နုညံ့ပြီး ခပ်နွေးနွေးအထိအတွေ့လေးက
ခုန်ပေါက်ယိမ်းထိုးနေတဲ့ သူ့စိတ်ရိုင်းတွေကို
တဖြေးဖြေးနဲ့ ငြိမ်သက်အေးချမ်းစေခဲ့ပါသည် ။
ခပ်ဖွဖွလေး တိုးဖက်ထားခွင့်ရပေမယ့်
လက်လွတ်လိုက်ရမှာကို စိုးထင့်သည့်အလား
တင်းကြပ်စွာနဲ့ အရူးအမူးပွေ့ပိုက်လိုက်သော်လည်း
အေးစက်မာကြောသည့် အထိအတွေ့တခုကြောင့်မို့
အသိစိတ်က အာရုံကိုပြန်ကပ်လာသည်။
" အာ့ .. အင်း ဟင်း .."
အခင်းအကျင်းမရှိတဲ့ကြမ်းပြင်ပေါ်မှာ
မှောက်လျှက်အနေအထားနဲ့ နိုးထလာခဲ့ကာ
ဇာတ်ပိုးတခုလုံး တောင့်တင်းနာကျင်နေတာမို့
ဦးခေါင်းကိုခပ်ဖြေးဖြေးထောင်ပြီး ပတ်ဝန်းကျင်ကို
အကဲခတ်လိုက်မိလေသည် ...။
" နိုးပြီလား .."
" ဟင် .."
လက်မောင်းတဖက်မှာတော့
ကြမ်းခင်းရာတွေက အစင်းလိုက်ထင်နေကျန်ပြီး
ထ,ထိုင်လိုက်ချိန်မှာ မြေကြီးထဲမှာထိုင်နေတဲ့ နေဖုန်းကို
တွေ့လိုက်ရလေသည်။
အမကြီး ။
အမကြီးဘယ်ရောက်သွားတာလဲ ။
ပြေလျော့ကျနေသည့်ပုဆိုးကို
လက်တဖက်နဲ့ကိုင်ကာ တဲအတွင်းကို
ကျီးကန်းတောင်းမှောက် လိုက်ကြည့်မိလေသည်။
အမကြီး ။
သူ့စီကို အမကြီးရောက်လာတာမဟုတ်ဘူးလား ။
ရင်ခုန်နေတာတွေက အခုထိလတ်ဆတ်နေဆဲပေမယ့်
အထိအတွေ့တွေက ဝိုးတဝါးနဲ့ အိမ်မက်လိုဖြစ်နေသည် ။
" သေလည်းသေနိုင်လွန်းတယ်နော် မင်း "
" ဟမ် .. "
" နာရီလည်းကြည့်အုံး မိုးချုပ်တော့မယ်
အမူးပြေပြီဆိုရင်လည်း ပြန်ကြမယ် လုပ် .."
တဲအတွင်းထဲမှာ ဘာသဲလွန်စမှ မကျန်အောင်
နေဖုန်းက အားလုံးကိုရှင်းလင်းထားလေသည် ။
ဘီယာပုလင်းတွေ ဘူးခွံတွေဆိုတာ
ဘာတခုမှမကျန်ဘဲ သန့်ရှင်းသပ်ရပ်နေသည် ။
သူ့အရင်နိုးနှင့်နေသည့်နေဖုန်းက
သူနိုးလာမယ့်အချိန်ကိုစောင့်နေပုံရပါသည် ။
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
