" ထမင်းကို အချိန်မှန်စားနော်သမီး
ကျန်းမာရေးကိုလည်းဂရုစိုက် ကြားလား .."
" ဘာတွေမှာနေတာလဲ မိတင်ရယ်
သမီးက အလုပ်သွားလုပ်မှာမှမဟုတ်တာ
လရိပ်ညို သမီးတက်ရမယ့်ကျောင်းကလေ
ဆရာကြီးတို့အိမ်နဲ့ သိပ်မဝေးဘူးဆိုပေမယ့်
လမ်းသွားလမ်းလာဂရုစိုက်နော် ..."
" သမီးတယောက်ထဲလွှတ်လိုက်လို့ ဖြစ်ပါ့မလား "
အမေနဲ့အဖေက တယောက်တမျိုးစီပြောရင်း
လရိပ်ညိုအတွက် ပစ္စည်းတွေကိုထည့်ပေးနေကြသည်။
" ကားဂိတ်အထိ ကျွန်တော်လိုက်ပို့ပေးမှာပါ
ဟိုရောက်ရင် ကေကေလာကြိုမှာမို့ စိတ်မပူကြပါနဲ့ "
" ဆရာကြီးညီမ လာခေါ်တဲ့အထိစောင့်ပေးပါနော်
သမီးတယောက်ထဲ မျက်စိလည်နေမှာစိုးလို့ပါ ..."
" စိတ်ချပါဗျာ
သမီးလရိပ်က အဲ့လောက်လည်း မအ,ပါဘူး
ကိုညိုမောင်နဲ့မတင်မာညိုတို့ စိတ်ချလက်ချသာနေပါ.. "
ဆရာဝန်ကြီးက လရိပ်ညိုတို့မြို့ရဲ့ကားဂိတ်အထိ
လိုက်ပို့ပေးမှာဖြစ်ပြီး ကျန်ခရီးကိုတော့ သူမကိုယ်တိုင်
ဒေါ်ကေသရီဆိုတဲ့ အမျိုးသမီးနဲ့သွားရမှာဖြစ်၏ ..။
" သမီး ရန်ကုန်ရောက်ရင် ဖုန်းကိုအရင်ဝယ်နော်
ဖုန်းဝယ်ပီးတာနဲ့ အမေတို့ကိုဆက်လိုက် သိလား .."
" အင်းပါအမေရဲ့ စိတ်မပူနဲ့နော်
သမီး ဟိုရောက်တာနဲ့ ဖုန်းဆက်လိုက်ပါ့မယ် "
" အင်းအင်း..
သမီးယူစရာရှိတာ အကုန်ယူပြီးပြီလား
ဆရာကြီးပြောတဲ့ အောင်လက်မှတ်တွေကရော .."
" ဟုတ် ပါတယ်အမေရဲ့ ဒီထဲမှာ
အော် ဒါနဲ့အမေရေ .. သမီးကိုလေ
သနပ်ခါးတုံးတတုံးလောက် ပေးလိုက်ပါလား
သမီးက သနပ်ခါးမလိမ်းဘဲ မနေတတ်လို့ပါ .."
" အေးအေးသမီး ယူသွားလေ
ခဏနေဦး အမေသွားယူပေးမယ်.."
အမေက ပြောပြောဆိုဆိုနဲ့
အိမ်ပေါ်ကိုပြန်တက်သွားလေသည် ။
" သမီးလရိပ်က သနပ်ခါးကြိုက်တာလား
အင်း လိမ်းတက်ရင်တော့ ယူခဲ့ပေါ့သမီးရာ
အိမ်မှာကေကေက မိန်းကလေးဆိုပေမယ့်
ဘယ်တုန်းကမှ သနပ်ခါးလိမ်းတာမဟုတ်ဘူးကွ.. "
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
