" ဟင့် .."
" ............. "
နားထဲမှာ တိုးသဲ့သဲ့ကြားလိုက်ရသည့် အသံလေးကြောင့်
လရိပ်ညိုမှာ အိပ်ပျော်နေရာမှ ဆတ်ခနဲဖြစ်သွားလေသည်..။
သားသား ။
စိုးရိမ်စိတ်နဲ့အတူ မျက်လုံးတွေက ဖျတ်ခနဲပွင့်သည် ။
ဟင် ။
မျက်နှာရှေ့မှာ နီးကပ်စွာမြင်လိုက်ရတာက
သားလေးမဟုတ်ဘဲ မောင်ဖြစ်နေခဲ့လေသည် ။
လရိပ်ညိုရဲ့ရင်ခွင်ထဲမှာ မျက်နှာအပ်ကာ
နှစ်ခြိုက်စွာအိပ်ပျော်နေသည့်မောင့်ကို တွန်းပြစ်ပြီး
ထ,ထိုင်လိုက်တော့ ဘေးနားမှာထိုင်နေတဲ့သားလေးကို
တွေ့လိုက်ရလေသည် ။
" ဟင် .. သားသား
ဘာဖြစ်လို့လဲ မေမေ့သားလေးဘာဖြစ်လို့လဲ ..."
ပတ်တီးစည်းထားသည့်လက်လေးကို
ပေါင်လေးပေါ်မှာတင်ပြီး ကျန်လက်လေးတဖက်က
မွေ့ယာပေါ်ကိုထောက်ထားရင်းလရိပ်ညိုကိုကြည့်နေတဲ့
မျက်ဝန်းလေးတွေထဲမှာ အရည်တချို့ရစ်ဝိုင်းနေတာကို
တွေ့လိုက်ရတာမို့ စိုးရိမ်စိတ်တို့နှင့်အတူ သားကိုယ်လေးကို
ပွေ့ချီလိုက်မိလေသည် ...။
" သားဘာဖြစ်လို့လဲ
လက်က နာလို့လား ဟုတ်လားသား လာ မေမေ့ဆီလာ .."
" ဟင့် .."
သားလေးက ဘာမှမပြောဘဲ
ရင်ခွင်ထဲကိုတိုးဝင်လာတာမို့ လရိပ်ညိုလည်း
သားလေးရဲ့ကျောပြင်လေးကိုပွတ်ပေးပြီးချော့မြူနှစ်သိမ့်ရလေသည် ။
" သားဘာဖြစ်တာလဲဆိုတာ မေမေ့ကိုပြောနော်
လက်က နာလို့လား ဒါမှမဟုတ် ဗိုက်ဆာလို့လား .."
" လရိပ် .. သားဘာဖြစ်လို့လဲ ..."
လရိပ်ညိုရဲ့တတွတ်တွတ်ပြောနေသံကြောင့်
မောင်လည်းနိုးလာကာ လရိပ်ညိုတို့သားအမိအနားကို
တိုးကပ်လာလေသည် ..။
" မသိပါဘူးမောင်ရယ်
လရိပ်လည်းအိပ်ပျော်နေတုန်း သားငိုသံကြားလို့
မေးနေတာလည်း သားသားက ဘာမှမပြောသေးဘူး
သား .. မေမေ့ကိုပြောလေသားရဲ့ ဘာဖြစ်လို့လဲဟင် .."
သားလေးရဲ့ကျောပြင်လေးကို ပွတ်သပ်ပေးရင်း
ချော့မေးနေပေမယ့် သားလေးကတော့ ရင်ခွင်ထဲမှာဘဲမျက်နှာလေးကိုဝှက်ပြီး ငြိမ်သက်နေလေသည် ..။
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
