Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
රතු, දම්, කහ වැනි උණුසුම් වර්ණ විදුලි බුබුලු වලින් හැඩවී ගිය නිමාවක් නොමැතිව කනට තට්ටු කරන ශබ්දයෙනුත් මත්පැන් වලිනුත් මත්වැටි වලින් හමන්නා වූ ඒ දුම් පහසෙනුත් ජනාකීර්ණ කොළඹ නගරයේ පොහොසත්ම උදවියගේ සවස් වරුවේ විඩාව නිවන ස්ථානය වන "මූන්ලයිට් බාර් " නැමැති ස්ථානය අවිවේකී බවට පත්වෙලාය..විවිධ රටවලින් ආනයන කරන්නා වූ විවිධ පැහැයන්ගේද , අනේක ආකාරයේ හැඩයන්ගේ සහ රසයන්ගෙ මාරයාගේ ගුහාවට ඇතුලු වීමට ටිකට් පත් ගැනීමට මෙහි පැමිණෙන බාල මහලු මිනිසුන් භේදයකින් තොරව තමා සන්තක බර ගණනක මුදල් වියදම් කොට ලබාගන්නා වූ ඒ ටිකට් පත්වලින් මෙලොව අමතක සිතින් පතන්නාවූ අමුතුව ලොවක් කරා තප්පරයකටත් වඩා අඩු කාලයකින් පිවිස අමුතුම ජීවීන් බවට පත් වන්නෝය...
"බොස්.." තරමක හැඩි දැඩි බවකින් යුක්ත තරුණ වයසේ පසුවන පුද්ගලයකු තමාගේ ඉදිරියෙන් සිටි අදුරේ පවා දිදුලන සමක් සහිත කඩවසම් තරුණයකු අමතන්නට විය..ඔහු තම සිතේ තිබෙන බිය සගවා ඉදිරියෙන් සිටින තරුණයා ඇමතූ නමුත් ඔහුගේ හඩ මරණීයෙ බියෙන් වෙව්ලීය..
"ආ..යෙමත්..අපිට කලින් එයාලා ඉස්සර වෙලා.ඒ නිසා මෙදාපාරත් අපේ ප්ලෑන් එක අසාර්ථක උනා බොස්" ඔහු තම හිස පහත් කර ගනිමින් නැවතත් තම වදන් අසීරුවෙන් මෙන් ගලපා එය අවසන් කොට සුසුමක් පිටකලේය..
කළුවර පැහැ කුටියේ රතු වන් පැහැ සෝෆාවක සිට ඉදිරියෙන් වූ විශාල වීදුරුවෙන් පිටත බාර් ඩාන්ස් ෆ්ලෝ එකහි අසහියෙන් මෙන් රගන්නාවූ පිරිස දෙස බලමින් පානය කරමින් සිටි රුධිරය පැහැ වයින් විදුරුව වටේ තම දෑතෙහි සිහින් ඇගිල්ලක් යැවූ අයිස් මෙන් පැහැ තරුණයා එය ඇසූ කල වියරුවෙන් මෙන් මදක් තම කඩවසම් මුහුනේ දත් පෙන්නා සිනහ වෙන්නට විය...
