيت ..
حلات عيينيها تتحكهم تاني ..
شدى : نزار خليني هنن.. نزار : لا نوضي ..(تيبوس كرشها ) ولدي غايطلع نعاس نوضي اعمري يلاه..
ناضت شدى تتنكر وقادلها نزار المسند من ورا ظهرها تيضحك على وجهها لعابس وجمع يديها بين يدو تيبوسها ويتنهد ..
نزار:ليووم غاتخرجي وااش ممتحمسااش ..

فبلاصة خرا..

كانت تتبسم وهي تتشوف فالكليان الكثير فالمحلبة اللي غير ماتايتزاد مصطفى تيرحب بهم وهي واقفة حدا المجر دالفلوس .. نزلات عينيها لكرشها وهي تبتسم تتمرر يديها عليها وفعيونها لمعة فرحة عمرها مكانت بقربو ومبانت فعيونها حتى بعد .. هو اللي كان برا فاللوطو تيبتسم وهو مراقب الأجواء من بعيد .. مقادرش يبقا بعيد رغم أن هدشي تيفرحها مقادرش يمشي ويخليها وراه وكأنها عمرها كانت .. ومزادو ولدو الا إصرار فانو يتشبث بها ليجعلها متسمح لو على مية عام .. غايبقاا ظلهاااا كييف قال وحيااتو رهن رااحتهاااا

دازت سبع شهور بالتمام والكمال بفرحها بقرحها بحزنها بسعادتها بالمها بدكرياتها بطولها بعرضها ، شادية داعت فالزناقي والغربة وعلى لماضي هاربة هربات منهم من نزار من شدى من دكرياتها المريرة .. وخدات المقابر بيت لها على الناس هاربة وعلى قدرها مراهاش صابرة تتبان كالهبيلة بالنسبة لمتيعرفهاش ومن ورا حالتها حزن كبير وعداب كبر منو، عبد الله رجع لحياتو عادي حاول يتأقلم لوضعو الجديد وينساها وينسا خيانتها وكل مدارت فيه، صقر متاثل لطلب فردوس بعد منها ومبقاش يقرب منها على لاقل غير قدامها بقا على تواصل مع مصطفى وعاونو ماديا فالخفاء باش فردوس متعيقش بيه شرا ليها دار ووهمها أنها دار مصطفى وعطاها لها تسكن فابور، فرحات حياتها بدات تتحسن رغم انها طلعات حاملة نتيجة لاغتصاب تقبلاات الأمر واعتابرت هد الولد هو السبييييييل الوحيد لنجاتها هو التحدي الصعب والساهل لخلاها تحارب ادماانهاااا وعلى ودو تصبر ومتقييسش شي حااجة اسمها المخدرات .. بصح لغياب صقر تأثير كبيير عليها تتحس بأن قربو جريييمة وفنفس الوقت بعدو عليها إعدام فالحالتين واحت الجانب مظلم فقلبهاااا باقي حزيييين ..

#رأيكن💜