" မောင့်ကို ဘယ်လိုစကားတွေနဲ့နှစ်သိမ့်ချင်သေးလဲ .."
" မဟုတ်ပါဘူးမောင်ရယ်
အဲ့ဒီနေ့က မောင်ပို့ထားတဲ့စာကို မတွေ့လို့ပါ တကယ် "
" အဆောင်မှာနေရမယ့်ကိစ္စကို
ဘာဖြစ်လို့ မောင်သိခွင့်မရှိခဲ့တာလဲ
မောင့်ကို ဘာဖြစ်လို့မတိုင်ပင်ခဲ့ရတာလဲ .."
" မောင်ရယ် လရိပ်ကလေ .."
စိမ်းဖန့်ဖန့်မျက်ခုံးတန်းတွေကိုတွန့်ချိုးထားပြီး
အကြည့်တွေကျဥ်းမြောင်းနေတဲ့ မောင့်ပုံစံကြောင့်
ဘယ်လိုရှင်းပြရမယ်မှန်းမသိအောင် ဖြစ်နေရသည် ။
ရှောင်ရင်းတိမ်းရင်း လှည့်ရင်းပတ်ရင်းနဲ့ဘဲ
ဒီနေ့မှာတော့ မောင်က ကျောင်းအထိလိုက်လာတာမို့
အနီးဆုံးက ကော်ဖီဆိုင်လေးတဆိုင်မှာ လရိပ်နှင့်မောင်
အတူထိုင်ရင်း စကားတွေပြောဖြစ်ခဲ့ကြလေသည် ။
မောင့်ဘက်က အလိုမကျမှုတွေများနေခဲ့ပြီး
လရိပ်ညိုဘက်ကတော့ မောင့်စကားတွေကိုဖြေရှင်းဖို့
အားအင်တွေစုစောင်းကာ ကော်ဖီကိုငုံ့သောက်နေမိ၏။
" မောင့်အပေါ်မှာဘယ်လိုသဘောထားလို့လဲ
မောင်နဲ့လရိပ်က ချစ်သူတွေမဟုတ်ကြဘူးလား
ဘာကိစ္စတွေပဲရှိရှိ တယောက်နဲ့တယောက်က
ပွင့်ပွင့်လင်းလင်း တိုင်ပင်လို့မရဘူးလားလရိပ်ရယ်
လရိပ်က မောင့်ကို အမြဲတမ်းကလေးတယောက်လို
အရေးမပါသလို ချောင်ထိုးထားခဲ့တယ်
လရိပ်ဘက်ကအခက်အခဲကို အမြဲတမ်းတယောက်ထဲ
ဖြေရှင်းတယ် .. မောင်က အားကိုးမရတဲ့သူမို့လို့လား
ဘာမှအသုံးမဝင်ဘူးလား လရိပ်အတွက် မောင်က
ဘာမှမဟုတ်ဘူးလားကွာ ..."
ခံစားချက်တွေကိုရင်ဖွင့်နေတဲ့မောင်က
သူမ,အားကိုးရလောက်တဲ့အမျိုးသားလေးပါပဲ ။
ဒါပေမယ့်
မောင့်ကို ဒီထပ်ပိုပြီးစိတ်မညစ်စေချင်တာက
လရိပ် မောင့်အပေါ်ထားတဲ့အချစ်တခုပါပဲမောင်ရယ် ။
" မောင်ကလဲ အဲ့ဒီလောက်အများကြီးမတွေးပါနဲ့
လရိပ်အခုလို အဆောင်မှာနေတာက တနည်းပြောရရင်
မောင်နဲ့အခုလို အေးအေးဆေးဆေး တွေ့လို့ရတယ်လေ "
ESTÁS LEYENDO
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
