" ကျွန်တော့်ကိုပေး ဦးလေး .. ကျွန်တော်လုပ်ပေးမယ် "
" နေပါကွာ ရပါတယ် .."
" ပေးပါဦးလေးရ ကျွန်တော်လုပ်ပေးချင်လို့ပါ "
ရေချိုးဖို့အတွက် တုံကင်မှာရေနှိပ်နေတဲ့အဖေ့ကို
မင်းကမ္ဘာက အသဲအသန်ဝင်ကူနေတာကို လရိပ်ညိုမှာ
မီးဖိုချောင်ထဲမှာ ချက်ပြုတ်နေရင်းနဲ့တွေ့ မြင်နေရသည် ။
အဖေ့ကို မျက်နှာလုပ်နေပြန်ပြီ ။
ကော့ညွှတ်တဲ့နှုတ်ခမ်းလေးတွေက
အမြဲတမ်းဆိုသလို ပြုံးရောင်သမ်းနေသည်မှာ
လရိပ်ညိုထံမှ ချစ်အဖြေရပြီးကတည်းကဖြစ်လေသည်။
ဘယ်နေရာမှာမဆို တက်ကြွဖျတ်လက်နေပြီး
မြို့သားဆိုတဲ့ သွင်ပြင်လက္ခဏာတွေပျောက်ကာ
ရွာသားလေးလုံးလုံး ဖြစ်နေခဲ့လေသည် ....။
နေဖုန်းတို့နဲ့ ဘုရားထဲသွားပြီးဝိုင်းကူသလို
အိမ်ကိုပြန်ရောက်ရင်လည်း ထင်းခွဲရ ရေခပ်ရနဲ့
တခါတလေ အမေ့ကိုပါ ဝိုင်းကူတတ်ပြန်သည် ...။
ဟိုအရင်ထက် သိတက်လိမ္မာလာတဲ့သူ့ကို
အဖေနဲ့အမေက သားလေးဆိုပြီး ပါးစပ်ဖျားကမချ ။
ပတ်ဝန်းကျင်က သတိထားမိလာလောက်တဲ့အထိ
မင်းကမ္ဘာရဲ့အပြုအမူတွေက ပိုမိုပီပြင်လာခဲ့လေသည်။
" ကိုညိုမောင်တို့တော့ သားတယောက်ထပ်ရတာပဲဗျို့
ဆရာကြီးသားလေးက သံယောဇဥ်တော့တွယ်တက်သား "
" ဟုတ်ပတော်
ဆရာကြီးပြောင်းသွားတာတောင်
သူ့ခမျာ ကိုညိုမောင်တို့ကို ခင်နေရှာတာ "
" ကောင်လေး မင်း ဒီရွာသားလုပ်လိုက်ပါလားကွ.. "
" တွေ့နေပြီလားတောင် မသိပါဘူးတော် .. ဟင်းဟင်း "
အမျိုးမျိုးသော မှတ်ချက်တွေကို
မင်းကမ္ဘာကတော့ အပြုံးနဲ့သာနှုတ်ဆိတ်နေခဲ့ပြီး
လရိပ်ညိုမှာတော့ နှစ်ယောက်တွဲပြီးသွားလာဖို့တောင်
စိုးရွံ့နေတာမို့ အနေအထိုင်ကို ပိုပြီးသတိထားနေရသည်။
လရိပ်ညိုက မကြိုက်ပါဘူးလို့ပြောထားတာမှန်သမျှ
မင်းကမ္ဘာကလည်း အတက်နိုင်ဆုံးနားထောင်ပေးပါသည်။
ESTÁS LEYENDO
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
