" ကဲ ရောက်လာပါပြီ ဒို့ရဲ့စီနီယာမမကြီး .."
တုံကင်ယူပြီးစောင့်နေတဲ့ လူနာအနည်းစုကို
ပြုံးပြနှုတ်ဆက်ရင်း အထဲကိုရောက်လာတော့
နေပိုင်နဲ့စကားပြောနေတဲ့ယုယကို တွေ့လိုက်ရတာမို့
လရိပ်ညိုမှာ ပြောမပြတတ်အောင် ဝမ်းသာသွားရလေသည်။
" ဟယ် .. ယု
ဒီကိုရောက်နေတယ် ကြည့်စမ်း
လာမယ်ဆိုတာကို ဘာလို့ဖုန်းမဆက်တာလဲ .."
" အစီအစဥ်မရှိဘူးလရိပ်ရဲ့
ဆေးခန်းအတွက် ဆေးလာထုတ်ရင်းနဲ့
စိတ်ကူးပေါက်တာနဲ့ ဒီကိုလာခဲ့တာလေ ..."
" အဆင်ပြေရဲ့လား ဆေးခန်းက
ဆေးလာထုတ်တာကရော တယောက်ထဲလား .."
" သတို့သားလောင်းပါတယ်လေ .. ဟိုမှာ .."
" အယ် .."
လူနာစမ်းသပ်ကူတင်ထောင့်စွန်းနားမှခုံမှာ
ထိုင်နေတဲ့လူတယောက်လုံးကို ယုယပြတော့မှဘဲ
လရိပ်ညိုမှာ သတိထားမိတော့သည် ...။
အနေအေးပုံရသည့် ယုယသတို့သားလောင်းက
ပြုံးပြနှုတ်ဆက်ပြီး ဖုန်းကိုသာပြန်ကြည့်နေသည် ..။
" ငါတို့တွေ မတွေ့ရတာကြပြီ
လရိပ် နေ့လယ်ကျရင်ငါတို့ပြန်လာခဲ့မယ်
အဲ့ဒီတော့မှ အေးအေးတေးဆေးတွေ့ကြမယ်ဟာ
အခုက ဆေးရုံမှာဆေးသွားထုတ်ရဦးမှာ .. နင်တို့လည်း
အပြင်မှာလူနာတွေက စောင့်နေပြီ အားနာစရာကြီး .."
" အေးပါ အဲ့ဒါဆိုလည်း နေ့လည်ကျမှတွေ့မယ်လေ .."
ယုယက မျက်နှာလေးတွေ့ပြီးတာနဲ့ ပြန်ဖို့ပြင်သလို
လရိပ်ညိုလည်း အပြင်ထိ လိုက်ပို့လိုက်သည် ...။
" လရိပ် ..."
" ဟင် ..."
" ငါနင်နဲ့တွေ့ချင်နေတာဟာ
ဖုန်းထဲမှာပြောရတာလည်း အားမရဘူး
နင်အခု နင့်ကောင်လေးအိမ်မှာဘဲလား
ကလေးကိစ္စရော အဆင်ပြေသွားပြီလား
သားလေးကိုလည်း တွေ့ဖူးချင်လိုက်တာဟာ
ကျောင်းတက်နေပြီဆိုတော့ လည်နေပြီပေါ့ .."
ယုယက အပြင်ရောက်တာနဲ့
သူ့သတို့သားလောင်းမကြားအောင်
စကားကို ခပ်တိုးတိုးလေးပြောပြီး စပ်စုလာသည် ။
ESTÁS LEYENDO
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
