" ဂလုန်း .. "
" ဒုန်း .. "
" အာ့ .. သေပြီ .."
သတိထားပြီး ပြန်လာခဲ့တာတောင်မှ
အိမ်ထဲဝင်လိုက်တာနဲ့ ခုံတလုံးနဲ့ဝင်တိုက်မိလေသည်။
ခြေသန်းလေးတဖက်က
ကျိုးသွားသလို နာကျင်သွားရတာမို့
ခြေထောက်ကို ထောက်ကြွထောက်ကြွလုပ်ရင်း
အိမ်ထဲကို ဝင်လာခဲ့တော့ တီငယ်နဲ့တိုးလေသည် ။
" ဟယ် .. သားလေး
စိတ်ပူနေတာသားရယ် ဘာလို့အခုမှပြန်လာတာလဲ "
" သား ရှိုင်းတို့အိမ်မှာပဲ နေတာပါ .."
တီငယ်က အနားကိုရောက်လာပြီး
မင်းကမ္ဘာရဲ့လက်ကို ဆွဲကိုင်လိုက်တော့
မကောင်းတဲ့အနံ့အသက်ကို ခံစားမိသွားပုံပေါ်၏.. ။
နှာခေါင်းလေးကိုရှုံ့ပြီး
သူ့မျက်နှာကို စိုးရိမ်မကင်းမော့ကြည့်လာသည် ။
ထိုအချိန်မှာပဲ ဒယ်ဒီကအနားကိုရောက်လာပြီး
မင်းကမ္ဘာကို စူးစိုက်ပြီးကြည့်လာလေသည် ...။
" မင်းကမ္ဘာ .. မင်း ဒါ ဘာအချိုးတွေချိုးလာတာလဲ .."
" သား ဘာချိုးလို့လဲဒယ်ဒီ .. "
" တောက် .. မင်း .."
" ဖြောင်း .."
" အာ့ .."
ရုတ်တရက် နားရင်းကို ဖြတ်ရိုက်ခံလိုက်ရတာမို့
ဆံပင်တွေပါ ဖွာထွက်သွားကာ လူက မဟန်နိုင်ပဲ
ကြမ်းပြင်ပေါ်ကို ဖင်ထိုင်လျက် လဲကျသွားလေသည် ။
" အမလေး အကိုကြီးရဲ့ မလုပ်ပါနဲ့
သားလေးကိုမလုပ်ပါနဲ့အကိုကြီးရယ်
ပါးစပ်နဲ့ပြောပါ လက်တွေမပါ ပါနဲ့ .. သား
သား ဘယ်လိုဖြစ်လာတာလဲသားရယ် အဟင့် သားရယ် "
" ဖယ်စမ်း ကေကေ
ဒီကောင် ဘာအချိုးချိုးနေတာလဲ နင်သိလား
ခွေးဖြစ်ချင်နေတဲ့ကောင် ခွေးဖြစ်ချင်နေတာ .."
ကြမ်းပြင်မှာ လဲကျသွားတဲ့အတိုင်း
ဒူးတဖက်ထောင်ပြီး ထိုဒူးပေါ်ကို လက်တင်ကာ
အကြည့်တွေက ထီမထင်ပုံစံမျိုးတွေနဲ့ဖြစ်နေသည် ။
တီငယ်ကတော့ လဲကျသွားတဲ့သူ့ကို
ပွေ့ချီတော့မလို ဘေးနားမှာ ပြာယာခတ်နေရှာသည် ။
CZYTASZ
🌙 လရိပ်ညို 🌙
Romansအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
