" တီငယ် သားဂိမ်းစက်ပျက်သွားပြီ အသစ်ဝယ်ပေး "
မီးဖိုခန်းထဲမှာ အိမ်အကူဒေါ်ချိုနဲ့အတူ
ချက်ပြုတ်နေတဲ့ကေသရီရဲ့အနားကို မင်းကမ္ဘာက
စူပုတ်ပုတ်မျက်နှာလေးနဲ့ ရောက်လာလေသည် ...။
" ဟယ် သားရယ်
သားကညတဖြေးဖြေးအတန်းကြီးလာပြီလေ
ဂိမ်းတွေချည်းပဲ ဆော့နေလို့ မရတော့ဘူးသားရဲ့ .."
" မရဘူးဗျာ ဝယ်ပေးဆိုဝယ်ပေး .."
" ဟဲ့ .."
ဇွတ်တရွတ်ဆန်လှတဲ့ တူဖြစ်သူကို
ကေသရီ စိတ်ညစ်သလို လှည့်ကြည့်လိုက်တော့
မင်းကမ္ဘာကလည်း အလျော့မပေးတဲ့ပုံစံပြလေသည် ။
ဖြူဝင်းတဲ့မျက်နှာလေးမှာ မျက်ကွင်းလေးတွေညိုနေတာက
ဂိမ်းတွေဘယ်လောက်ဆော့နေလည်း ဆိုတာကိုပြနေသည် ။
ဖုန်းထဲမှာလည်း ဂိမ်းတွေထည့်ထားသလို
ကွန်ပြူတာနဲ့ကလည်း ဆော့သေးသည် ။
အခုတော့ ဂိမ်းစက်တစ်ခုက ပျက်ပြန်ပြီတဲ့ .. ။
" တီငယ်မဝယ်ပေးလည်း
သားက ကိုယ့်ဖာသာသွားဝယ်မှာနော်
ဒါမှမဟုတ်လည်း ဒယ်ဒီ့ကိုလှမ်းဝယ်ခိုင်းမှာ .."
" မင်းကမ္ဘာ ..."
" မရဘူးတီငယ်ရာ
သား အဲ့ဒီဂိမ်းစက်မရှိလို့မရဘူး .."
မဲနက်နေတဲ့မျက်ခုံးလေးတွေစုကျုံ့ကာ
နှုတ်ခမ်းလေးတွေကပါ စုလုံးလာတာကြောင့်
ကေသရီ့မှာ အကောင်းဆုံးဖြစ်နိုင်မယ့်နည်းလမ်းကို
အလျှင်အမြန်စဥ်းစားလိုက်ရလေသည် ..။
" အဲ့ဒါဆိုရင်
သားနဲ့တီငယ် အလျော်အစားလုပ်ကြမလား .."
" ဘာအလျော်အစားလဲ .."
သူမစကားကို စိတ်ဝင်စားသွားပုံရတာမို့
ကေသရီလည်း လက်ထဲကလုပ်လက်စ,အလုပ်တွေကို
အကူအဒေါ်ကြီးနဲ့ထားခဲ့ပီး တူဖြစ်သူရဲ့လက်ကိုဆွဲကာ
ထမင်းစားပွဲဘေးက ခုံမှာ ဝင်ထိုင်လိုက်သည် ။
သိချင်စိတ်နဲ့ လိုက်လာတဲ့မင်းကမ္ဘာကလည်း
ကေသရီရဲ့မျက်နှာကိုသာ စူးစိုက်ကြည့်နေသည် ။
" သားက အခုရှစ်တန်းဆိုတော့
လ,ပတ်စာမေးပွဲတွေကစ,ပြီးတော့ အမြဲတမ်း
အမှတ်ကောင်းကောင်းထွက်အောင် လုပ်ရမယ်
အဲ့ဒါဆိုရင် တီငယ်ကလည်း သားလိုချင်တဲ့ဂိမ်းစက်ကို
ဝယ်ပေးမယ်လေ ဘယ်လိုလဲ ..."
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
