" ဘာကူညီပေးရမလဲမောင်လေး .."
" ဗျာ .."
တကြိမ်တခါမှမရောက်ဖူးတဲ့
ဆေးရုံကြီးထဲမှာတော့ မင်းကမ္ဘာတယောက်
ကျောပိုးအိတ်လေးကိုလွယ်ပြီး ဟိုကြည့်ဒီကြည့်ဖြစ်နေ၏။
လူကြီးလည်းမပါ အဖော်လည်းပါမလာတဲ့သူ့ကို
အားလုံးက အမှတ်တမဲ့နဲ့ ဖြတ်ကျော်သွားကြပေမယ့်
အချိန်ခဏအကြာမှာတော့ ဆရာမလေးတယောက်က
အနားကိုရောက်လာပြီး မေးလေသည် ..။
" မောင်လေး လူလာရှာတာလား
ဒါမှမဟုတ် နေမကောင်းဖြစ်လို့လာပြတာလား .."
" ဟို .. မဟုတ်ဘူးဗျ ..
ဒီမှာလေ ဆရာမလရိပ်ညို ရှိလားမသိဘူး .."
" ရှင် .."
သူပြောနေတာ မှားနေမှန်းသိပေမယ့်
ရင်တွေခုန်နေတာမို့ အသံတွေပါတုန်ချင်နေသည်။
" ဒီနေ့ .. ဒီနေ့လေ
ဒီကို လက်တွေ့လာဆင်းတဲ့ သူနာပြုတက္ကသိုလ်က
အမကြီးလရိပ်ညိုနဲ့ တွေ့ချင်လို့ပါ ..."
" အော် YUONကလား
အဲ့တာဆိုရင်တော့ ရှိပါတယ် .. ဒါပေမယ့်
လရိပ်ညိုပါလား မပါလားတော့မသိပါဘူးမောင်လေး .."
" ဟုတ်ကဲ့ ကျေးဇူးတင်ပါတယ် .."
ဆရာမလေးက သူ့ကို
စူးစမ်းသလိုကြည့်ပြီး ထွက်သွားတာမို့ သူလည်း
သက်ကိုဝ,အောင်ရှုပြီး လျှောက်ကြည့်နေမိသည် ။
ဒယ်ဒီနဲ့အမကြီး ညတုန်းကပြောနေခဲ့တာကို
မင်းကမ္ဘာမှာ အမှတ်တမဲ့နဲ့ကြားလိုက်မိတာကြောင့်
ကျောင်းကို နေ့တဝက်ဖျက်ပြီး လာခဲ့ခြင်းဖြစ်သည် ။
ဆရာမကို နေမကောင်းလို့အိမ်ပြန်ချင်တယ်ပြောပြီး
သူငယ်ချင်းတွေကို ဘာမှအသိမပေးပဲထားခဲ့မိသည်။
တကိုယ်ရည်စွန့်စားရတဲ့ ဒီအခိုက်အတန့်မှာ
ရင်ထဲမှာရော နှလုံးသားထဲမှာပါ ခံစားချက်က
ဘာနဲ့မှ ယှဥ်ပြလို့မရအောင်ဖြစ်နေခဲ့သည် ...။
အဖြူရောင်ကုတ်ကြီးတွေဝတ်ပြီး
နောက်ကဆရာမလေးတွေခြံရံပြီးသွားနေတဲ့
ဆရာဝန်ကြီးတွေကိုမြင်တော့ဒယ်ဒီများလားဆိုပြီး
အထိတ်တလန့်နဲ့ ပုန်းကွယ်မိရတာလည်း အခါခါပါပဲ ။
DU LIEST GERADE
🌙 လရိပ်ညို 🌙
Romantikအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
