ဒယ်ဒီကဆရာဝန်မို့
မင်းကမ္ဘာမှာ သက်သာသွားလေသည် ။
ဒယ်ဒီ့ဆီကို ရောက်ရောက်ချင်းမှာဘဲ
သူ့ကို ဆေးအရင်တိုက်လိုက်တာမို့ တရေးအိပ်ပြီး
နိုးလာချိန်မှာတော့ လူကလန်းဆန်းသွားလေသည် ။
ဒယ်ဒီထိုင်တဲ့ဆေးခန်းက တိုက်ပုံစံလေးမို့
နေရတာ သန့်သန့်ပြန့်ပြန့်တော့ရှိပါသည် ။
မြို့ကဆေးခန်းတွေလို လူနာသိပ်မရှိတာမို့
ဆေးခန်းထဲမှာ သူနဲ့ဒယ်ဒီသာ ရှိနေကြသည် ။
" သား စာတွေလိုက်နိုင်ရဲ့လား .."
" လိုက်နိုင်ပါတယ် .."
" ဒယ်ဒီ့ဆီလိုက်လာရတဲ့အကြောင်းက.. "
" မရှိပါဘူး .."
" ............"
ရွာကိုလိုက်လာရတဲ့အကြောင်းအရင်းကို
ဒယ်ဒီကမေးနေပေမယ့် ခေါင်းရမ်းလိုက်မိသည် ။
ဒါပေမယ့် ဒယ်ဒီက သူ့စကားကို
ယုံကြည်တဲ့အရိပ်အယောင်မရှိတာမို့ ။
" ဒယ်ဒီရန်ကုန်ကို ပြန်မလာသေးဘူးလား
သားနဲ့တီငယ့်ကို ဒီတိုင်းပဲပြစ်ထားတော့မှာလား "
" ဘယ်လို .. ဒယ်ဒီက ပြစ်ထားတယ် ဟုတ်လား "
" ဒယ်ဒီ ဒီရွာကိုရောက်နေတာ ကြာလှနေပြီလေ
ဘာဖြစ်လို့ ရန်ကုန်ပြန်ပြောင်းလာဖို့မစဥ်းစားတာလဲ "
" ................ "
" ဒယ်ဒီမိန်းမယူဖို့စဥ်းစားရင်လည်း
ဒီကတော့မဖြစ်ဘူးနော် ရန်ကုန်ကိုပြန်လာပါဒယ်ဒီရာ "
" ဒယ်ဒီပြန်လာမှာပါ .. အခုမဟုတ်သေးပေမယ့်
ပြန်လာမှာလို့ သားကိုပြောထားတယ်မဟုတ်လား "
" သား ဒယ်ဒီ့ကိုပြန်ခေါ်ချင်လို့
အမကြီးလရိပ်ညိုနဲ့ ဒီအထိ လိုက်လာတာ
ဒယ်ဒီ့ကိုဖုန်းဆက်ပြီးတော့လည်း မပြောချင်ဘူး ..
သားရဲ့စကားတွေကို ဒယ်ဒီအလေးမထားမှာ
ဒယ်ဒီ လွယ်လွယ်လေးပြောလိုက်မှာကို မလိုချင်ဘူး
ဒယ်ဒီရန်ကုန်ကို လာတုန်းကလည်း သားရဲ့ကိစ္စတွေနဲ့မို့
သေသေချာချာမပြောလိုက်ရဘူး ..."
သူပြောနေတာတွေကို
ဒယ်ဒီက ဂရုတစိုက်နဲ့ နားထောင်ပေးလေသည် ။
CZYTASZ
🌙 လရိပ်ညို 🌙
Romansအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
