ခေါင်းထဲရောက်လာသည့် မောင့်အကြောင်းတွေကို
အတွေးနယ်ချဲ့ဖို့ကြိုးစားမိစဥ်မှာပဲ ဖုန်းဝင်လာသည် ။
မောင်ဆက်တာမို့လည်း အမြန်ကိုင်လိုက်ရသည် ။
" မောင် "
" အဆောင်ရှေ့မှာရောက်နေပြီ
လရိပ်အဆင်ပြေရဲ့လား မောင်ဝင်လာခဲ့ရမလား "
" လရိပ်အဆင်ပြေပါတယ်မောင်ရဲ့
အပြင်ကဘဲစောင့်နေလေ လရိပ်လာခဲ့မယ် .."
" .............. "
အဆောင်ရှေ့မှာရောက်နေပြီဆိုတာကြောင့်
သနပ်ခါးတောင် ခြောက်အောင်မစောင့်နိုင်ဘဲ
အဝတ်အစားကို အမြန်လဲကာ ထွက်လာခဲ့ရလေသည် ။
အဆောင်ရှေ့ကိုရောက်တော့
မောင့်ကိုမတွေ့ရဘဲ မလှမ်းမကမ်းမှာရပ်ထားတဲ့
အနက်ရောင်ကားတစီးကိုသာ တွေ့လိုက်ရတာမို့
မဝံ့မရဲနဲ့ အနားကိုလျှောက်သွားလိုက်မိသည် ။
" တီ "
" အမလေး "
ခပ်စောင့်စောင့်ထွက်လာသည့်ဟွန်းသံကြောင့်
လရိပ်ညိုမှာ ကိုယ့်ရင်ဘတ်လေးကိုယ် ဖိလိုက်မိပြီး
မောင်ဖွင့်ပေးလိုက်တဲ့တံခါးမှ ဝင်ထိုင်လိုက်ရသည် ။
" မောင် .. "
" .............. "
အထဲကိုရောက်လို့ ကားတံခါးပိတ်လိုက်ချိန်မှာဘဲ
ရုတ်တရက်ဆွဲယူပွေ့ဖက်လိုက်တဲ့ မောင့်လုပ်ရပ်ကြောင့်
လရိပ်ညိုမှာ ဘာစကားမှမပြောနိုင်ဘဲ မောင့်အနမ်းတွေမှာ
စက္ကန့်များစွာ နစ်မွန်းသွားခဲ့ရလေသည် ..။
မခြောက်သေးတဲ့သနပ်ခါးလေးတွေ ပျက်မှာစိုးပေမယ့်
တဖြည်းဖြည်းညင်သာလာတဲ့ မောင့်ရဲ့အကြင်နာတွေက
နဖူးလေးကိုဖွဖွနမ်းပြီး အဆုံးသတ်ပေးလေသည် ...။
" ဒယ်ဒီက ဘာပြောလိုက်လို့လဲ ..."
" ဟင် ..."
မျက်လုံးလေးတွေကိုပါ ခပ်ဖွဖွနမ်းလိုက်တဲ့မောင်က
ထိုမျက်လုံးလေးတွေထဲကို စူးစိုက်ပြီးကြည့်လာသည်။
အကြည့်တွေကို ရွေ့လျားရှောင်ဖယ်လိုက်ပေမယ့်
မောင့်ပုံရိပ်ကတော့ အမြင်အာရုံထဲမှာ စွဲထင်နေဆဲပါပဲ။
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
