ငြိမ်သက်နေသည့်မျက်လွှာလေးကို
ကြည့်နေရင်းနှင့်ဘဲ မြတ်နိုးလွန်းရတာကြောင့်
နှုတ်ခမ်းတွေနဲ့ ခပ်ဖွဖွလေးနမ်းရှိုက်လိုက်ပေမယ့်
အမကြီးကတော့ဖြင့် ပင်ပန်းခဲ့သမျှတွေအပန်းဖြေရင်း
မလှုပ်မယှက် ငြိမ်သက်စွာအိပ်ပျော်နေဆဲဖြစ်လေသည်။
မျက်နှာလေးပေါ်ကို အနည်းငယ်ပြိုဆင်းကျနေသည့်
ဆံနွယ်နုနုလေးတွေကို လက်ညှိုးနှင့်သပ်တင်ပေးရင်း
ခပ်မို့မို့ပါးပြင်လေးကိုလည်း အသာအယာနမ်းလိုက်မိသည်။
မိုးထိန်ထိန်လင်းနေတာသိပေမယ့်လည်း
ငွေရောင်လိုက်ကာတွေကို မဖယ်ရှားသေးဘဲ
အမကြီးကိုရင်ခွင်ထဲ၌ထည့်ကာ ကြည်နူးနေမိသည်။
ပုခုံးလေးကိုတချက်ဖျစ်ညှစ်လိုက်ပြီး
ဦးခေါင်းလေးကိုအသာမ,ကာ သူ့ရင်ဘတ်မှာ
ခပ်တင်းတင်းလေး ဖိကပ်ထားလိုက်တော့မှဘဲ
အမကြီးထံမှ ညည်းသံသဲ့သဲ့ကလေးထွက်လာသည် ။
" အင်း .. ကျွတ် ကျွတ် .."
" မောင့်လရိပ်လေး နိုးပြီလား .."
ခပ်ခြောက်ခြောက်ပွင့်လာတဲ့မျက်ဝန်းလေးတွေက
ပတ်ဝန်းကျင်ကိုအသားမကျသေးသလို ငေးရီနေရာမှ
ဆတ်ခနဲတချက်တုန်သွားပြီး ထ,ထိုင်လေသည် .. ။
" အာ့ ကျွတ် "
မွေ့ယာပေါ် လက်လေးတဖက်ထောက်ပြီး
ကျန်တဖက်က နားထင်လေးကိုဖိလိုက်ကာ
ညည်းညူလိုက်တာမို့ သူ့မှာ စိတ်ပူသွားရသည် ။
" ဖြည်းဖြည်းလေ လရိပ်ရဲ့ ..."
" ဟင် .. "
" အဆင်ပြေရဲ့လား
ဘယ်နားက နာနေသေးလဲ "
" အို .. မောင် .."
" ဘာဖြစ်လို့လဲလရိပ်ရယ် "
" မဟုတ်ဘူး .. သား .. သားသား
ဒီနေ့ လရိပ်တို့ရွာပြန်ရမှာလေမောင်ရဲ့
နောက်ကျနေပြီထင်တယ် ဒုက္ခပါဘဲ "
ဖရိုဖရဲဖြစ်နေသည့်ဆံပင်လေးတွေကို သပ်တင်ပြီး
မွေ့ယာကြီးကိုလက်နဲ့စမ်းပြီး သားကိုရှာနေလေသည် ။
" သားက နိုးနေပြီလရိပ်ရဲ့
အောက်ထပ်မှာ ဒယ်ဒီနဲ့မနက်စာစားနေပြီ ..
ဒီနေ့တော့ လရိပ်ရွာကိုပြန်လို့အဆင်ပြေမှာမဟုတ်ဘူး
ဒယ်ဒီကလည်း မနက်မှပြန်ခိုင်းလိုက်တော့တဲ့ .."
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
