" အဆောင်က လူပြည့်နေပြီလရိပ်ရဲ့
ပင်မ/တိုးချဲ့ campus ၂ ခုစလုံးမှာရော .."
" ဟင်း .. စိတ်ညစ်ပါတယ်ယုရယ်
အဲ့ဒါဆို အပြင်ဆောင်ပဲ ရှာရတော့မှာပေါ့ ."
" နင်တကယ် အဆောင်မှာနေတော့မလို့လား .."
" အင်း .. "
" လကုန်ရက်မဟုတ်တော့ လွယ်ပါ့မလား
ဒီအနီးတဝိုက်မှာကလည်း သူ့ဟာနဲ့သူပြည့်နေတာ .."
" ရှာကြည့်ရမှာပေါ့ယုရယ် .."
မောင့်အိမ်မှာ မနေတော့ဖို့ဆုံးဖြတ်ပြီးတာမို့
ကျောင်းကိုရောက်တာနဲ့ ယုယကိုအကူအညီတောင်းပြီး
အဆောင်ကိစ္စကို စုံစမ်းရတော့သည် ။
ဟိုအရင်ကတည်းက နေဖို့စဥ်းစားဖူးပေမယ့်
မောင့်ကိုငဲ့ညှာပြီး မနေဖြစ်ခဲ့ပေမယ့် အခုတော့
မောင့်ကြောင့်မို့ပဲ အဆောင်နေဖို့စဥ်းစားရပြန်သည် ။
ဖြစ်ခြင်းပျက်ခြင်းအားလုံးက
မောင်နဲ့သာသက်ဆိုင်နေပေမယ့် မောင်ကတော့
ဒီကိစ္စကို ဘယ်လိုပေါက်ကွဲဦးမည်မသိပေ ...။
ရုပ်ရှင်တွေထဲမှာလို မောင့်မိသားစုက
လရိပ်ညိုကို ရိုက်လားနှက်လား မလုပ်သော်လည်း
သူတို့တွေရဲ့စကားလုံးတိုင်းက ရိုက်တာထက်နာဖို့ကောင်း၏။
အညင်သာဆုံးသုံးနှုန်းသွားပေမယ့်
အဓိပ္ပါယ်ချင်းကတော့ အတူတူပဲဖြစ်နေသည် ။
" စိတ်မပူပါနဲ့လရိပ်ရယ်
ဒီလကုန်အထိတော့ နင်တယောက်ထဲနေပေါ့
နောက်လက,စပြီး ငါနင်နဲ့လာနေပါ့မယ်ဟာ ..."
" ရပါတယ်ယုရယ်
လရိပ်တယောက်ထဲလည်း အဆင်ပြေပါတယ် "
" အဲ့ဒီအိမ်မှာ ဘာပြဿနာဖြစ်လို့လဲလရိပ် "
" မဖြစ်ပါဘူးယုရဲ့
လရိပ်က ဒီအတိုင်း ခွဲထွက်ချင်လို့ "
" နင့်ကောင်လေးက မတားဘူးလား .."
လရိပ်နဲ့မောင့်အကြောင်းကို
လရိပ်အနည်းအကျဥ်းပြောပြထားတာမို့
ယုယကလည်း သိသင့်သလောက်သိနေလေသည် ။
မောင် ရွာကိုလိုက်လာပြီး
လရိပ်နဲ့ချစ်သူတွေဖြစ်သွားကြပြီဆိုတာကို
ယုယသိတော့ ဝမ်းသာသံကြီးနဲ့ ဂုဏ်ပြုရှာသည် ။
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
