" အားနာလိုက်တာ ကြီးချိုရယ်
လရိပ်ကလေ သနပ်ခါးတုံးသာယူလာတာ
ကျောက်ပျဥ်ယူခဲ့ဖို့ကို လုံးဝသတိမရဘူး ..
အခုကြီးချိုက လရိပ်ကိုဒီကျောက်ပျဥ်အပိုင်ပေးတော့
လရိပ်အရမ်းဝမ်းသာတာပဲ ကျေးဇူးလည်းတင်ပါတယ် "
" မလိုပါဘူးသမီးရယ်
ကြီးချိုက သနပ်ခါးလည်းသိပ်မလိမ်းဖြစ်ပါဘူး
သမီးက ကြီးချိုဆီလာလာလိမ်းနေရတာဆိုတော့
မလွတ်လပ်သလိုဖြစ်နေမှာစိုးလို့ အပိုင်ပေးလိုက်တာ
သမီးအခန်းထဲယူသွားလိုက်နော် အားမနာနဲ့ ..."
" ဟုတ်ကဲ့ ..
လရိပ် ကောင်းကောင်းသုံးပါ့မယ် ..."
ကြီးချို ပေးလိုက်တဲ့ကျောက်ပျဥ်လေးကိုယူပြီး
လရိပ်ညိုလည်း ကိုယ့်အခန်းကိုယ် ဝင်လာခဲ့လေသည်။
လရိပ်ညိုနေဖို့အတွက်ကို
အိမ်ရဲ့အောက်ထပ်မှာပဲ စီစဥ်ပေးထားတာမို့
ထမင်းစားခန်းနဲ့ မျက်စောင်းထိုးအခန်းတခုမှာ
လရိပ်ညိုက နေရလေသည် ..။
လရိပ်ညိုရဲ့အခန်းဘေးမှာတော့ စတိုခန်းတခန်းရှိပြီး
တဖက်မှာတော့ ကြီးချိုရဲ့အခန်းဖြစ်လေသည် ...။
အောက်ထပ်ကအခန်းဆိုပေမယ့်
သန့်ရှင်းသပ်ရပ်ကာ ကျယ်လည်းကျယ်သလို
လရိပ်ညိုတို့အိမ်တလုံးစာလောက်မျှကို ရှိလေသည် ။
အန်တီကေသရီနဲ့ မင်းကမ္ဘာတို့က
အိမ်အပေါ်ထပ်မှာနေကြပြီး စာသင်ဖို့အတွက်တော့
ဧည့်ခန်းကို အသုံးပြုခွင့်ပေးထားလေသည် ...။
အခုဆိုရင် လရိပ်ညို ဒီအိမ်ကိုရောက်လာတာ
တလနီးပါးရှိနေပြီဖြစ်ပေမယ့် မင်းကမ္ဘာနဲ့တော့
သိပ်မရင်းနှီးသေးတဲ့အခြေအနေမှာဘဲ ရှိနေသည် ...။
လရိပ်ညိုမှာလည်း ကိုယ့်စာနဲ့ကိုယ်ဖြစ်သလို
မင်းကမ္ဘာကလည်း ကျက်စာကိုသာ သူနဲ့အတူ
ဝိုင်းကူကျက်စေတာမို့ လရိပ်ညိုမှာ သက်သာပါသည် ။
မင်းကမ္ဘာက အဂ်လိပ်နဲ့သချ်ာကို
ဘယ်သူ့အကူအညီမှမယူပဲဖြေရှင်းနိုင်ပေမယ့်
ကျက်စာမှာတော့ လရိပ်ညိုကိုယ်တိုင်အလွတ်ရတဲ့အထိ
အတူလိုက်ကျက်ပေးရလေသည် ..။
ဥာဏ်မကောင်းတာလည်းမဟုတ်ဘဲနဲ့
သပ်သပ်မယ့် အပြင်းထူနေတဲ့ကောင်လေးပါပဲ ..။
YOU ARE READING
🌙 လရိပ်ညို 🌙
Romanceအချစ်မှာ အပေးအယူဆိုတာ မရှိဘူးကမ္ဘာရဲ့ ငါ ဒါပေးလို့ ဒါပြန်ရ,ရမယ်လို့လည်း မမျှော်လင့်ရဘူး အချစ်ဆိုတာ ကိုယ်ချစ်တဲ့သူ အဆင်ပြေပျော်ရွှင်နေတာကို ဘေးနားက ကြည့်နေခွင့် ရတာနဲ့လည်း အချစ်ဖြစ်တာပဲ ။ ကျွန်တော်ကတော့ အမကြီးလို မတွေးဘူး ကိုယ်ချစ်တဲ့သူ ကိုယ့်ကို...
