" သားရေ သွားကြမယ်လေ .."
" ခဏလေးတီငယ် .. အမကြီးဆီခဏသွားမလို့ "
ကျောင်းသွားဖို့အတွက် အဆင်သင့်ဖြစ်နေကာမှ
နောက်ကြောင်း ပြန်လှည့်ချင်နေတဲ့ မင်းကမ္ဘာကို
ကေသရီကလည်း မကြည်သလိုလေးကြည့်လာသည် ။
လရိပ်ညိုဆီကို သွားဦးမယ်ဆိုတာကြောင့်
အလိုမကျပေမယ့် တားလို့မရမှန်းလည်းသိနေသည်။
" ဘာသွားလုပ်မှာလဲသားရဲ့
စာဖြေချိန်နောက်ကျနေပါဦးမယ်သားရယ် .."
" ခဏလေးပါတီငယ်ရ .. မကြာပါဘူး
အမကြီးဆီမှာ တောင်းစရာလေးရှိလို့ .."
" အို ဟဲ့ ..
ဒီကောင်လေးနဲ့တော့ ခက်တာပဲ .."
ပွစိပွစိလုပ်နေတဲ့တီငယ့်ကို ကျောခိုင်းပြီး
အမကြီးရဲ့အခန်းဆီကို ပြေးလာခဲ့မိလေသည် ။
ပထမဦးဆုံးစာဖြေရက်မို့
စိတ်လှုပ်ရှားနေမိသလို ရင်လည်းခုန်နေသည် ။
ဒီစာမေးပွဲကြီးပြီးသွားရင်
အမကြီးထံက လိုချင်တာတွေလည်းရှိသလို
ကိုယ်လုပ်ချင်တာတွေကိုလည်း လုပ်ခွင့်ရတော့မှာမို့
တွေးကြည့်ရုံနဲ့တင် အပျော်လွန်နေခဲ့ရလေသည် ။
မီးဖိုခန်းထဲမှာ ကြီးချိုတယောက်ထဲသာရှိတာမို့
အမကြီးရဲ့အခန်းတံခါးကို ခေါက်လိုက်မိသည် ။
" .............. "
" အမကြီး .. တံခါးဖွင့်ပေးဦး .. ကျွန်တော်ပါ "
မင်းကမ္ဘာ အသံပြုလိုက်ပြီးခဏအကြာ
တံခါးပွင့်သွားပြီး သနပ်ခါးလေးလိမ်းခြယ်ထားတဲ့
မွှေးမြတဲ့မျက်နှာလေးကို မြင်တွေ့လိုက်ရလေသည် ။
အဖြူရောင် ရင်စေ့လက်တိုလေးကို
အညိုရောင်ထမီလေးနဲ့ တွဲဝတ်ထားတာမို့
မြင်နေကျမဟုတ်တဲ့ အမကြီးရဲ့ပုံစံလေးက
ဥပုတ်စောင့်သွားမယ့် ယောဂီလေးလိုဖြစ်နေသည် ။
ခပ်ထင်းထင်းလေးမြင်နေရတဲ့
ပါးကွက်ကြားလေးကိုစိုက်ကြည့်လိုက်မိတော့
အမကြီးက မသိမသာလေးမျက်စောင်းထိုးလာသည် ။
" ကမ္ဘာ .."
" အင်း .. "
" သွားတော့မှာမို့လား .. နောက်ကျနေဦးမယ်လေ .."
ВЫ ЧИТАЕТЕ
🌙 လရိပ်ညို 🌙
Любовные романыအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
